Apocalipsis 22:4 - Q'eqchi Bible

⁴ Te'ril li xnaq' ru, ut li xk'ab'a' wanq chi xpeekemeb'.

Li Santil hu

⁴ Eb aꞌan junelic yo̱keb chirilbal ru ut tzꞌi̱banbilak lix cꞌabaꞌ saꞌ xpe̱quemeb.

Apocalipsis 22:4 ပူးပေါင်းရင်းမြစ်များ

Apocalipsis 14:1

Kin'ilok wi' chik, ut wank aran li Karneer xaqxo sa' xb'een li tzuul Sión, rochb'eeneb' kaahib' xwaqxaqk'aal mil (144,000) chi poyanam, wank li xk'ab'a' li Karneer ut li xk'ab'a' li xYuwa'eb' tz'iib'anb'il chi xpeekemeb'.

San Mateo 5:8

Us xaq reheb' li saqeb' ru xch'ool, xb'aan naq te'ril ru li Yos.

Apocalipsis 3:12

Li ani taaq'axoq u, laa'in tink'e cho'q roqechal li rochoch linYos ut maajaruj chik taa'elq aran. Chiru a'an tinlet'exi reetalil li xk'ab'a' linYos jo'wi' li xk'ab'a' xtenamit linYos, a' li ak' Jerusalén li nakub'e chaq toj sa' choxa rik'in linYos; ut tintz'iib'a ajwi' lin'ak' k'ab'a'.

Li xHu LAJ JOB 33:26

Tattijoq chiru li Qaawa' ut A'an taaril xtoq'ob'aal aawu; chi sa sa' aach'ool toxaawil ru li Yos, li nak'irtasink ut nak'ehok wi' chik aakawilal.

Hebreos 12:14

Cheyalaq eeq'e chi wank sa' tuqtuukilal rik'ineb' chixjunil, ut chexwanq sa' santilal, xb'aan naq wi maak'a'aq a'an, maa'ani taa'iloq ru li Qaawa'.

Apocalipsis 7:3

“Meerahob'tesi li ruuchich'och' chi moko li palaw malaj eb' li che', toj qak'ehaqeb' wan reetalileb' rik'in kaaxt chi xpeekemeb' laj k'anjel chiru li qaYos”, chan.

1 Corintios 13:12

Anaqwan nokoo'ilok yal jo' sa' junaq lem moymoy ru, ab'anan sa' jun kutan toxqaka'ya li Yos jo' tz'aqal chanru na'ilok. Anaqwan kach'in ajwi' ninnaw, ab'anan sa' jun kutan toxinnaw ru, kama' naq li Yos naxnaw wu.

San Juan 17:24

“At inYuwa', eb' li xak'eheb' we nawaj naq wanqeb' wochb'een b'arwi' wanqin laa'in, re naq te'xka'ya linloq'al li xak'e chaq we, xb'aan naq xinaara rub'elaj xk'ojlajik li ruuchich'och'.

San Juan 12:26

Wi ani naraj k'anjelak chiwu, chinxtaaqehaq, ut b'ar wanqin laa'in, aran ajwi' wanq laj k'anjel chiwu. Wi ani taak'anjelaq chiwu, taak'ehe'q xloq'al xb'aan li Yuwa'b'ej.

Isaías 33:17

Laa'at taaka'ya jun awab'ej sa' li xloq'al ut taawil jun tenamit maak'a' chik xnub'ajlil.

Salmos 17:15

A'ut laa'in sa' xtiikilal linch'ool toxwil xnaq' aawu; sa' li wajik, taak'ojlaaq li waanm chi wank chawe chawu.

Isaías 40:5

Toja' naq taak'utunq li xloq'al li Qaawa' ut chixjunileb' li poyanam te'ril ru. Xb'aan naq li Qaawa' xyehok re”.

Salmos 4:6

Yeechi'ihomaq leemayej sa' tiikilal ut k'ojk'ooq leech'ool rik'in li Qaawa'.

Isaías 35:2

chi'atz'umaq jo' li saqihix ut chixjapaq re xb'aan xsahil xch'ool. Jwal taach'ina'uso'q jo' li tzuul Líbano, jo' li xchaq'alil ru li Karmeel ut li xtaq'ahil Sarón. Chixjunileb' te'ril li xnimal xloq'al li Qaawa' ut te'xk'e reetal li xwankil li qaYos.

Ezequiel 33:23

Toja' naq li Qaawa' kinraatina ut kixye we chi jo'ka'in: