Apocalipsis 22:16 - Q'eqchi Bible

¹⁶ “Laa'in, li Jesus, xintaqla lin'ánjel eerik'in re xyeeb'al a'in chirixeb' li Iklees. Laa'in li xtuxm ut li ralal laj David, laa'in li kaq chahim nalemtz'unk toj eq'la”.

Li Santil hu

¹⁶ Ut li Jesús quixye: —La̱in xintakla lin ángel a̱cuiqꞌuin re nak ta̱chꞌolob lix ya̱lal aꞌin reheb laj pa̱banel. La̱in li chanchanin xtux li cheꞌ. Quinyoꞌla saꞌ xya̱nkeb li ralal xcꞌajol li rey David. La̱in chanchanin li cak chahim li nalemtzꞌun chak toj ekꞌela, chan li Jesús.

Apocalipsis 22:16 ပူးပေါင်းရင်းမြစ်များ

Apocalipsis 5:5

Ab'an jun reheb' li cheekel winq kiyehok we: “Matyaab'ak. Chawil, li Kaqkoj re li xteepal laj Judá, a' li xTuxb' laj David, xq'axok u: a'an taa'isinq reheb' li wuqub' chi tz'apleb' ut tixte li hu”.

2 Pedro 1:19

Chi jo'kan q'axal chik paab'ajel cho'q qe li raatineb' li propeet. Us teeb'aanu wi teek'e eech'ool chi xk'ulub'ankil jo' nak'ulub'aak junaq saqenk nakutanob'resink sa' junaq na'ajej q'oqyink ru, toj reetal taahik'e'q li kutan ut taayo'laaq li kaq chahim sa' leech'ool.

Isaías 11:1

Taatuxmeq chaq li xxe' laj Jesé, taayo'laaq jun li ralal sa' xxe' xtoonal.

Apocalipsis 1:4

Laa'in laj Jwan nintz'iib'ak rik'ineb' li wuqub' chi Iklees li wankeb' Asia. Usilal ut tuqtuukilal chiwanq taxaq eerik'in sa' xk'ab'a' li wank, li ak wan chaq ut chaalel, sa' xk'ab'a' li wuqub' chi Musiq'ej li wankeb' chiru li xnimajwal k'ojarib'aal

Apocalipsis 22:20

Li Jesus li nach'olob'ank xyaalal chixjunil a'in naxye: “Relik chi yaal naq tinchalq chi seeb'”. Jo'kan taxaq. Chalqat, at Qaawa' Jesus!

San Mateo 22:42

—K'aru nekek'oxla chirix li Kriist? Ani aj alal? Ke'chaq'ok eb' a'an ut ke'xye: —Ralal laj David.

Apocalipsis 22:6

Moqon li ánjel kixye we: “Paab'ajel li aatin a'in ut tz'aqal yaal. Li Qaawa' Yos li na'eek'asink reheb' li propeet, ak xtaqla chaq li x'ánjel re xk'utb'al chiruheb' li xmoos li k'aru taak'ulmanq chi seeb'”.

Apocalipsis 1:1

A'an a'in li kik'utb'esiik chiru li Jesukriist xb'aan li Yos re naq tixk'ut, chiruheb' laj k'anjel chiru, chixjunil li taak'ulmanq chi seeb'. Li Jesukriist kixtaqla chaq li x'ánjel re xk'eeb'al chixnaw laj Jwan li xmoos;

San Mateo 2:2

ut ke'xpatz': —B'ar wank li x'awab'ejeb' laj Judiiy xyo'laak? Xb'aan naq xqil chaq li xchahimal toj sa' releb'l saq'e ut xoochalk chi xloq'oninkil.

Zacarías 6:12

ut taaye re chi jo'ka'in: «Jo'ka'in xye li Nimajwal Yos: A'an a'in li winq li Tuxm naxk'ab'a'in. Taatuxmeq ut tixyiib' wi' chik li rochoch li Qaawa'.

Números 24:17

Wank k'aru nawil, us ta maji' ch'olch'o chi us anaqwan; nink'e reetal chi maji' nanach'ok chi us: jun chahim xwakliik chaq rik'in laj Jakob, xaqxo xwankil jun li awab'ej sa' xyanqeb' laj Israel. A'an tixsach ruheb' laj Mohab ut tixputz'i xjolomeb' li ralal xk'ajol laj Set.

Apocalipsis 3:22

«Ani wank xxik, chirab'ihaq li naxye li Musiq'ej reheb' li Iklees»”.

Apocalipsis 3:13

Ani wank xxik, chirab'ihaq li naxye li Musiq'ej reheb' li Iklees».

Apocalipsis 3:6

Ani wank xxik, chirab'ihaq li naxye li Musiq'ej reheb' li Iklees».

Romanos 9:5

Eb' a'an ralal xk'ajoleb' li qaxe' qatoon; sa' xyanqeb' a'an kitz'ejwalo'k li Kriist li kiyo'laak chaq sa' riyajileb'. A'in wank xwankil sa' xb'een chixjunil, Yos usilaatinanb'il chi junelik q'e kutan. Jo'kan taxaq.

Apocalipsis 22:11

Ani ink'a' tiik xch'ool, xb'aanuuq wan li maa'usilal; ut li ani muxb'il, toj xmuxaq wan rib'. Ani tiik xch'ool, mixkanab' xb'aanunkil li tiikilal, ut li sant mixkanab' xsantob'resinkil rib'”.

Apocalipsis 22:1

Chirix chik a'an li ánjel kixk'ut chiwu li xnima'ul li yu'amha', nalemtz'unk jo' li krixtal, na'elk chaq sa' li xnimaqwal k'ojarib'aal li Yos ut li Karneer.

Apocalipsis 2:17

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka li muqmuukil mana'. Tink'e ajwi' jun xch'ina saqi pek, let'exinb'ilaq chiru li ch'ina pek jun ak' k'ab'a'ej li maa'ani nanawok re, ka'ajwi' li taak'uluq re».

San Lucas 1:78

Rik'in xnimal ruxtaan li qaYos toloorula'ani jun saqenk chaalel toj taqe'q,

Apocalipsis 2:7

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka ru li che' nak'ehok yu'am, li wank sa' li xsantil na'aj li Yos».

San Mateo 22:45

Wi laj David naxye Qaawa' re, chan put ru naq ralalaq?

San Mateo 1:1

Li Jesus, li Kriist, a'an ralal laj David ut ralal laj Abrahán. A'aneb' a'in li xxe' xtoonal.

Apocalipsis 2:11

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u ink'a' taarahob'tesiiq xb'aan li xkab' kamk».

Isaías 14:12

“Chanru naq xatt'ane'k chaq sa' choxa, at xkaq chahimal li hik'e'k? Laa'at li xatnumtaak sa' xb'eeneb' li tenamit xatjilib'aak chik chiru ch'och'.

Romanos 15:12

Laj Isaías kixye ajwi': “Taatuxmeq chaq xxe' laj Jesé ut taawakliiq chaq chi awab'ejink sa' xb'eeneb' li tenamit. Rik'in a'an xaqxooq xnimal royb'enihomeb' li poyanam”.

Apocalipsis 1:11

“Tz'iib'a sa' hu li yookat chi rilb'al, ut taqla rik'ineb' li wuqub' chi Iklees: aran Éfeso, Esmirna, Pérgamo, Tiatira, Sardes, Filadelfia ut Laodicea”.

San Lucas 20:44

Wi laj David naxye Qaawa' re, chan put ru naq ralalaq?