Apocalipsis 22:11 - Q'eqchi Bible

¹¹ Ani ink'a' tiik xch'ool, xb'aanuuq wan li maa'usilal; ut li ani muxb'il, toj xmuxaq wan rib'. Ani tiik xch'ool, mixkanab' xb'aanunkil li tiikilal, ut li sant mixkanab' xsantob'resinkil rib'”.

Li Santil hu

¹¹ Li ani yo̱k chixba̱nunquil li ma̱usilal, xba̱nuhak li ma̱usilal. Ut li ani yo̱k chi ma̱cobc, xba̱nuhak li ma̱c. Li ani ti̱c xchꞌo̱l, yo̱k chixba̱nunquil li ti̱quilal. Li ani santobresinbil, chicua̱nk saꞌ santilal.—

Apocalipsis 22:11 ပူးပေါင်းရင်းမြစ်များ

Daniel 12:10

Naab'aleb' li te'yale'q rix ut te'ch'ajob'resiiq xb'aan li Yos. Eb' li yib'ru xna'leb'eb' toj yooqeb' chi xb'aanunkil li maa'usilal, chi maajun taatawoq xyaalal; ab'anan li wankeb' xchoxahil na'leb' te'xtaw ru.

Proverbios 4:18

Li xyu'ameb' li tiikeb' xch'ool a'an chanchan xsaqenkil li hik'e'k: na'ok chi lemtz'unk toj reetal nakutano'k ru sa' wa'leb'.

Ezequiel 3:27

Ab'an naq tatwaatina wi' chik, tinte laawe ut taaye reheb': «Jo'ka'in xye li Qaawa' Yos». Li ani taaraj ab'ink, chi'ab'inq; a'ut li ink'a' taaraj, ink'a' chi'ab'inq, xb'aan naq a'aneb' jun q'etq'etil tenamit.

2 Timoteo 3:13

A'ut eb' laj maak ut eb' laj b'alaq' taanumtaaq li xmaa'usilaleb', yooqeb' chi b'alaq'ink ut yooqeb' ajwi' chi b'alaq'iik.

San Mateo 15:14

Kanab'omaqeb' xb'aan naq mutz'eb' ut aj b'eresihom mutz'eb'. Ut wi junaq mutz' naxb'eresi junaq rech mutz'il, chi xkab'ichaleb' te't'ane'q sa' jul.

San Mateo 5:6

Us xaq reheb' li neke'tz'okaak ut neke'chaqik re, chi xsik'b'al li tiikilal, xb'aan naq eb' a'an te'k'ojlaaq xch'ool.

Li xHu LAJ JOB 17:9

Ab'an li tiik xch'ool kaw xaqxooq sa' li xpaab'aal, ut li maak'a' xmaak chinimanq li xkawilal xch'ool.

San Judas 1:24

A' taxaq li Yos li wank xwankil chekolb'al chiru li maak jo'wi' cheq'axtesinkil sa' li xnimal xloq'al chi maak'a'aq eemuxul ut rik'in sahil ch'oolej,

San Mateo 25:10

“Naq yookeb' chi xik chi xloq'b'al, kol'elq li b'eelomej, ut eb' li yo'oon wankeb' ke'ok rochb'een sa' li kab'l chi xninq'ehinkil li sumlaak; ut kitz'ape'k li okeb'aal.

Proverbios 14:32

Li ink'a' us xna'leb', a' ajwi' li xmaa'usilal nasachok re; a'ut li tiik xch'ool nakole'k xb'aan li xtiikilal.

Efesios 5:27

re naq li Iklees taaxaqab'aaq chiru chi k'ajo' xloq'al, chi maak'a'aq xtz'ajnil, chi moko xyocholal malaj k'a'aq chik re ru, santaq b'an ut chi maak'a'aq xq'usb'al.

San Mateo 21:19

Kiril jun toon chi iig wank chire b'e: kinach'ok rik'in, ab'anan junes xaq kixtaw. Toja' naq kixye re: —Mat-uuchink chik chi junajwa. Ut chi junpaat kichaqik li xche'el li iig.

Salmos 81:12

“A'ut lintenamit ink'a' xrab'i xyaab' linkux, eb' laj Israel ink'a' xe'raj ab'ink chiwu.

San Juan 8:21

Li Jesus kixye wi' chik reheb': —Xik we laa'in. Laa'ex tineesik', ut texkamq sa' leemaak. B'ar wi' xik we laa'in, ink'a' truuq texxik laa'ex.

Apocalipsis 16:21

Ut kit'ane'k chaq ninqi saqb'ach sa' choxa sa' xb'eeneb' li tenamit, o'taqk'aal liib'r raalal li junjunq; ut eb' li tenamit ke'xmajewa li Yos xb'aan xrahil li saqb'ach, xb'aan naq relik chi yaal naq a'an jun nimla rahilal.

Eclesiastés 11:3

Wi q'eqmoyink ru li choql, nachalk li hab' sa' xb'een li ch'och'. Naq nat'ane'k junaq che', juntaq'eet wi nat'ane'k sa' xjayal releb'l iq' malaj junpak'al: li na'ajej taat'ane'q wi', aran tkanaaq.

Apocalipsis 22:3

Maa'ani chik taamajewaaq aran. Li xnimajwal k'ojarib'aal li Yos ut li Karneer taawanq sa' li tenamit a'an, ut eb' laj k'anjel chiru te'loq'oninq re.

Colosenses 1:22

A'ut anaqwan li Yos xexk'am wi' chik sa' rusilal sa' xk'ab'a' li xkamik li xch'och'el sululel li Kriist, re eexaqab'ankil chiru sa' santilal, chi maak'a'aq eemuxul ut eeq'usb'al.

San Mateo 5:45

re naq laa'exaq ralal xk'ajol leechoxahil Yuwa' li naxk'e chaq li saq'e sa' xb'eeneb' li ink'a' useb' jo'wi' li useb' xch'ool, ut naxk'e chaq li hab' sa' xb'eeneb' li tiikeb' jo'wi' li ink'a' tiikeb' xch'ool.