Apocalipsis 22:10 - Q'eqchi Bible

¹⁰ Kixye ajwi' we: “Maatz'ap rik'in tz'apleb' li raatin propeet wankeb' sa' li hu a'in, xb'aan naq nach' chik wank li xq'ehil.

Li Santil hu

¹⁰ Ut quixye ajcuiꞌ cue li ángel: —Ma̱muk chiruheb li tenamit lix ya̱lal li tzꞌi̱banbil saꞌ li hu aꞌin. Ma̱muk chiruheb li cꞌaꞌru ta̱cꞌulma̱nk xban nak cuulac re xkꞌehil nak ta̱cꞌulma̱nk li cꞌaꞌru tzꞌi̱banbil saꞌ li hu aꞌin.

Apocalipsis 22:10 ပူးပေါင်းရင်းမြစ်များ

Daniel 8:26

A'an a'in li xyaalalil li k'aru taak'ulmanq chiru wan xka chihab'. Ak xinch'olob' chawu, ut a'an tz'aqal yaal; ab'anan k'uula sa' laach'ool xb'aan naq moko ak k'ulmank ta re a'in», chan we li ánjel.

Apocalipsis 1:3

Us xaq re li taa'iloq re xsa' li hu a'in. Us xaq reheb' li te'ab'inq re li raatin propeet a'in ut te'xk'e xch'ool chirix li tz'iib'anb'il arin, xb'aan naq li xq'ehil nach' chik wank.

1 Pedro 4:7

Li roso'jik chixjunil li k'a'aq re ru nach' chik wank. Chiwanq b'i' eena'leb' ut aj'ajaq eeru chi tijok.

Apocalipsis 10:4

Naq kiraqe'k xyaab' eb' li wuqub' chi kaaq, kin'ok raj chi tz'iib'ak, ab'an kiwab'i jun xyaab' kuxej sa' choxa yo chi xyeeb'al: “Tz'ap rik'in tz'apleb' li b'arwan xe'xye li wuqub' chi kaaq ut maatz'iib'a a'an”.

San Mateo 10:27

Li k'aru ninye eere sa' aak'ab', cheye chi kutankil; ut li nekerab'i chi hasb'anb'il sa' eexik, chepuktesi resil sa' xb'een kab'l.

Daniel 12:9

Ut a'an kixye we: «Matk'oxlak, a Daniel, xb'aan naq eb' li aatin a'in k'uulanb'ileb' ut tz'aptz'ookeb' toj reetal sa' roso'jikeb' li kutan.

Daniel 12:4

Ab'anan laa'at, a Daniel, maa'ani taaye wi' eb' li aatin a'in; k'uula chi tz'aptz'o li hu a'in toj sa' roso'jikeb' li kutan. Naab'aleb' te'xb'eeni rib' chi xsik'b'al li raatin li Qaawa' ut te'xtaw xtz'aqob' li xna'leb'eb'».

Ezequiel 12:23

Ye ut reheb': «Li Qaawa' naxye chi jo'ka'in: Laa'in ink'a' chik tinkanab' chi yehe'k li aatin a'an sa' li tenamit Israel». Ye ajwi' reheb' naq ak xwulak xkutankil naq taatz'aqloq ru li rilomeb' li propeet sa' moy u.

Romanos 13:12

Li q'oqyink ak yo chi nume'k ut li kutan we' chaq. Qatz'eqaq b'i' xk'anjel li aak'ab' ut qatiqib'aq qib' rik'ineb' xk'anjelob'aal li kutan saqenk.

Apocalipsis 22:16

“Laa'in, li Jesus, xintaqla lin'ánjel eerik'in re xyeeb'al a'in chirixeb' li Iklees. Laa'in li xtuxm ut li ralal laj David, laa'in li kaq chahim nalemtz'unk toj eq'la”.

Apocalipsis 5:1

Kiwil ajwi' sa' xnim uq' li k'ojk'o sa' li nimajwal k'ojarib'aal jun li hu tz'iib'anb'il chisa' ut chirix, tz'aptz'o rik'in wuqub' chi tz'apleb'.

2 Ts 2:3

Maa'ani chib'alaq'inq eere chi yalaq chan ta ru. Xb'enwa tento taawanq xtz'eqtaanankil li paab'ank; tento taawakliiq chaq li tz'aqal aj maak, li teneb'anb'il li sachk sa' xb'een,

Isaías 13:6

Japomaq eere chi yaab'ak xb'aan naq nach' chik wank li xkutankil li Qaawa', jo' jun aj sachonel naq tol'elq li Nimajwal Yos.

Isaías 8:16

K'uula chi us eb' li aatin a'in, kaaxti chi chaab'il li chaq'rab' xink'e aawe sa' xyanqeb' lintzolom a'in.

Apocalipsis 22:20

Li Jesus li nach'olob'ank xyaalal chixjunil a'in naxye: “Relik chi yaal naq tinchalq chi seeb'”. Jo'kan taxaq. Chalqat, at Qaawa' Jesus!

Romanos 13:11

Chiqab'aanu chixjunil a'in xb'aan naq naqanaw chi us k'a' chi honalil wanko wi': ak xq'ehil naq tex'ajq sa' leewara xb'aan naq li qakolb'al anaqwan nach' chik wank chiru naq xoo'ok chi paab'ank.

Apocalipsis 1:11

“Tz'iib'a sa' hu li yookat chi rilb'al, ut taqla rik'ineb' li wuqub' chi Iklees: aran Éfeso, Esmirna, Pérgamo, Tiatira, Sardes, Filadelfia ut Laodicea”.

Apocalipsis 22:7

“K'e reetal, tinchalq chi seeb'. Us xaq re li ani naxk'uula sa' xch'ool li raatin propeet wankeb' sa' li hu a'in!”.

Apocalipsis 22:9

A'ut a'an kixye we: “Maab'aanu a'in! Laa'in aawech moosil; wech moosileb' ajwi' laawas aawiitz'in propeet ut eb' li neke'xk'uula sa' xch'ool li aatin wankeb' sa' li hu a'in. A' li Yos tento taaloq'on ru”.

Apocalipsis 22:18

Ninch'olob' xyaalal chiruheb' chixjunil li te'ab'inq re li raatin propeet wankeb' sa' li hu a'in: Wi ani tixtiqeb' ru li aatin, li Yos tixteneb' sa' xb'een chixjunileb' li rahilal tz'iib'anb'il sa' li hu a'in.