Apocalipsis 21:7 - Q'eqchi Bible

⁷ Ani taaq'axoq u, taareechani chixjunil a k'a'aq re ru a'in: laa'inaq li xYos ut a'anaq li walal.

Li Santil hu

⁷ Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l saꞌ lix pa̱ba̱l, aꞌan ta̱re̱chani chixjunil li cꞌaꞌak re ru aꞌin. La̱inak lix Dios ut aꞌanak li cualal incꞌajol.

Apocalipsis 21:7 ပူးပေါင်းရင်းမြစ်များ

2 Corintios 6:18

laa'inaq leeyuwa' ut laa'exaq li walal ink'ajol, chan li Qaawa' nim xwankil”.

Hebreos 8:10

A'an a'in li Sumwank li tink'ojob' rik'ineb' li ralal xk'ajol laj Israel moqon, chirixeb' li kutan a'an, chan li Qaawa': Tink'eheb' linchaq'rab' sa' li xk'a'uxeb', ut tintz'iib'a sa' xch'ooleb'. Laa'inaq li xYoseb' ut a'anaqeb' lintenamit.

Apocalipsis 21:3

Ut kiwab'i jun xyaab' kuxej ki'elk chaq sa' li nimajwal k'ojarib'aal, yo chi xyeeb'al chi kaw: “A'an a'in li xmuheb'aal li Yos rik'ineb' li poyanam. Li Yos tixk'ojob' li xmuheb'aal sa' xyanqeb', ut a'anaqeb' li xtenamit ut a'anaq li Yos rik'ineb'.

Apocalipsis 2:11

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u ink'a' taarahob'tesiiq xb'aan li xkab' kamk».

San Mateo 25:34

“Toja' naq li Rey tixye reheb' li wanqeb' sa' xnim uq': «Kimqex laa'ex, osob'tesinb'ilex xb'aan linYuwa'! Eechanihomaq li nimajwal wankilal kawresinb'il cho'q eere chalen chaq sa' xk'ojlajik li ruuchich'och'.

Apocalipsis 2:17

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka li muqmuukil mana'. Tink'e ajwi' jun xch'ina saqi pek, let'exinb'ilaq chiru li ch'ina pek jun ak' k'ab'a'ej li maa'ani nanawok re, ka'ajwi' li taak'uluq re».

San Mateo 19:29

Ut yalaq ani xkanab' rochoch, riitz'in, ranab', xna' xyuwa', ralal xk'ajol malaj ut xch'och' sa' ink'ab'a', tixk'ul o'taqk'aal reeqaj sa' xb'een li junjunq ut taareechani li junelik yu'am.

Apocalipsis 2:7

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka ru li che' nak'ehok yu'am, li wank sa' li xsantil na'aj li Yos».

Zacarías 8:8

ut tink'ameb' chaq re naq te'hilanq Jerusalén. A'anaqeb' lintenamit ut laa'inaq li xYoseb': Yos re li tiikilal ut tiikil ch'oolej”.

Proverbios 3:35

Eb' li wankeb' xna'leb' te'reechani li loq'al; ab'an tz'eqtaananb'ilaqeb' li maak'a'eb' xna'leb'.

1 Samuel 2:8

Naxwaklesi sa' pojtz' li kub'enaq xwankil ut narisi li neb'a' sa' xna'aj li mul, re xk'eeb'al chi k'ojlaak chi xk'atqeb' li ninqeb' xwankil, re xk'eeb'al sa' jun li na'ajej q'axal loq'. Xb'aan naq li Qaawa' a'an laj eechal re eb' li roqechal li ruuchich'och': sa' xb'eeneb' a'an k'ojob'anb'il li choxach'och'.

1 Pedro 3:9

Mex'eeqajunk maa'usilal rik'in maa'usilal, chi moko hob'e'k rik'in hob'ok; chex'usilaatinanq b'an, xb'aan naq a'an a'in b'oqb'ilex wi' chaq: re naq teereechani leerosob'tesinkil.

Apocalipsis 2:25

ka'aj b'an wi' naq chek'uulaaq li b'arwan ak wank eerik'in toj reetal tinsutq'iiq chaq.

San Marcos 10:17

Ak yo chi elk li Jesus, xik raj re, naq kichalk jun li winq sa' aanil, kolxwiq'ib' rib' chiru ut kixpatz' re: —At chaab'il aj Tzolonel, k'aru tinb'aanu re naq tweechani li junelik yu'am?

Isaías 65:9

Tink'e chi k'ihank eb' li ralal xk'ajol laj Jakob ut eb' laj Judá te'eechaninq re eb' lintzuultaq'a; li ch'och' taa'eechaniiq xb'aaneb' li sik'b'ileb' ru inb'aan ut aran te'wanq laj k'anjel chiwu.

Génesis 17:8

Tink'e aawe ut reheb' laawalal aak'ajol li ch'och' a'in li wankat wi' jo' aj numel; chixjunil Kanahán tink'e chi reechaniheb' chi junajwa, ut laa'inaq xYoseb'”.

2 Samuel 7:14

Laa'inaq xyuwa' ut a'anaq walal. Wi tixb'aanu li ink'a' us, laa'in tink'e chi xtojb'al li xmaak ut tintij rik'in tz'uum jo' junaq yuwa'b'ej naxb'aanu reheb' li ralal xk'ajol.

Salmos 89:26

Tinnimob'resi xwankil toj sa' xb'een li Palaw, ut li xnim uq' taawulaq toj sa' xb'eeneb' li Nima'.

San Mateo 25:21

Ut laj eechal re kixye: «Us, chaab'il aj k'anjelat ut tiik aach'ool! Tiik aach'ool naq xatwank rik'in li b'a'b'ay, tink'e aawankil sa' xb'een naab'al chik. Tattz'aqonq sa' xsahilal xch'ool laj eechal aawe».

Romanos 8:14

Chixjunileb' li b'eresinb'ileb' xb'aan li xMusiq' li Yos, a'aneb' ralal xk'ajol li Yos.

Romanos 8:19

Jo'ch'inal jo'nimal li wank junsut junrub'el choxa q'axal yo chi xrahinkil ut xyo'oninkil naq taak'utb'esimanq chi yaal naq laa'o ralal xk'ajol li Yos.

2 Corintios 6:16

K'aru wank re li rochoch li Yos rik'ineb' li yal k'oxlanb'il yos? Xb'aan naq laa'o tz'aqal rochoch li yo'yookil Yos, jo' yeeb'il chaq xb'aan: “Tinwanq rik'ineb' ut tinb'eeq sa' xyanqeb'; laa'inaq li xYoseb' ut a'anaqeb' lintenamit”.