Apocalipsis 21:4 - Q'eqchi Bible

⁴ Tixchaqihob'resi chixjunil li xya'aleb' ru, ut ink'a' chik taawanq kamk, chi moko yaab'ak, chi moko japok e malaj rahilal, xb'aan naq li najter ruuchich'och' ak xnume'k”.

Li Santil hu

⁴ Ma̱cꞌaꞌak chic rahil chꞌo̱lej. Ma̱cꞌaꞌak chic li ca̱mc chi moco li ya̱bac chi moco li yotꞌecꞌ, chi moco li raylal xban nak chixjunil li cꞌaꞌak re ru aꞌan, ac xelajeꞌnumeꞌ.—

Apocalipsis 21:4 ပူးပေါင်းရင်းမြစ်များ

Isaías 25:8

ut tixsach chi junajwa xwankil li kamk. Li Qaawa' tixmes li xya'al ruheb' chixjunil li poyanam ut tixsach li xxutaan li xtenamit junsut junrub'el choxa. Li Qaawa' kiyehok re a'in.

Apocalipsis 7:17

Xb'aan naq li Karneer li wank sa' xyi li nimajwal k'ojarib'aal tixb'eresiheb' ut tixk'am xb'eheb' toj sa'eb' xyo'leb'aal li yu'amha'. Ut li Yos taachaqihob'resinq re chixjunil li xya'aleb' ru”.

1 Corintios 15:26

Li taajuk'eeq xwankil sa' roso'jik, a'an li kamk.

Isaías 60:20

Li saq'e ink'a' chik taa'ok chi moko li po taasachq, xb'aan naq laa'in tinkutanob'resinq aawe chi junelik; ut li xrahilal laach'ool tox'oso'q chi junajwa.

Isaías 35:10

Eb' li kolb'ileb' xb'aan li Qaawa' te'sutq'iiq chaq, te'ok Sión yooqeb' chi b'ichank, ut chi xnaq' ruheb' taak'utunq li xsahilaleb' xch'ool chi junelik. Nimla sahilal taa'ochb'eeninq reheb' ut maak'a'aq chik li yaab'ak ut li rahil ch'oolej sa' xyanqeb'.

1 Juan 2:17

Li ruuchich'och' ut li na'atawaak xb'aan, yal aj numeleb'; a'ut li nab'aanunk re li rajom li Yos a'an wanq chi junelik.

Isaías 51:11

Jo'ka'in naq te'sutq'iiq chaq li te'kole'q xb'aan li Qaawa', yooqeb' chi b'ichank naq te'ok Sión. Li rahilal ut li yaab'ak taasachmanq chi junajwa; numtajenaqaq li xsahil xch'ooleb', ut a'an taak'utunq tz'aqal sa' xnaq' ruheb'.

Jeremías 31:13

Toja' naq eb' li tuq'ixq te'xajoq xb'aan xnimal xsahilaleb' xch'ool; jo'kanaqeb' ajwi' li saaj al ut eb' li cheekel winq. Tinsutq'isi li xrahilaleb' cho'q sahilal, tink'ojob'eb' xch'ool ut twisi chixjunil li ch'a'ajkilal sa' xyanqeb'.

San Mateo 24:35

Li choxa ut li ruuchich'och' te'oso'q, a'ut li waatin ink'a' taanume'q.

Isaías 30:19

Ex aj Jerusalén, mexyaab'ak chik. Li Qaawa' taaruxtaana eeru naq trab'i xyaab' leekux; ka'ajwi' texrab'i chi tz'aamank ut elajink, texsume.

Apocalipsis 21:1

Toja' naq kiwil jun ak' choxa ut jun ak' ruuchich'och', xb'aan naq li xb'een choxa ut li xb'een ruuchich'och' ak ke'nume'k ut li palaw moko wank ta chik.

Apocalipsis 20:14

Li kamk ut li xna'ajeb' li kamenaq ke'kute'k sa' li palaw xam (li palaw xam a'an li xkab' kamk).

Isaías 61:3

Ut laa'in tento tink'e xkorooneb' laj Sión li ra wankeb', ruuchil li cha; tinhoy li sununkil b'an sa' xb'eeneb', jo' ruuchil li tz'uyink; tento teb'intiqib' rik'in chaab'il aq'ej, jo' ruuchil li rahil ch'oolej. “Xche'el li tiikilal” chik te'xk'ab'a'in, awb'ileb' xb'aan li Qaawa' re xk'utb'al li xloq'al.

Apocalipsis 22:3

Maa'ani chik taamajewaaq aran. Li xnimajwal k'ojarib'aal li Yos ut li Karneer taawanq sa' li tenamit a'an, ut eb' laj k'anjel chiru te'loq'oninq re.

2 Pedro 3:10

Li xkutankil li Qaawa' tol'elq jo' junaq aj elq'. Sa' li kutan a'an tenloq xyaab' li choxa naq taa'oso'q. Li k'a'aq re ru nak'uub'ank re li ruuchich'och' te'oso'q sa' xam; li ch'och' ut chixjunil li wank chisa' taak'atq.

1 Corintios 7:31

Eb' li neke'xyal xsahil li ruuchich'och' a'in, jo'kaqeb' li ink'a' neke'xyal xsahil. Xb'aan naq li rilob'aal li ruuchich'och' a'in yal taanume'q.

Oseas 13:14

Ma tinkol tab'i' chiru li muqleb'aal kamenaq? Ma twisi tab'i' sa' ruq' li kamk? At kamk, b'ar wank laawankil? B'ar wank laatiq'leb', at muqleb'aal kamenaq? Ink'a' twil xtoq'ob'aal ru laj Efraín.

Salmos 144:4

Li winq jun apunk ajwi' li xyu'am, ut eb' li xkutan chanchaneb' junaq mu yal nanume'k.

2 Corintios 6:17

Jo'kan utan, “elenqex sa' xyanqeb' ut jek'omaq eerib' rik'ineb', chan li Qaawa'. Meech'e' li k'a'aq re ru tz'ajn ru. Toja' naq laa'in texink'ul:

Jeremías 31:12

“Te'chalje'q rik'in b'ichank sa' xb'een li tzuul Sión; jun chalikaqeb' wan wi' li xsimaatan li Qaawa', chi xyalb'al xsahil li triiw, li b'iin ut li aseeyt, ut te'k'ojlaaq xch'ool rik'in li raleb' li karneer ut li wakax. Chanchanaqeb' jun li xna'aj awimq t'aqresinb'il chi us, ut maajoq'e chik te'wiib'anq xch'ool.

2 Corintios 5:17

Jo'kan utan, li ani wank rik'in li Kriist, a'an ak' yoob'tesinb'il chik. Ak xnume'k li k'a'aq re ru q'eel, ut ak' chik chixjunil!

Hebreos 12:27

Li aatin a'in: “jun sut chik”, naraj naxye naq li k'a'aq re ru li na'eek'ank, taajalaaq (xb'aan naq yal yoob'anb'il), re naq chikanaaq chi junajwa li ink'a' naru reek'asinkil.

Apocalipsis 20:13

Toja' naq li palaw kixq'axtesiheb' li kamenaq wankeb' chisa'; jo'kan ajwi' li kamk ut li xna'ajeb' li kamenaq ke'xq'axtesiheb' li kamenaq k'uulanb'ileb' chisa', ut kiraqmank aatin sa' xb'een li junjunq, jo' chanru li xb'aanuhom.