Apocalipsis 21:10 - Q'eqchi Bible

¹⁰ Ut sa' musiq'ej kinxk'am sa' xb'een jun li nimla tzuul, najt xteram, ut kixk'ut chiwu li santil tenamit Jerusalén, yo chaq chi kub'eek sa' choxa rik'in li Yos,

Li Santil hu

¹⁰ Riqꞌuin xcuanquil li Santil Musikꞌej, xinixcꞌam saꞌ xbe̱n jun li nimla tzu̱l najt xteram ut quixcꞌut chicuu li santil tenamit Jerusalén, yo̱ chak chi cubec saꞌ choxa riqꞌuin li Dios.

Apocalipsis 21:10 ပူးပေါင်းရင်းမြစ်များ

Apocalipsis 21:2

Ut kiwil li santil tenamit, a' li ak' Jerusalén, yo chaq chi kub'eek sa' choxa rik'in li Yos, jo' jun li ixq ok re chi sumlaak, tiqib'anb'il chi us cho'q re li xb'eelom.

Ezequiel 11:24

Ut li xmusiq' li Yos kinxtaqsi ut kinxk'am wi' chik Babilonia, b'arwi' wankeb' laj Israel li ke'k'ame'k chi preexil. Chixjunil a'in kik'ulmank sa' moy u, sa' xk'ab'a' li xmusiq' li Yos. Moqon chik kisachk chiwu li moy u,

Apocalipsis 17:3

Toja' naq li ánjel kinxk'am sa' musiq'ej sa' li chaqich'och', ut aran kiwil jun li ixq k'ojk'o sa' xb'een jun li josq' aj xul kaq rix, nujenaq chi k'ab'a'ej re majewank, wank wuqub' xjolom ut lajeeb' xxukub'.

Apocalipsis 1:10

Sa' xkutankil li Qaawa', kinreechani li Musiq'ej ut kiwab'i chiwix jun kawil xyaab' kuxej, kama' xyaab' li tronpeet, yo chi xyeeb'al we:

Hechos 8:39

Naq ke'elk sa' li ha', li xMusiq' li Qaawa' kixsaapu laj Felipe ut ink'a' chik ki'ile'k ru xb'aan li xnimal ru winq. Ut a'in kixchap wi' chik xb'e chi sa sa' xch'ool,

Ezequiel 11:1

Chirix chik a'an li xmusiq' li Yos kinxwaklesi ut kinxk'am toj sa' li okeb'aal li wank sa' xjayal releb'l saq'e re li rochoch li Qaawa'. Sa' li okeb'aal wankeb' oob' xka'k'aal chi winq. Sa' xyanqeb' a'an kiwil ru laj Jasanías, ralal laj Asur, ut laj Pelatías, ralal laj Benaías, xjolomileb' li tenamit.

Ezequiel 8:3

Li winq a'an kinxchap chi rismal linjolom. Toja' naq li xmusiq' li Yos kinxtaqsi sa' iq' ut, sa' moy u, kinxk'am sa' li tenamit Jerusalén, toj wan wi' rokeb'aal li xneb'aalil li rochoch li Qaawa', sa' xjayal releb'l iq', b'arwi' wank li jalam u li nachiq'ok xjosq'il li Qaawa'.

Apocalipsis 4:2

Sa' junpaat kinreechani li Musiq'ej, ut xwil jun li nimajwal k'ojarib'aal wan chaq sa' choxa, ut jun li k'ojk'o sa' xb'een li k'ojarib'aal.

Ezequiel 3:14

Li xmusiq' li Yos kinxtaqsi ut kinrisi aran; ut laa'in kohin chi ra sa' linch'ool ut yo injosq'il, chi chapchookin chi kaw xb'aan li ruq' li Qaawa'.

1 Reyes 18:12

Naq tin'elq chawu, li xmusiq' li Qaawa' tatxk'am sa' junaq na'ajej li ink'a' ninnaw laa'in. Ut naq akaq xo'inye re laj Ajab naq wankat arin, taachalq li awab'ej chasik'b'al; ab'anan ink'a' tatxtaw, jo'kan naq tinxkamsi. Laa'in ninpaab'ank chiru li Qaawa' chalen chaq sa' insaajilal.

2 Reyes 2:16

“K'e reetal, sa' qayanq laa'o aj k'anjel chawu wankeb' lajeeb' roxk'aal chi winq. Kanab'eb' chi xik chi xsik'b'al laj tzolol aawe. Mare anchal li xmusiq' li Qaawa' xolxk'am ut xo'xkut sa' xb'een junaq tzuul malaj sa' junaq na'ajej taq'a ru”. Ke'sumeek: “Maajun chetaqla”.

Gálatas 4:26

A'ut li Jerusalén wank taqe'q a'an ach'ab'anb'il ut a'an li qana',

Apocalipsis 3:12

Li ani taaq'axoq u, laa'in tink'e cho'q roqechal li rochoch linYos ut maajaruj chik taa'elq aran. Chiru a'an tinlet'exi reetalil li xk'ab'a' linYos jo'wi' li xk'ab'a' xtenamit linYos, a' li ak' Jerusalén li nakub'e chaq toj sa' choxa rik'in linYos; ut tintz'iib'a ajwi' lin'ak' k'ab'a'.

Apocalipsis 11:2

Ab'anan li neb'aal li wank chirix, kanab', maab'is xb'aan naq q'axtesinb'il reheb' li maak'a'eb' xpaab'aal, ut eb' a'an te'xyeq'i li Santil Tenamit chiru wiib' roxk'aal po.