Apocalipsis 20:9 - Q'eqchi Bible

⁹ Ke'taqe'k sa' xb'een chixjunil li xnimal ru li ruuchich'och' ut ke'xsut li xna'ajeb' li sant jo' ajwi' li tenamit raaro xb'aan li Yos. Ab'anan kikub'e chaq xam sa' choxa ut kixsacheb'.

Li Santil hu

⁹ Yalak bar saꞌ ruchichꞌochꞌ teꞌcha̱lk chi pletic ut teꞌxsut li tenamit li raro xban li Dios li cuanqueb cuiꞌ li ralal xcꞌajol. Li Dios tixtakla chak li xam saꞌ choxa ut tixsach ruheb chixjunileb li xicꞌ nequeꞌiloc re.

Apocalipsis 20:9 ပူးပေါင်းရင်းမြစ်များ

Ezequiel 38:16

ut taakut aawib' sa' xb'eeneb' laj Israel, lintenamit. Chanchanaqat jun li q'oqyinkil choql tixmoy li ruuchich'och', a Gog. Sa' roso'jikeb' li kutan tatintaqla chaq sa' xb'een lintenamit, re naq eb' li tenamit junch'ol te'xnaw naq laa'in li Qaawa', naq sa' laak'ab'a' tink'ut linsantilal chiruheb'.

Ezequiel 39:6

Tintaqla li xam sa' xb'een li xna'aj laj Magog ut sa' xb'eeneb' li tenamit wankeb' sa' tuqtuukilal, chire li palaw. Toja' naq taanawmanq naq laa'in li Qaawa'.

Ezequiel 38:9

Ut laa'at tatwulaq sa' xb'eeneb', jo' junaq kaqsut-iq', jo' junaq q'oqyinkil choql li tixmoy li na'ajej, aawochb'eenaqeb' laasoldaad ut chixjunileb' li neke'okenk chawix.

2 Ts 1:8

rik'in raq'xam, ut taa'eeqajunq sa' xb'eeneb' li ink'a' neke'xnaw ru li Yos, eb' li ink'a' neke'xpaab' li xChaab'il Esil li Qaawa' Jesus.

Salmos 106:18

Kilochk jun li xam sa' xb'eeneb' li neke'okenk chirixeb', ut li raq'xam kixk'ateb' li ink'a' useb' xna'leb'.

Salmos 97:3

K'amol b'e naxik li xam chiru li Qaawa', jun k'atikeb' chixjunileb' li xik' neke'ilok re.

Apocalipsis 13:13

Naxb'aanu xninqal ru eetalil chiruheb' li tenamit, naxk'e ajwi' chi kub'eek chaq xam sa' choxa toj sa' ruuchich'och';

Apocalipsis 11:5

Wi wank junaq taa'ajoq raj xrahob'tesinkileb', taa'elq chaq xam sa' reheb' ut tixnuq'eb' li xik' neke'ilok reheb'. Jo'ka'in naq taakamsiiq yalaq ani taa'ajoq xrahob'tesinkileb'.

San Lucas 17:29

ab'anan sa' li kutan naq ki'elk chaq laj Lot Sodoom, li Yos kixtaqla chaq xam ut asuupr toj sa' choxa ut kixsach chixjunileb'.

San Lucas 9:54

Naq ke'ril a'in eb' li xtzolom, laj Santiago ut laj Jwan, ke'xye: —Qaawa', ma taawaj tqaye naq chikub'eeq chaq xam sa' choxa re naq te'sache'q?

Isaías 37:36

Ut chiru ajwi' li q'oqyink a'an, li x'ánjel li Qaawa' kiwulak sa' li xmuheb'aaleb' laj Asiria ut kixkamsi oob' xlajeek'aal mil chi winq (185,000) ut naq kisaqewk, ak kamenaqeb' chik chixjunileb'.

Números 16:35

Toja' naq jun li xam nachalk rik'in li Qaawa' kixsach ruheb' li lajeeb' roxlajuk'aal (250) chi winq li ke'yeechi'ink pom.

Números 11:1

Sa' jun kutan eb' laj Israel ke'ok chi xwech'inkil rix li Qaawa' xb'aan li ch'a'ajkilal wankeb' wi'. Naq kirab'i a'an li Qaawa', k'ajo' naq kichalk xjosq'il ut kixk'at li junqre li na'ajej wankeb' wi'.

Hebreos 13:13

Elqo ajwi' laa'o sa' li tenamit chi xk'ulb'al li Jesus, yooqo chi riiqankil li xnimal xrahilal a'an,

Habacuc 1:6

Ok we chi xwaklesinkil chaq eb' laj Kaldeha sa' eeb'een: a'an jun tenamit q'axal josq' ut junelik yo'oon wankeb' chi xik yalaq b'ar sa' ruuchich'och' chi reechaninkileb' li na'ajej li moko reheb' ta.

Miqueas 2:13

K'amolb'ehaq li Qaawa' chiruheb', ut eb' a'an te'xik chirix ut te'nume'q sa' rokeb'aal li tenamit. Li Qaawa' a'an li x'awab'ejeb' ut taaxik chi uub'ej: aj k'amolb'ehaq chiruheb' chixjunil.

Isaías 30:33

Xb'aan naq li na'ajej Tófet ak kawresinb'il chaq najter cho'q re Asiria jo'wi' cho'q re li x'awab'ej. Li na'ajej a'an q'axal nim ru ut jwal cham, k'ajo' li xsi'ul. Naq taamusiq'aq li Yos, tixloch xxamlel; chanchan roq nima' nujenaq chi asuupr naq taachalq li xjosq'il li Qaawa' sa' xb'een.

2 Reyes 6:15

Wulajaq chik toj eq'la, laj tenq' re laj Eliseo kiwakliik, ut naq ki'elk chirix kab'l, kiril naq sutsuuk li tenamit xb'aaneb' laj puub', eb' li kawaay ut eb' li b'eleb'aal ch'iich'. Toja' naq koxye re laj Eliseo: “Wa'chin, k'aru tqab'aanu?”.

Génesis 19:24

Toja' naq li Qaawa' kixtaqla chaq asuupr ut xam sa' xb'een Sodoom ut Gomoor

San Lucas 21:20

“Naq teeril li tenamit Jerusalén sutsuuq xb'aaneb' laj puub', chenawaq naq nach' chik wank li xnimal xsachik.

San Lucas 19:43

Xb'aan naq chalkeb' re li kutan sa' aab'een naq tate'xtz'ap eb' li xik' neke'ilok aawe, tate'xsut ut tate'xpitz'i yalaq b'ar aacha'al;

Deuteronomio 23:14

Li Qaawa' laaYos nab'eek wan wi' li muheb'aal re aakolb'al ut re xq'axtesinkil sa' laawuq' eb' li xik' neke'ilok aawe. Jo'kan naq laamuheb'aal tento naq oxloq'inb'ilaq; li Qaawa' ink'a' naru taaril li ink'a' us aran. Wi taaril li ink'a' us, taarisi rib' aawik'in.

Salmos 87:2

ut q'axal naxra li tenamit Sión chiru chixjunileb' li xmuheb'aal laj Jakob.

Li xHu LAJ JOB 38:18

Ma nakanaw jo'k'ihal xkelam ru li ruuchich'och'? Ye we wi nakanaw a'in.