Apocalipsis 20:8 - Q'eqchi Bible

⁸ ut taa'elq chi xb'alaq'inkileb' li tenamit wankatqeb' sa' xkaaxukuutil li ruuchich'och', jo'wi' chi xb'alaq'inkil laj Gog ut laj Magog, re xch'utub'ankileb' chi yalok: li xk'ihaleb' a'an kama'aq li samahib' chire li palaw.

Li Santil hu

⁸ Ut ta̱xic saꞌ chixjunil li ruchichꞌochꞌ chixbalakꞌinquileb li tenamit yalak bar joꞌ li cuanqueb aran Gog ut Magog. Ut tixchꞌutubeb re nak teꞌpletik. Kꞌaxal nabalakeb joꞌ xqꞌuial li cocꞌ ru li samaib li cuan chire li palau.

Apocalipsis 20:8 ပူးပေါင်းရင်းမြစ်များ

Apocalipsis 16:14

A'aneb' xmusiq'eb' laj tza, li neke'b'aanunk sachb'ach'oolej ut neke'xik wankeb' wi' li awab'ej re chixjunil li ruuchich'och' re xch'utub'ankileb' chi yalok sa' li xnimal xkutankil li Nimajwal Yos.

Ezequiel 38:1

Li Qaawa' kinraatina ut kixye we chi jo'ka'in:

Apocalipsis 20:10

Ut laj tza, li nab'alaq'ink reheb', kikute'k sa' li palaw xam ut asuupr, b'ar wankeb' ajwi' li josq' aj xul ut li propeet aj b'alaq': aran te'rahob'tesiiq chi q'eq ut chi kutan chi junelik q'e kutan.

Apocalipsis 20:3

Ut kixkut sa' li Siwan, kixmuq chisa' ut kixtz'ap xb'een li okeb'aal rik'in tz'apleb' re naq ink'a' chik tixb'alaq'iheb' li tenamit, toj taatz'aqloq jun mil chihab'. Ab'an, chirix chik a'an, tento taa'ach'ab'aaq chiru jarub'aq kutan.

Hebreos 11:12

Chi jo'kan rik'in jun ajwi' chi winq ak tiix chi us ke'yo'laak ralal xk'ajol kama' xk'ihaleb' li chahim chiru choxa, kama' li samahib' chire li palaw, li ink'a' naru rajlankileb'.

Jeremías 33:22

Jo' naq ink'a' naru rajlankileb' li chahim chiru li choxa chi moko naru xb'isb'al li samahib' chire li palaw, jo'kan ajwi' naq tinpuktesiheb' li ralal xk'ajol laj David jo'wi' eb' li ralal xk'ajoleb' laj tij xkomoneb' laj Leví, aj k'anjeleb' chiwu”.

Isaías 10:22

Us ta laatenamit, a Israel, q'axal naab'aleb' jo' xk'ihaleb' li xsamahi'ul li palaw, ab'an yal jun ch'ina ch'uut aj chik te'sutq'iiq chaq. Ak xaqxo xkutankil li xsachb'aleb' re naq wanq li tiikilal chi junwaakaj.

1 Samuel 13:5

ut eb' laj Filistea ke'ch'utlaak re yalok rik'ineb' laj Israel: lajeeb' xka'k'aal mil (30,000) chi b'eleb'aal ch'iich', o'laju o'q'ob' (6,000) chi kawaay ut k'ajo'eb' xk'ihal laj puub' jo' tana xk'ihal li samahib' chire li palaw. Koheb' ut ke'xyiib' xmuheb'aaleb' Mikmás, sa' xjayal releb'l saq'e re Bet-Abén.

Jueces 7:12

Eb' laj Madián, eb' laj Amalek jo'eb' ajwi' chixjunileb' li wankeb' sa' xjayal releb'l saq'e xcha'cha'ihom rib'eb' sa' li taq'a, k'ajo'eb' xk'ihal kama' eb' laj saak', ut makach'in ajwi' xk'ihaleb' li xkameey, jo' tz'aqal xk'ihal li samahib' wank chire li palaw.

1 Reyes 4:20

Eb' laj Judá ut eb' laj Israel k'ajo' xk'ihaleb', jo'eb' li samahib' chire li palaw; chixjunileb' neke'wa'ak neke'uk'ak ut q'axal saheb' sa' xch'ool.

Ezequiel 7:2

“At kaamel winq, jo'ka'in xye li Qaawa' reheb' li ralal xk'ajol laj Israel: Xwulak xkutankil li oso'k, ak xwulak xhonalil li roso'jik chixjunil li na'ajej a'in.

Ezequiel 38:2

“At kaamel winq, ilon sa' xjayal li tenamit Magog, ut aatina laj Gog sa' ink'ab'a'; a'an li nim xwankil chi taqlank sa' xb'eeneb' laj Mesek ut laj Tubal.

Ezequiel 39:1

“At kaamel winq, aatina laj Gog sa' ink'ab'a' ut ye re: «Jo'ka'in xye li Qaawa': Yo injosq'il aawik'in, a Gog, xnimalat ru aj taqlanel sa' xb'eeneb' laj Mesek ut laj Tubal.

Ezequiel 39:6

Tintaqla li xam sa' xb'een li xna'aj laj Magog ut sa' xb'eeneb' li tenamit wankeb' sa' tuqtuukilal, chire li palaw. Toja' naq taanawmanq naq laa'in li Qaawa'.

Apocalipsis 7:1

Chirix chik a'an kiwil kaahib' chi ánjel xaqxookeb' sa' xkaaxukuutil li ruuchich'och', yookeb' chi xramb'al li kaahib' chi riq'ul li ruuchich'och' re naq ink'a' taa'apunq li iq' sa' xb'een li ruuchich'och', chi moko sa' xb'een li palaw malaj sa' xb'een junq toonaq chi che'.

Apocalipsis 12:9

Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.

2 Crónicas 18:21

Kikchaq'ok li musiq'ej: «Tinxik ut toxink'e li tik'ti' chi xtz'uumal reheb' chixjunileb' li propeet». Toja' naq li Qaawa' kixye re: «Us, ayu ut b'alaq'i laj Ajab. Ut taa'uxmanq jo' xaye».