Apocalipsis 20:6 - Q'eqchi Bible

⁶ Us xaq reheb' li neke'tz'aqonk sa' li xb'een waklijik chi yo'yo: eb' a'an santeb' ut maak'a' xwankil li xkab' kamk sa' xb'eeneb', aj tijaqeb' b'an chiru li Yos ut chiru li Kriist ut te'awab'ejinq rochb'een chiru jun mil chihab'.

Li Santil hu

⁶ Us xak reheb li teꞌtzꞌako̱nk saꞌ li xbe̱n cuaclijiqueb li camenak chi yoꞌyo. Aꞌaneb li ralal xcꞌajol li Dios. Ut lix cab li ca̱mc, ma̱cꞌaꞌak chic xcuanquil saꞌ xbe̱neb. Aꞌanakeb chic li teꞌcꞌanjelak chiru li Dios ut chiru li Cristo chokꞌ aj tij. Ut teꞌcua̱nk xcuanquileb rochben li Cristo chiru jun mil chihab.

Apocalipsis 20:6 ပူးပေါင်းရင်းမြစ်များ

Apocalipsis 1:6

A'an kik'ehok qe chi awab'ejink rochb'een a'an cho'q aj tij chiru li Yos li xYuwa'. Rehaq taxaq li loq'al ut li wankilal chi junelik q'e kutan! Jo'kan taxaq!

Apocalipsis 2:11

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u ink'a' taarahob'tesiiq xb'aan li xkab' kamk».

Apocalipsis 20:14

Li kamk ut li xna'ajeb' li kamenaq ke'kute'k sa' li palaw xam (li palaw xam a'an li xkab' kamk).

Apocalipsis 5:10

ut kak'eheb' chi awab'ejink cho'q aj tij cho'q re li qaYos, ut te'awab'ejinq sa' xb'een li ruuchich'och'”.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

2 Timoteo 2:12

Wi wanq qakuyum, toosum'awab'ejinq ajwi' qochb'een A'an. Wi taaqatz'eqtaana, tooxtz'eqtaana ajwi' A'an.

Romanos 8:17

Ut wi laa'o li alal k'ajolb'ej, too'eechaninq ajwi' maatan, taaqeechani xyeechi'om li Yos, sum'eechaninelaqo qochb'een li Kriist, xb'aan naq qochb'een A'an naqak'ul rahilal re naq qochb'een ajwi' A'an taanimaaq qaloq'al.

Daniel 12:12

Us xaq re li tixkuy royb'eninkil ut toxtaw eb' li o'laju xwuqk'aal xka o'q'ob' (1,335) kutan.

Apocalipsis 22:7

“K'e reetal, tinchalq chi seeb'. Us xaq re li ani naxk'uula sa' xch'ool li raatin propeet wankeb' sa' li hu a'in!”.

Apocalipsis 14:13

Chirix chik a'an kiwab'i jun xyaab' kuxej yo chi xyeeb'al sa' choxa: “Tz'iib'a: «Chalen anaqwan us xaq reheb' li kamenaq neke'kamk rik'in li Qaawa'»”. “Yaal -chan li Musiq'ej-, hilaanqeb' rik'in li xk'anjeleb', xb'aan naq li xb'aanuhomeb' neke'ochb'eenink reheb'”.

Romanos 12:1

Nintz'aama b'i' cheru, ex was wiitz'in, sa' xk'ab'a' li xnimal ruxtaan li Yos, naq cheq'axtesi leeyu'am jo' yo'yookil mayej, sant, jo' nawulak chiru li Yos. A'an a'in li tz'aqal mayejak q'axal xk'ulub'.

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

1 Pedro 2:5

Laa'ex ajwi', jo'qex li yo'yookil pek, chek'e eerib' chi kab'laak cho'q musiq'ejil ochoch, re naq laa'exaq aj tij sa' santilal, re q'axtesink mayej sa' li Musiq'ej, a' li naxk'ulub'an xch'ool li Yos sa' xk'ab'a' li Jesukriist.

San Lucas 14:15

Naq kirab'i a'in, jun reheb' li ula' kixye re li Jesus: —Us xaq re li taawa'aq sa' li xnimajwal wankilal li Yos.

Isaías 61:6

Ut laa'ex teek'ab'a'in: “aj tij chiru li Qaawa'”; “aj k'anjeleb' chiru li qaYos” taayeemanq eere. Teetzeka li xsahil eechej eb' laj ab'l tenamit ut teereechani li xb'ihomaleb'.

Isaías 4:3

“Santil tenamit” te'xk'ab'a'in li te'kole'q aran Sión, jo'k'ihaleb' li ink'a' ke'sache'k ru sa' li tenamit Jerusalén ut tz'iib'anb'il xk'ab'a'eb' sa' xyanqeb' li yo'yookeb'.

Apocalipsis 3:21

«Li ani taaq'axoq u, tink'e chi k'ojlaak wik'in sa' linnimajwal k'ojarib'aal, jo' ajwi' laa'in xinq'axok u ut xink'ojlaak rik'in linYuwa' sa' li xnimajwal k'ojarib'aal.

Apocalipsis 22:5

Aran maak'a'aq chik q'oqyink; moko te'raj ta ru xsaqenkil li xam chi moko xsaqenkil li saq'e, xb'aan naq li Qaawa' Yos taakutanob'resinq reheb', ut te'awab'ejinq chi junelik q'e kutan.