Apocalipsis 20:2 - Q'eqchi Bible

² Kixchap li nimla xul, li najter k'anti' (a'an laj tza, li maa'us) ut kixb'ak' chi kareen chiru jun mil chihab'.

Li Santil hu

² Quixchap li dragón. Aꞌan li cꞌantiꞌ li ac cuan ajcuiꞌ chak najter. Aꞌan laj tza. Satanás nayeman re. Nak quixchap, quixbacꞌ ut quixcanab chi bacꞌbo chiru jun mil chihab.

Apocalipsis 20:2 ပူးပေါင်းရင်းမြစ်များ

2 Pedro 2:4

K'ehomaq reetal. Li Yos ink'a' kixkuy xmaakeb' li ánjel ke'maakob'k, kixkuteb' b'an sa' xb'alb'a ut kixq'axtesiheb' sa' xchamal li aak'ab' re naq k'aak'alenb'ilaqeb' toj sa' xkutankil li raqb'a aatin.

Apocalipsis 12:9

Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.

San Judas 1:6

Ninjultika ajwi' cheru naq eb' li ánjel li ink'a' ke'xk'uula li loq'al k'eeb'il reheb' ut ke'xkanab' li xna'ajeb', tz'aptz'ookeb' anaqwan xb'aan li Qaawa' rub'el xwankil li aak'ab' rik'in kareen chi junelik, cho'q re li raqb'a aatin taawanq sa' li xnimal ru kutan.

San Juan 12:31

Anaqwan taaraqe'q aatin sa' xb'een li ruuchich'och' a'in. Anaqwan laj Taqlanel sa' xb'een li ruuchich'och' a'in taakute'q chi najt.

Isaías 27:1

Sa' li kutan a'an li Qaawa' tixrahob'tesi li xk'anti'il li palaw li jwal xiwajel ru ut aj eelel, rik'in li xq'esnal ch'iich' li jwal kaw ut nim roq; tixkamsi ajwi' li mama' xul wank sa' li ha'.

Génesis 3:15

Tink'e naq xik' teeril eerib' laa'at ut li ixq. Jo'kanaq ajwi' eb' laawal ut eb' li ralal xk'ajol li ixq: ut jun reheb' tixpitz' laajolom naq laa'at taakut aawib' chi rit roq”.

1 Pedro 5:8

Aj'ajaq ru leek'a'uxl ut chexyo'leq! Li xik' na'ilok eere, a' laj tza, yo chi sutink re xsik'b'al ani tixnuq', jo' jun kaqkoj japjo re.

Hebreos 2:14

Jo'kan utan, kama' naq eb' li alal k'ajolb'ej neke'tz'aqonk sa' junaj chi tz'ejwalej ut kik'elej, jo'kan ajwi' li Jesus kitz'aqonk rik'ineb' xch'och'el xsululel re xsachb'al xwankil laj eechal re li kamk, a' laj tza, sa' xk'ab'a' li xkamik,

Romanos 16:20

Chi jo'kan li Yos li nak'ehok tuqtuukil usilal tixyeq'i laj tza rub'el eeroq chi seeb'. Li rusilal li Qaawa' Jesukriist chiwanq taxaq eerik'in.

San Juan 16:11

chirix li raqb'a aatin xb'aan naq laj Taqlanel sa' xb'een li ruuchich'och' a'in ak teneb'anb'il chaq tojb'amaak sa' xb'een.

Apocalipsis 13:2

Li josq' aj xul kiwil chanchan junaq hix, eb' li roq chanchan roq li tz'uqtz'un ut li xxolol kama' xxolol li kaqkoj. Ut kik'ehe'k re xb'aan li nimla k'anti' li xkawilal, li xk'ojarib'aal ut li xnimal xwankil.

Apocalipsis 12:17

Aran kichalk xjosq'il li nimla xul sa' xb'een li ixq ut koho chi xyalb'al xmetz'ew rik'ineb' li ralal xk'ajol li ixq, li jo'k'ihal chik ke'kanaak, a'aneb' li neke'paab'ank re li xchaq'rab' li Yos ut neke'xk'uula sa' xch'ool li xch'olob'ahom li Jesus.

Apocalipsis 12:15

Toja' naq li k'anti' kixxa'wa sa' re kama' jun nima', chirix li ixq, re naq taakelooq raj xb'aan li nima'.

Apocalipsis 12:13

Naq li nimla k'anti' kiril naq kikute'k chaq sa' ruuchich'och', kixkut rib' sa' xb'een li ixq, a' li kiwank xk'uula'al teelom.

San Marcos 5:7

ut kixjap re chi xyeeb'al chi kaw xyaab' xkux: —K'aru wank we aawik'in, at Jesus, Ralalat li Nimajwal Yos! Nintz'aama nawelaji chawu sa' xk'ab'a' li Qaawa', minaarahob'tesi.

San Mateo 8:29

Tikto ke'xjap reheb' chi xyeeb'al: —K'aru wank qe aawik'in, at Ralal li Yos? Ma xatchalk arin re qarahob'tesinkil chi toj maji' xq'ehil?

Li xHu LAJ JOB 1:7

Ut li Qaawa' kixpatz' re: —B'ar xatchalk chaq? Kichaq'ok laj tza ut kixye: —Toja' xinraqe'k chi xb'eeninkil chixjunil li ruuchich'och', chan.

Apocalipsis 13:4

ut ke'xloq'oni li nimla k'anti', xb'aan naq kixk'e xwankil li josq' aj xul. Ke'xloq'oni ajwi' li josq' aj xul, yookeb' chi xyeeb'al: “Ani tawi' chanchan li josq' aj xul? Ani tawi' taaruhanq chi yalok rik'in?”.

Apocalipsis 9:11

Li xjolomileb' a'in a'an li x'ánjel li Siwan, a' li naxk'ab'a'in Abadón sa' hebreo ut Apolión sa' griego (naraj naxye: “aj Sachonel”).

San Mateo 19:29

Ut yalaq ani xkanab' rochoch, riitz'in, ranab', xna' xyuwa', ralal xk'ajol malaj ut xch'och' sa' ink'ab'a', tixk'ul o'taqk'aal reeqaj sa' xb'een li junjunq ut taareechani li junelik yu'am.

Génesis 3:1

Li k'anti' q'axal chik wank xna'leb' chiru chixjunileb' li xul kixyoob'tesi li Qaawa' Yos. Ut a'an kixye re li ixq: “Ma yaal naq li Yos xye eere naq ink'a' naru teelow ruheb' li che' li wankeb' sa' xna'aj li awimq?”.

Isaías 24:22

Tixch'utub', tixtuub' chixjunileb' ut tixtz'apeb' sa' tz'alam chiru k'iila chihab', ut moqon chik te'k'ehe'q sa' tojb'amaak.

San Marcos 4:15

Li wankeb' chire li b'e, a'aneb' li na'awe' wi' li Aatin, ab'an naq ak xe'rab'i, sa' junpaat nachalk laj tza ut naxmaq' li aatin awb'il sa' xch'ooleb'.

Apocalipsis 12:3

Toja' naq kik'utunk jun chik eetalil sa' choxa: jun li nimla k'anti' kaq rix, wank wuqub' xjolom ut lajeeb' xxukub', ut sa' xb'eeneb' li xjolom wankeb' wuqub' lemtz'il koroon.

Apocalipsis 12:4

Li xye yo chaq chi xkelonkil li rox jachal xk'ihal li chahim sa' choxa, ut kixkuteb' sa' ruuchich'och'. Toja' naq li nimla k'anti' kixaqliik chiru li ixq ok re chi alank, re naq, jo'q'e taayo'laaq li xk'uula'al, tixnuq' raj.

Apocalipsis 20:7

Akaq xraqe'k li jun mil chihab', taa'isiiq chaq laj tza sa' li xtz'alam,

Apocalipsis 20:10

Ut laj tza, li nab'alaq'ink reheb', kikute'k sa' li palaw xam ut asuupr, b'ar wankeb' ajwi' li josq' aj xul ut li propeet aj b'alaq': aran te'rahob'tesiiq chi q'eq ut chi kutan chi junelik q'e kutan.

Ezequiel 47:5

Kixb'is wi' chik waqxaqib' xwaqlajuk'aal moqoj ut ak nima' chik, tik ink'a' kinru chi nume'k chisa'; ka'ajwi' sa' numx naru nume'k junpak'al.