Apocalipsis 20:13 - Q'eqchi Bible

¹³ Toja' naq li palaw kixq'axtesiheb' li kamenaq wankeb' chisa'; jo'kan ajwi' li kamk ut li xna'ajeb' li kamenaq ke'xq'axtesiheb' li kamenaq k'uulanb'ileb' chisa', ut kiraqmank aatin sa' xb'een li junjunq, jo' chanru li xb'aanuhom.

Li Santil hu

¹³ Chixjunileb li camenak cuanqueb aran, joꞌ eb li queꞌcam saꞌ haꞌ joꞌqueb ajcuiꞌ li queꞌmukeꞌ. Quirakeꞌ a̱tin saꞌ xbe̱neb chixjunileb aꞌ yal chanru lix yehom xba̱nuhomeb.

Apocalipsis 20:13 ပူးပေါင်းရင်းမြစ်များ

Apocalipsis 6:8

Toja' naq kiwil, ut aran wank jun li kawaay, chaacha rix. Li k'ojk'o chi xb'een, a'an Kamk xk'ab'a', ut li xb'alb'a yo chi taaqenk re. Ut ke'k'ehe'k xwankil sa' xb'een li xka jachal li ruuchich'och', re kamsink rik'in ch'iich', rik'in we'ej, rax kamk ut rik'ineb' li josq' aj xul wankeb' sa' ruuchich'och'.

Oseas 13:14

Ma tinkol tab'i' chiru li muqleb'aal kamenaq? Ma twisi tab'i' sa' ruq' li kamk? At kamk, b'ar wank laawankil? B'ar wank laatiq'leb', at muqleb'aal kamenaq? Ink'a' twil xtoq'ob'aal ru laj Efraín.

Apocalipsis 20:14

Li kamk ut li xna'ajeb' li kamenaq ke'kute'k sa' li palaw xam (li palaw xam a'an li xkab' kamk).

Apocalipsis 20:12

Kiwileb' li kamenaq, jo' kok' jo' ninq, xaqxookeb' chiru li nimajwal k'ojarib'aal. Ut ke'teemank eb' li hu, jo' ajwi' jun chik li hu, a' li xhuhil li yu'am. Kiraqmank aatin sa' xb'eeneb' jo' chanru tz'iib'anb'il sa'eb' li hu, a' yaal chanru li xb'aanuhomeb'.

Isaías 26:19

Eb' laakamenaq te'wanq xyu'am, te'yo'laaq wi' chik li xb'aqel rismaleb'; te'ajq ruheb' ut te'b'ichanq xb'aan xsahil xch'ooleb' jo'k'ihaleb' li wankeb' sa' pojtz'. Xb'aan naq laak'ajob' a'an jun k'ajob' nalemtz'unk ru, ut li xna'ajeb' li kamenaq taa'alanq.

Apocalipsis 1:18

laa'in li Yo'yo. Kinkamk, ab'anan chak'e reetal, yo'yookin anaqwan chi junelik q'e kutan, ut wank wik'in li xlaawil li kamk ut li xna'ajeb' li kamenaq.

San Mateo 11:23

Ut laa'at, Kafarnaúm, ma toj sa' choxa tab'i' tatwaklesiiq? Tatsob'e'q b'an toj sa' xb'alb'a! Xb'aan naq wi ta Sodoom kilaj'uxmank li sachb'ach'oolej li xe'uxk aawik'in, toj wank raj anaqwan.

San Mateo 16:27

Xb'aan naq li K'ajolb'ej yooq chaq chi chalk sa' li xnimal xloq'al li xYuwa' rochb'eenaqeb' chaq li x'ánjel; toja' naq tixq'ajkamu li junjunq a' yaal chanru li xb'aanuhom.

1 Corintios 15:26

Li taajuk'eeq xwankil sa' roso'jik, a'an li kamk.

Apocalipsis 2:23

Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

Apocalipsis 21:4

Tixchaqihob'resi chixjunil li xya'aleb' ru, ut ink'a' chik taawanq kamk, chi moko yaab'ak, chi moko japok e malaj rahilal, xb'aan naq li najter ruuchich'och' ak xnume'k”.