Apocalipsis 20:11 - Q'eqchi Bible

¹¹ Chirix chik a'an kiwil jun li nimla saqi k'ojarib'aal jo' ajwi' li k'ojk'o sa' xb'een. Chiru a'an ki'elelik li choxa ut li ruuchich'och', ut ink'a' chik kitawmank na'ajej cho'q reheb'.

Li Santil hu

¹¹ Ut quicuil jun li saki cꞌojariba̱l. Ut li Jun li chunchu aran kꞌaxal nim xcuanquil. Xban xnimal xcuanquil, ma̱cꞌaꞌ chic li ruchichꞌochꞌ ut ma̱cꞌaꞌ chic li choxa. Queꞌsach chi junaj cua nak quicuil.

Apocalipsis 20:11 ပူးပေါင်းရင်းမြစ်များ

Apocalipsis 21:1

Toja' naq kiwil jun ak' choxa ut jun ak' ruuchich'och', xb'aan naq li xb'een choxa ut li xb'een ruuchich'och' ak ke'nume'k ut li palaw moko wank ta chik.

2 Pedro 3:7

A'ut li choxach'och' li wankeb' anaqwan k'uulanb'ileb' cho'q re li xam xb'aan ajwi' Raatin li Yos, ut xokxookeb' cho'q re xkutankil li raqb'a aatin naq te'sache'q li ink'a' neke'paab'ank.

San Mateo 25:31

“Naq taak'ulunq chaq li K'ajolb'ej sa' li xnimal xloq'al rochb'eenaqeb' chaq chixjunileb' li x'ánjel, toja' naq taak'ojlaaq sa' li xloq'laj k'ojarib'aal.

Daniel 2:35

Kijuk'e'k chixjunil li jalam u ut kixk'aji rib': li ch'iich' ut li seb', li q'anch'iich', li plaat ut li oor chanchan junes chaqik'im sa' saq'ehil naq xkanaak, ut xk'ame'k chixjunil xb'aan li iq' chi ink'a' xkanaak reetalil. Ab'an li pek li xjuk'uk re li jalam u, xkanaak cho'q nimla tzuul ut xram ru chixjunil li ruuchich'och'.

Romanos 2:5

Laa'at kaw laajolom ut ink'a' nakawaj xjalb'al laak'a'uxl; jo'kan naq yookat chi xtamresinkil xjosq'il li Yos sa' aab'een cho'q re xkutankil li Josq'il naq taak'utb'esiiq li raqb'a aatin tixb'aanu li Yos sa' tiikilal.

San Mateo 24:35

Li choxa ut li ruuchich'och' te'oso'q, a'ut li waatin ink'a' taanume'q.

Apocalipsis 16:20

Toja' naq chixjunileb' li na'ajej sutsuukeb' xb'aan li palaw ke'elelik ut eb' li tzuul ke'sachk.

Apocalipsis 6:14

Li choxa ki'isiik kama' nab'ote'k junaq hu, ut chixjunileb' li tzuul ut li na'ajej sutsuukeb' xb'aan li palaw kilaje'eek'asiik sa' xna'ajeb'.

Apocalipsis 20:2

Kixchap li nimla xul, li najter k'anti' (a'an laj tza, li maa'us) ut kixb'ak' chi kareen chiru jun mil chihab'.

Apocalipsis 12:8

ab'an ink'a' ke'xkuy ut ink'a' chik kiwank na'ajej cho'q reheb' sa' choxa.

Salmos 97:2

Sutsu li Qaawa' xb'aan li choql ut li aak'ab'; li tiikilal ut li yaal a'aneb' xkuut li xk'ojarib'aal.

Salmos 89:14

Q'axal nim laametz'ew ut kaw aawib', kaw laanim uq' chi q'axok u.

Salmos 47:8

Xb'aan naq li Yos a'an awab'ej sa' xb'een chixjunil li ruuchich'och'. B'ichanqex, wajb'anqex chi chaab'il!

Apocalipsis 4:2

Sa' junpaat kinreechani li Musiq'ej, ut xwil jun li nimajwal k'ojarib'aal wan chaq sa' choxa, ut jun li k'ojk'o sa' xb'een li k'ojarib'aal.

Li xHu LAJ JOB 9:6

A'an naxchiq'le li ruuchich'och' sa' xna'aj ut naxchiq'chiq'i eb' li roqechal.

Apocalipsis 19:11

Toja' naq kiwil li choxa teeto ut aran wank jun kawaay saq rix; ut li k'ojk'o sa' xb'een, “Tiik xch'ool” ut “Paab'ajel” naxk'ab'a'in: naraqok aatin ut nayalok sa' tiikilal.

Génesis 18:25

Ink'a' naru taab'aanu a'an; ink'a' naru xk'eeb'al chi kamk li tiik xch'ool rochb'een laj maak. Ma truuq tab'i' naq tixk'ul li jun li b'arwan xk'ulum li jun chik? Ink'a' naru taab'aanu. Laj raqol aatin sa' xb'een chixjunil li ruuchich'och' ma ink'a' tab'i' taaraqoq aatin sa' tiikilal?”, chan laj Abrahán.

Salmos 102:26

Chalen chaq junxil laa'at katk'ojob'ank re li ruuchich'och' ut katyiib'ank re li choxa rik'in laawuq'.

Isaías 6:1

Sa' li chihab' naq kikamk laj Osías, li awab'ej, kiwil li Qaawa' k'ojk'o sa' jun k'ojarib'aal jwal ch'ina'us ut najt xteram. Nujenaq li rochoch li Yos rik'in xb'as li xb'aatal.

Daniel 7:10

Ut chiru a'an kipujk'uk chaq jun li xam, chanchan li roq nima' naq nab'eek. K'iila o'q'ob' chi tenamit yookeb' chi k'anjelak chiru li cheekel winq a'an ut k'iila o'q'ob' chik xaqxookeb' aran. Toja' naq ke'k'ojlaak eb' laj raqol aatin ut ke'xte eb' li hu.

San Mateo 11:22

A'ut laa'in ninye eere: kotzko b'ayaq li rahilal te'xk'ul Tiro ut Sidón chiru li teek'ul laa'ex sa' xkutankil li raqb'a aatin.

Apocalipsis 21:5

Toja' naq li k'ojk'o sa' xb'een li nimajwal k'ojarib'aal kixye: “K'e reetal, laa'in tin'ak'ob'resi chixjunil”. Kixye ajwi': “Tz'iib'a, xb'aan naq eb' li aatin a'in tz'aqal yaal ut paab'ajel”.