Apocalipsis 2:9 - Q'eqchi Bible

⁹ Ninnaw li xnimal aarahilal ut laaneb'a'il (ab'an b'ihomat). Ninnaw laamajewankil xb'aaneb' li neke'xye rib' naq a'aneb' aj Judiiy ut maawa'eb', a'aneb' b'an xch'utleb'aal ochoch laj tza.

Li Santil hu

⁹ La̱in ninnau chanru cuanquex. Ninnau chixjunil li raylal nequecꞌul. Ninnau nak nebaꞌex. Abanan cuan e̱biomal riqꞌuin li Dios. Ninnau nak nequexmajecua̱c xbaneb li nequeꞌxye nak tzꞌakaleb aj judío, abanan incꞌaꞌ nequeꞌcꞌanjelac chiru li Dios. Aj cꞌanjeleb ban chiru laj tza.

Apocalipsis 2:9 ပူးပေါင်းရင်းမြစ်များ

Apocalipsis 3:9

K'e reetal, wank xkomoneb' li xch'utleb'aal ochoch laj tza li ok we chi xq'axtesinkileb' sa' laawuq', eb' li neke'xye rib' naq a'aneb' aj Judiiy ut maawa'eb', tik'ti' b'an li neke'xye. Laa'in teb'ink'e chi xik chi wiq'laak rub'el laawoq, re naq te'xnaw naq laa'in nakatinra.

2 Corintios 8:9

Laa'ex nekenaw li xchaab'ilal li rusilal li Qaawa' Jesukriist: a'an b'ihom naq kiwank chaq, ut kineb'a'o'k sa' eek'ab'a' re naq texb'ihomo'q rik'in li xneb'a'il.

Romanos 9:6

Moko yookin ta chi xyeeb'al naq li xyeechi'om li Yos ink'a' kitz'aqlok ru. Moko chixjunileb' ta li ralal xk'ajol laj Isael a'aneb' li xtz'aqal tenamiteb' laj Israel,

2 Corintios 6:10

ra wanko, ab'an junelik sa sa' qach'ool; wanko sa' neb'a'il, ab'an naqab'ihomob'resi naab'aleb'; chanchan wi' maak'a' wank qe, ab'anan chixjunil wank qe.

1 Timoteo 6:18

Chatz'aama naq usilal che'xb'aanu, jo' ajwi' naq che'b'ihomo'q rik'in li chaab'il b'aanuhom ut che'wotzoq chi anchaleb' xch'ool.

San Lucas 4:18

“Li xMusiq' li Qaawa' wank sa' inb'een xb'aan naq xinxyul re xyeeb'al li Chaab'il Esilal reheb' li neb'a'. Xinxtaqla chaq chi xpuktesinkil resil li kolb'a ib' reheb' li wankeb' sa' tz'alam, chi xyeeb'al resil reheb' li mutz' naq te'iloq wi' chik, chi rach'ab'ankil li rahob'tesinb'ileb'

Apocalipsis 2:2

Ninnaw laab'aanuhom, laakawil k'anjel ut li xnimal aakuyum; ninnaw ajwi' naq ink'a' nakakuyeb' li ink'a' useb' xch'ool. Xayaleb' rix li neke'xye rib' naq a'aneb' apóstol ut maawa'eb', ut xataw ru naq aj tik'ti'eb'.

San Lucas 6:20

Li Jesus kixtaqsi li rilob'aal wankeb' wi' li xtzolom ut kixye: “Us xaq eere li neb'a'ex, xb'aan naq eere li xnimajwal awab'ejihom li Yos.

Romanos 12:12

Chisaho'q sa' eech'ool sa' xk'ab'a' leeroyb'enihom; chekuyaq li raaxiik' ut junelikaqex chi tijok.

Romanos 5:3

Ut moko ka'aj ta wi' rik'in a'in, naqanima aj b'an wi' qib' toj sa'atqeb' li qarahilal, xb'aan naq naqanaw naq li rahilal naxyoob' xnimal kuyum;

1 Timoteo 1:13

Ut laa'in aj majewanel naq kinwank chaq junxil, aj rahob'tesinel ut aj hob'onel; ab'an li Yos kiruxtaana wu xb'aan naq xmajelal inna'leb' kinb'aanu wi' a'in, naq toj maji' nin'ok chaq chi paab'ank.

1 Ts 3:4

Naq toj wanko chaq sa' eeyanq, xqaye resil eere naq took'uluq rahilal, ut a'an tz'aqal li xk'ulmank, jo' ch'olch'o cheru.

2 Corintios 8:2

us ta q'axal xe'yale'k rix xb'aan li rahilal xe'xk'ul, ab'anan q'axal numtajenaq li xsahilaleb' xch'ool, ut li xnimal xneb'a'ileb' xk'ihank cho'q b'ihomal xb'aan xchaab'ilal xch'ooleb'.

Romanos 8:35

Ani taajachoq qe rik'in li xrahom li Kriist? Ma li rahilal, li ch'a'ajkilal, li rahob'tesiik, li we'ej, li t'usam, li xiik'ilal malaj li kamsiik?

Apocalipsis 7:14

Kinchaq'ok chiru: “Wa', laa'at nakatnawok re”, chankin re. Ut a'an kixye: “A'aneb' a'in li xe'chalk chaq sa' li xnimal rahilal; xe'xpuch' li raq'eb' ut xe'xsaqob'resi sa' li xkik'el li Karneer.

San Lucas 22:65

Ut naab'al chik k'a'aq re ru neke'xye re xmajewankil.

San Lucas 12:21

“Jo'ka'in tixk'ul li ani naxk'uula xb'ihomal cho'q re xjunes rib' ut ink'a' nab'ihomo'k cho'q re li Yos”.

Romanos 2:17

Ab'anan k'aru tqaye chawix laa'at li nakak'ab'a'in aj judiiy? Nakakuutu aawib' rik'in li xChaq'rab' laj Moisés ut nakanima aawib' sa' xk'ab'a' laaYos.

Hechos 26:11

K'iila sut kinrahob'tesiheb' ut kinmin ruheb' chi xmajewankil li xpaab'aaleb'. Ut a'in kinb'aanu sa' chixjunileb' li ch'utleb'aal kab'l; k'ajo' linjosq'il sa' xb'eeneb' naq kinsik'ihatqeb' toj sa'eb' li jalanil tenamit.

Hechos 14:22

yookeb' chi xk'eeb'al xkawub' xch'ooleb' laj paab'anel ut chi xjultikankil chiruheb' naq che'wanq junelik sa' li paab'ank: “Tento tqanumsi naab'al rahilal re naq tooruuq too'ok sa' li xnimajwal awab'ejihom li Yos”, chankeb'.

San Juan 16:33

Xinye a'in eere re naq teetaw tuqtuukil usilal wik'in. Sa' li ruuchich'och' teek'ul li rahilal, ab'anan kawaq eech'ool! Laa'in xinq'ax ru xwankil li ruuchich'och'.

San Mateo 4:10

Toja' naq li Jesus kixye re: —Elen chiwu, at aj tza, xb'aan naq jo'ka'in tz'iib'anb'il sa' li Santil Hu: «A' li Qaawa' laaYos taaloq'oni ru ut ka'ajwi' chiru a'an tatpaab'anq».

Apocalipsis 1:9

Laa'in laj Jwan, leeras eeriitz'in ut leerochb'een sa' li raaxiik', sa' li xnimajwal awab'ejihom li Yos ut sa' li kuyuk sa' xk'ab'a' li Jesus, wankin chaq sa' jun li na'ajej sutsu xb'aan li palaw, Patmos xk'ab'a', sa' xk'ab'a' li raatin li Yos ut sa' xk'ab'a' xch'olob'ankil resil li Jesus.

Apocalipsis 2:13

Ninnaw b'ar wankat: aran b'arwi' wank li xk'ojarib'aal laj tza. Laa'at kaw aach'ool chiwix ut ink'a' xatz'eqtaana inpaab'ankil chi moko sa'eb' li kutan kiwank wi' laj Antipas, li kixch'olob' li yaal chiwix tiik xch'ool ut kikamsiik sa' eeyanq aran b'ar wank wi' laj tza.

Apocalipsis 2:24

«A'ut laa'ex li junch'ol chik aj Tiatira, li ink'a' nekepaab' li na'leb' a'in, laa'ex li ink'a' eenawom eb' li xchamal laj tza, jo' neke'xye, tinye eere: Maajun chik iiq tink'e sa' eeb'een,