Apocalipsis 2:5 - Q'eqchi Bible

⁵ K'e b'i' reetal b'ar t'anjenaqat chaq; yot' aach'ool jal aak'a'uxl ut b'aanu laak'anjel jo' xab'aanu xb'enwa. Wi ut ink'a', tinxik aawik'in ut twisi li xna'aj kanteel sa' li na'ajej b'ar wank wi' anaqwan.

Li Santil hu

⁵ Cheqꞌuehak retal cꞌaꞌru xexpaltoꞌ cuiꞌ. Chijulticokꞌ e̱re chanru nak xine̱ra chak junxil. Yotꞌomak e̱chꞌo̱l ut jalomak e̱cꞌaꞌux ut chine̱rahak cuiꞌchic joꞌ nak xine̱ra chak junxil. Cui incꞌaꞌ ta̱yotꞌekꞌ e̱chꞌo̱l ut te̱jal e̱cꞌaꞌux, la̱in tincuisi le̱ candelero saꞌ xnaꞌaj chi junpa̱t.

Apocalipsis 2:5 ပူးပေါင်းရင်းမြစ်များ

Apocalipsis 3:19

«Laa'in chixjunileb' li nekeb'inra, nekeb'inq'us ut nekeb'intij. K'e b'i' aach'ool ut jal aak'a'uxl.

Apocalipsis 2:16

Yot' b'i' aach'ool jal aak'a'uxl. Wi ut ink'a', tinxik chi seeb' wankat wi' ut tinyaloq rik'ineb' a'an chiru li ch'iich' na'elk chi xtz'uumal we.

Oseas 14:1

At aj Israel, sutq'in wi' chik rik'in li Qaawa' laaYos, xb'aan naq laamaak xt'anok aawe.

Apocalipsis 2:19

Ninnaw laab'aanuhom, laarahom, laapaab'aal, laak'anjel ut laakuyum. Ninnaw ajwi' naq li xab'aanu sa' roso'jik q'axal chaab'il chik chiru li xab'aanu xb'enwa.

Apocalipsis 1:20

A'an a'in xyaalalil li tz'aptz'ookil na'leb' chirix li wuqub' chi xna'aj kanteel oor: li wuqub' chi chahim a'aneb' li x'ánjel li wuqub' chi Iklees, ut li wuqub' chi xna'aj kanteel a'aneb' li wuqub' chi Iklees.

Ezequiel 20:43

Aran taajultiko'q eere leenajter yu'am ut chixjunil leeb'aanuhom li xetz'ajni wi' eerib', ut texxutaanaq xb'aan leek'iila maa'usilal xeb'aanu.

San Lucas 1:17

A'an taaxik chi uub'ej chiru li Qaawa' rik'in li xmusiq' ut li xwankil laj Elías, re xsutq'isinkil chaq li xch'ooleb' li na'b'ej yuwa'b'ej rik'ineb' li ralal xk'ajol ut re xk'amb'aleb' li q'etq'et sa' li xchaab'il na'leb' li tiikeb' xch'ool. Chi jo'kan tixkawresi jun tenamit yo'oon wanq, cho'q re li Qaawa'.

Malaquías 4:6

A'an taasutq'isinq re li xch'ooleb' li na'b'ej yuwa'b'ej rik'ineb' li ralal xk'ajoleb', ut li xch'ooleb' li alalb'ej rik'ineb' li xna' xyuwa'eb', re naq wanqeb' sa' tuqtuukilal. Chi jo'kan ink'a' tolinsach chi junajwa li ruuchich'och'”, chan li Nimajwal Yos.

Isaías 1:26

Tink'eheb' aj k'amol eeb'e jo' ke'wank xb'enwa ut eb' laj raqol aatin jo'eb' li ke'wank najter q'e kutan. Toja' naq te'xye aawe: «Xtenamitul li tiikilal» ut «Tiik xch'oolil tenamit».

San Lucas 20:16

Taak'ulunq, tixsacheb' laj k'alom ut tixk'e li xch'och' reheb' jalan chik”. Naq ke'rab'i a'in, ke'xye: —Ink'a' taxaq chik'ulmanq a'an.

San Marcos 12:9

“K'aru nekeye laa'ex? K'aru tixb'aanu laj eechal re li awimq? Taak'ulunq, tixsacheb' laj k'alom ut tixk'e li xch'och' reheb' jalan chik.

Ezequiel 36:31

Toja' naq taajultiko'q eere leeyib' aj b'aanuhom jo'wi' leek'anjel moko chaab'il ta; texxutaanaq chik xb'aan leemaak ut leemaa'usilal.

Apocalipsis 2:2

Ninnaw laab'aanuhom, laakawil k'anjel ut li xnimal aakuyum; ninnaw ajwi' naq ink'a' nakakuyeb' li ink'a' useb' xch'ool. Xayaleb' rix li neke'xye rib' naq a'aneb' apóstol ut maawa'eb', ut xataw ru naq aj tik'ti'eb'.

Gálatas 5:4

Laa'ex li nekeroyb'eni xtiikob'resinkil eech'ool sa' xk'ab'a' li Chaq'rab', xerisi eerib' rik'in li Kriist ut xetz'eqtaana li rusilal li Yos.

Malaquías 3:4

Toja' naq li Qaawa' tixk'ul chi anchal xch'ool li xmayejeb' laj Judá ut eb' laj Jerusalén, jo' kix'uxmank chaq najter q'e kutan.

Isaías 14:12

“Chanru naq xatt'ane'k chaq sa' choxa, at xkaq chahimal li hik'e'k? Laa'at li xatnumtaak sa' xb'eeneb' li tenamit xatjilib'aak chik chiru ch'och'.

San Judas 1:24

A' taxaq li Yos li wank xwankil chekolb'al chiru li maak jo'wi' cheq'axtesinkil sa' li xnimal xloq'al chi maak'a'aq eemuxul ut rik'in sahil ch'oolej,

Hebreos 10:32

Chiwanq sa' eech'ool li kutan xe'numje'k chaq naq xek'ul chaq leekutanob'resinkil, ut chirix a'an xekuy naab'al li rahilal sa' jun nimla yaleek ix.

Oseas 9:10

Jo'ka'in xye li Qaawa': “Naq kintaw laj Israel, kisaho'k linch'ool jo' naq natawmank li uub' sa' li chaqich'och'. Kisaho'k linch'ool rik'ineb' leena' leeyuwa' jo' naq natawmank li xb'een ru li ki'il q'een. Ab'an naq ke'wulak aran Bahal-Pehor, ke'xq'axtesi rib' reheb' li yal k'oxlanb'il yos, ut q'axal tz'eqtaananb'ileb' chik ke'kanaak jo'eb' li pek che' raarookeb' xb'aaneb'.

Apocalipsis 16:9

Ut eb' li winq ke'k'ate'k xb'aan xnimal tiqwal, ut ke'xmajewa li Yos li wank xwankil sa' xb'eeneb' li rahilal a'an: ink'a' ke'xjal xk'a'uxl, ink'a' ke'xk'e xloq'al li Yos.

San Mateo 5:14

“Laa'ex li xkutan li ruuchich'och'. Junaq tenamit k'ojk'o sa' xb'een tzuul ink'a' naru xmuqb'al;

San Mateo 5:15

chi moko nalochmank junaq saqenk re xtz'apb'al sa' uk'al, re b'an twanq sa' xna'aj, ut chi jo'kan tixkutanob'resi chixjunileb' li wankeb' sa' kab'l.

Filipenses 2:15

re naq wanqex chi maak'a'aq eeq'usb'al ut saqaq ru leech'ool, ralalaqex li Yos chi maak'a' eemaak sa' xyanqeb' li tenamit a'an ink'a' useb' ut sachenaqeb' sa' li maak. Sa' xyanqeb' a'an nekexlemtz'unk jo'kex li chahim sa' ruuchich'och',

2 Pedro 3:17

Chi jo'kan, ex was wiitz'in raarookex inb'aan, aj'ajaq ru leek'a'uxl xb'aan naq ak xyeemank xyaalalil eere. Mare anchal teepo' eena'leb' xb'aan li k'aru neke'sachk wi' eb' li winq eet xna'leb'eb'; mare anchal tex'isiiq sa' leepaab'ahom li kaw xaqxookex wi'.