Apocalipsis 2:23 - Q'eqchi Bible

²³ Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

Li Santil hu

²³ Ut tinkꞌaxtesiheb chi ca̱mc li nequeꞌta̱ken re. Ut riqꞌuin aꞌin teꞌxqꞌue retal chixjunileb laj pa̱banel nak la̱in ninnau cꞌaꞌru nanumeꞌ saꞌ xchꞌo̱leb li junju̱nk. La̱in ninnau cꞌaꞌru nequecꞌoxla. Ut la̱in tinqꞌue e̱kꞌajca̱munquil che̱ju̱nkal aꞌ yal chanru le̱ yehom e̱ba̱nuhom.

Apocalipsis 2:23 ပူးပေါင်းရင်းမြစ်များ

San Mateo 16:27

Xb'aan naq li K'ajolb'ej yooq chaq chi chalk sa' li xnimal xloq'al li xYuwa' rochb'eenaqeb' chaq li x'ánjel; toja' naq tixq'ajkamu li junjunq a' yaal chanru li xb'aanuhom.

Salmos 7:9

At Qaawa' li nakatraqok aatin sa' xb'eeneb' li tenamit, charaq aatin sa' inb'een jo' chanru xtiikilal linch'ool, jo' chanru xchaab'ilal li waanm.

Romanos 8:27

Ut li Yos, li ch'olch'o chiru k'aru wank sa' ch'oolej, naxnaw k'aru xk'a'uxl li Musiq'ej, xb'aan naq li Musiq'ej natijok chirixeb' laj santil paab'anel jo' chanru naraj li Yos.

Hechos 1:24

Ut ke'tijok chi jo'ka'in: “At Qaawa', laa'at nakatnawok re xch'ooleb' chixjunileb', chak'ut chiqu ani reheb' li wiib' a'in xasik' ru.

1 Pedro 1:17

“QaYuwa'” nekeye re li Yos li naraqok aatin sa' xb'een li junjunq jo' chanru li xb'aanuhom chi ink'a' tiitooq ru. Jo'kan utan, chexiwaaq ru li Yos jo' najtil leenumik sa' li ruuchich'och' a'in.

Jeremías 11:20

A'ut laa'at, at Qaawa', at Nimajwal Yos, q'axal tiik laach'ool chi raqok aatin; nakatz'il rix li xch'ool ut li xk'a'uxl li winq. K'ut chiwu li rahilal taataqla chaq sa' xb'eeneb' a'an, xb'aan naq sa' laawuq' xinq'axtesi linyu'am.

Jeremías 17:10

Laa'in, li Qaawa', nintz'il rix li ch'oolej ut ninnaw toj sa' xchamal li aanmej; ninq'ajkamu li junjunq a' yaal chanru li xyehom ut li xb'aanuhom”.

Jeremías 20:12

At Nimajwal Yos li nakayal rixeb' li tiikeb' xch'ool, li nakanaw ut nakawil k'aru wank sa' xch'ool li winq, k'ut chiwu chanru naq tat-eeqajunq sa' xb'eeneb', xb'aan naq xinq'axtesi wib' sa' laawuq'.

Salmos 62:12

Li Qaawa' x'aatinak, ut k'iila wa xwab'i a'in: naq re li Yos chixjunil li wankilej.

Salmos 44:21

Wi xsachk ta sa' qach'ool xk'ab'a' li qaYos, wi xqataqsi ta li quq' re xloq'oninkil li jalanil yos,

2 Crónicas 6:30

Chakuy xmaak toj sa' laaloq'laj muheb'aal ut chatenq'a rik'in raqok aatin sa' xb'eeneb', jo' chanru xk'ulub' li junjunq. Laa'at nakanaw li xk'a'uxl li junjunq, ka'ajwi' laa'at nakanaw k'aru wank sa' xch'ool li winq ut li ixq.

1 Samuel 16:7

Ab'an li Qaawa' kixye re laj Samuel: “Maak'e reetal chanru na'ilok, chi moko li xnajtil roq. Moko a'an ta li sik'b'il ru inb'aan. Li naril li Yos, maawa' a' li naril li winq: li winq naril chanru na'ilok junaq, ab'an li Qaawa' naril li ch'oolej”.

Apocalipsis 20:12

Kiwileb' li kamenaq, jo' kok' jo' ninq, xaqxookeb' chiru li nimajwal k'ojarib'aal. Ut ke'teemank eb' li hu, jo' ajwi' jun chik li hu, a' li xhuhil li yu'am. Kiraqmank aatin sa' xb'eeneb' jo' chanru tz'iib'anb'il sa'eb' li hu, a' yaal chanru li xb'aanuhomeb'.

Hebreos 4:13

Maa'ani muqmu chiru a'an, chixjunil b'an k'utk'u ut saqenk chiru li Yos li toxqaye wi' qayehom qab'aanuhom.

2 Corintios 5:10

Xb'aan naq chiqajunilo tento toxqak'ut qib' sa' xraqleb'aal aatin li Kriist re naq li junjunq tixk'ul xq'ajkamunkil, a' yaal chanru li xb'aanuhom, ma us malaj ink'a' us xb'aanu naq xwank sa' ruuchich'och'.

Salmos 26:2

Ka'yahin chi us, at Qaawa', chayal linpaab'aal; chatz'il rix link'a'uxl jo'wi' li waanm,

1 Crónicas 29:17

Laa'in ninnaw, at inYos, naq laa'at nakatz'ili xch'ool chixjunileb' ut nawulak chawu li tiikilal. Jo'kan naq rik'in xtiikilal inna'leb' x'alaak sa' inch'ool xyeechi'inkil aawe chixjunil a'in. Ut anaqwan xink'e reetal rik'in xsahil inch'ool naq laatenamit, li ch'utch'uukeb' arin, xe'xk'e aawe li xmayejeb'.

1 Crónicas 28:9

Ut laa'at Salomón, at walal, chanaw ru li xYos laayuwa' ut tatk'anjelaq chiru chi chaab'il ut chi anchal aach'ool, xb'aan naq li Qaawa' nalajxtz'ili li xch'ool chixjunileb' ut ch'olch'o chiru li xk'a'uxl ut xna'leb' li junjunq. Wi laa'at taasik' li Yos, a'an tixk'ut rib' chawu; ab'an wi taatz'eqtaana, a'an tatxtz'eqtaana ajwi' laa'at chi junajwa.

Apocalipsis 2:11

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u ink'a' taarahob'tesiiq xb'aan li xkab' kamk».

Apocalipsis 2:7

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka ru li che' nak'ehok yu'am, li wank sa' li xsantil na'aj li Yos».

Romanos 14:12

Jo'kan utan, li junjunq sa' qayanq tento toxch'olob' li xyehom xb'aanuhom chiru li Yos.

San Juan 21:17

Kixpatz' wi' chik re rox sut: —At Simón, ralalat laj Jwan, ma nikinaara? Kiraho'k xch'ool laj Pedro naq ox sut kipatz'e'k re: «Ma nikinaara?». Ut kichaq'ok: —Qaawa', laa'at nakanaw chixjunil. Laa'at xak'e reetal naq nakatinra, chan. Kixye li Jesus re: —Chach'oolaniheb' linkarneer.

Deuteronomio 19:20

Ut naq eb' li komon te'rab'i resil, te'ok xxiw ut ink'a' chik te'xb'aanu junaq maa'usilal kama' a'an sa' eeyanq.

Deuteronomio 17:13

ut naq eb' li tenamit te'rab'i resil a'an, te'xiwaq ut ink'a' chik te'xjipi rib'eb'.

Deuteronomio 13:11

Ut naq te'rab'i a'in chixjunileb' laj Israel, te'xiwaq ut te'xkanab' xb'aanunkil li yib'ruhil na'leb' a'in sa' eeyanq.

Apocalipsis 6:8

Toja' naq kiwil, ut aran wank jun li kawaay, chaacha rix. Li k'ojk'o chi xb'een, a'an Kamk xk'ab'a', ut li xb'alb'a yo chi taaqenk re. Ut ke'k'ehe'k xwankil sa' xb'een li xka jachal li ruuchich'och', re kamsink rik'in ch'iich', rik'in we'ej, rax kamk ut rik'ineb' li josq' aj xul wankeb' sa' ruuchich'och'.

Deuteronomio 21:21

Ut chixjunileb' li winq li wankeb' sa' tenamit te'xteni chi pek toj reetal taakamq. Chi kama'an taawisi li maa'usilal sa' eeyanq, ut naq chixjunileb' laj Israel te'xnaw a'in, te'ok xxiw.

Gálatas 6:5

xb'aan naq li junjunq tento tixk'am li riiq.

Sofonías 1:11

Yaab'anqex laa'ex li wankex taq'a, xb'aan naq te'kamq chixjunileb' laj k'ay ut te'sache'q chixjunileb' laj jalol ru tumin.

Salmos 139:1

Re li xjolomileb' laj b'ichanel. Xsaalm laj David. At Qaawa', laa'at nakatz'il wix ut nakanaw wu,

San Lucas 16:15

Ut li Jesus kixye reheb': “Laa'ex tiik leech'ool chiruheb' li tenamit naq nekeb'aanu eerib'. Ab'an li Yos naxnaw leech'ool, xb'aan naq li k'aru wank xloq'al chiruheb' li winq, a'an tz'eqb'eetal chiru li Yos.

Apocalipsis 20:13

Toja' naq li palaw kixq'axtesiheb' li kamenaq wankeb' chisa'; jo'kan ajwi' li kamk ut li xna'ajeb' li kamenaq ke'xq'axtesiheb' li kamenaq k'uulanb'ileb' chisa', ut kiraqmank aatin sa' xb'een li junjunq, jo' chanru li xb'aanuhom.

Apocalipsis 22:12

“K'e reetal, laa'in tinchalq chi seeb' ut tink'am chaq linq'ajkamuhom re xtojb'al li junjunq jo' chanru li xyehom xb'aanuhom.

1 Crónicas 17:18

K'a' chik ru truuq tinye aawe chirix li loq'al ak aak'ehom re laj k'anjel chawu? Laa'at nakanaw wu laa'in aj k'anjel chawu.

Li xHu LAJ JOB 24:23

Naxkanab'eb' chi wank chi maak'a'eb' xk'a'uxl, ab'an yo xk'eeb'al reetal li k'aru neke'xb'aanu.

San Juan 4:16

Li Jesus kixye re: —Ayu, b'oq chaq laab'eelom ut chalqat wi' chik arin.