Apocalipsis 2:14 - Q'eqchi Bible

¹⁴ Ab'anan wank k'aru tatinq'us wi': wank wankeb' aawik'in li neke'xpaab' li xk'utum laj Balaham. A'an kik'utuk chiru laj Balak xq'unb'esinkileb' chi maakob'k eb' li ralal xk'ajol laj Israel re naq te'xtzeka li tib' mayejanb'il chiru li xyoseb' ut te'xmux rib'eb'.

Li Santil hu

¹⁴ Abanan cuan cꞌaꞌak re ru yo̱quex chixba̱nunquil incꞌaꞌ us xban nak cuanqueb saꞌ e̱ya̱nk li toj yo̱queb chixqꞌuebal xcuanquil lix tijleb laj Balaam li quicꞌutuc chiru laj Balac chanru nak tixqꞌueheb chi ma̱cobc laj Israel. Quixye reheb nak ta̱ru̱k teꞌxtzaca li tzacae̱mk li mayejanbil chiru li jalanil dios. Ut quixtacchiꞌiheb re nak teꞌyumbe̱tak ut teꞌcoꞌbe̱tak.

Apocalipsis 2:14 ပူးပေါင်းရင်းမြစ်များ

2 Pedro 2:15

Naq xe'xkanab' li tiikil b'e, xe'sachk ut a' chik li xb'e laj Balaham, ralal laj Bosor, xe'ok chi xtaaqenkil: a'an kixra ru xk'ulb'al li tumin rik'in xb'aanunkil li maa'usilal,

Números 31:16

Xmaakeb' a'an naq eb' laj Israel ke'xq'etq'eti rib' chiru li Qaawa'. A'aneb' tz'aqal li ke'takchi'ink reheb' re te'xloq'oni ru laj Bahal-Pehor; jo'kan naq li Qaawa' kixrahob'tesi li xtenamit rik'in raxkamk.

Apocalipsis 2:20

Ab'an ch'a'aj naweek'a chawix naq nakak'ul chi k'anjelak lix Jesabel, li ixq a'an li naxye rib' naq propeet ut yo chi xtzolb'aleb' ut chi xb'alaq'inkileb' laj k'anjel chiwu re naq te'xmux rib'eb' ut te'xtzeka li tib' mayejanb'il chiru li xyoseb'.

San Judas 1:11

Ra chaalel sa' xb'eeneb', xb'aan naq xkoheb' sa' xb'e laj Kaín. Xb'aan li tumin xe'xq'axtesi rib' sa' li kib'alaq'iik wi' laj Balaham, ut xe'oso'k sa' li xq'etb'a aatin laj Koré.

Hechos 15:29

naq chekolaq eerib' chiru li tzekemq mayejanb'il reheb' li jalanil yos, chiru li kik', chiruheb' li yatz'b'il xul ut li ko'b'eetak yumb'eetak. Wi teekol eerib' chiru chixjunil a'in, us teeb'aanu. Cherilaq eerib'”.

Hebreos 13:4

Chejunilex cheroxloq'i li sumlaak ut maak'a' k'aru teeb'alaq'i wi' eerib', xb'aan naq li Yos taaraqoq aatin sa' xb'eeneb' laj ko'b'eet laj yumb'eet jo' ajwi' sa' xb'eeneb' laj muxul sumsu.

Josué 24:9

Moqon chik kiwakliik laj Balak, ralal laj Sipor, awab'ej re Mohab, re yalok rik'ineb' laj Israel, ut kixtaqla xb'oqb'al laj Balaham, ralal laj Pehor, re naq texmajewa.

1 Pedro 2:8

Ut naxye ajwi': “A'an a'in li pek te'tichk'oq wi' naab'aleb'. Chiru li saqoonak a'in naab'aleb' te't'ane'q”. Neke'tichk'ok rik'in a'an xb'aan naq neke'xq'et li Aatin: a'an a'in li teneb'anb'il chaq chi xb'eeneb'.

Hechos 21:25

A'ut chirixeb' li maawa'eb' aj Judiiy li xe'ok chi paab'ank, laa'o xqak'uub' ut xqatz'iib'a naq che'xkolaq rib' chiru li tzekemq mayejanb'il chiruheb' li jalanil yos, chiru li kik' ut chiruheb' li yatz'b'il xul. Ut ink'a' te'ko'b'eetaq te'yumb'eetaq.

Números 31:8

Ke'xkamsiheb' ajwi' li oob' chi awab'ej aj Madián: laj Ebí, laj Rekem, laj Sur, laj Jur ut laj Rebá. Ke'xkamsi ajwi' chi q'esnal ch'iich' laj Balaham, ralal laj Pehor.

Apocalipsis 22:15

Elqeb' li tz'i', eb' laj tuul, eb' laj muxuleb' rib', laj kamsineleb' ras riitz'in, eb' laj loq'oninel li yal k'oxlanb'il yos ut chixjunileb' li neke'xra ut neke'xb'aanu li tik'ti'!

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

1 Corintios 7:2

Ab'an li junjunq chi winq chiwanq rixaqil ut li junjunq chi ixq chiwanq xb'eelom re naq ink'a' te't'ane'q sa' li maak.

San Mateo 18:7

Ra chaalel sa' xb'een li ruuchich'och' xb'aan li luktesink ch'oolej! Xb'aan naq tento taachalq li luktesink ch'oolej, ab'anan ra chaalel sa' xb'een li taachalq wi' li luktesink ch'oolej!

Ezequiel 3:20

“Mare taak'ulmanq chi kama'in: junaq winq tiik xch'ool tixkanab' li chaab'il b'e ut taa'ok chi xb'aanunkil li ink'a' us. Wi laa'in tink'e junaq xtichk'ob'aal sa' xb'e ut laa'at ink'a' taaq'us, li winq a'an taakamq xb'aan li xmaa'usilal. Laa'in ink'a' tink'e sa' inch'ool li tiikilal xb'aanu, ut sa' aab'een laa'at taakanaaq li xkamik.

Números 24:14

“Us b'i', xik we anaqwan sa' lintenamit. Kim ut tinye aawe li k'aru te'xb'aanu aawe li tenamit a'in chiruheb' li kutan chaalel”, chan laj Balaham.

Romanos 14:21

Li us xb'aanunkil a'an a'in: ink'a' xtiwb'al li tib', ink'a' ruk'b'al li b'iin, chi moko xb'aanunkil k'a'aq re ru taaluktaaq wi' xch'ool laawas aawiitz'in, malaj ut taatichk'oq ut taach'inanq xch'ool.

Romanos 14:13

Jo'kan naq miqawech'i chik qib' chiqib'il qib'; a'in b'an chek'oxla: naq meek'e xtichk'ob'aaleb' malaj xt'anleb'aaleb' leeras eeriitz'in.

Ezequiel 44:12

Xb'aan naq eb' a'an xe'k'anjelak chiruheb' li jalanil yos ut a'aneb' xe'k'amok xb'eheb' laj Israel chi maakob'k. Jo'kan naq te'xtoj rix li xmaakeb'. Laa'in, li Qaawa', xinyehok re a'in.

Jeremías 6:21

Jo'ka'in kixye we li Qaawa': “Tink'e xt'anleb'aal li tenamit a'in sa' li xb'e re naq te'tichk'oq ut te't'ane'q. Li na'b'ej yuwa'b'ej rochb'eeneb' li ralal xk'ajol, eb' li rechkab'al ut eb' li ramiiw, tik te'oso'q chixjunileb'”.

Apocalipsis 2:4

Ab'anan ch'a'aj naweek'a chawix naq ink'a' chik nakatrahok jo' junxil.

1 Corintios 1:23

ab'an laa'o naqapuktesi resil li Kriist k'eeb'il chiru krus. A'an tichk'ob'aal cho'q reheb' laj Judiiy ut memil na'leb' cho'q reheb' li junch'ol chik,

Romanos 11:9

Laj David ajwi' kixye: “Li xmeexeb' chikanaaq cho'q ra'al ut kanleb', cho'q tichk'ob'aal pek ut tojb'amaak sa' xb'eeneb'.

Romanos 9:32

K'a'ut? Xb'aan naq eb' laj Israel yookeb' chaq chi xsik'b'al li tiikilal rik'in li xb'aanuhomeb', ut ink'a' sa' xk'ab'a' li paab'aal. Ke'tichk'ok chiru li tichk'ob'aal pek,

Isaías 57:14

Toja' naq taayeemanq: “Tuqub'omaq, tuqub'omaq ru ut tehomaq li b'e; isihomaq chixjunil li naramok re xb'e lintenamit”.