Apocalipsis 19:8 - Q'eqchi Bible

⁸ ut xk'ehe'k re li xtiqib'ankil rib' rik'in chaab'il liino saqpotz'in”. Li liino a'an li xchaab'il b'aanuhomeb' li sant.

Li Santil hu

⁸ Quiqꞌueheꞌ li cha̱bil lino re xtikibanquil rib. Sak ru li rakꞌ ut nalemtzꞌun. Li saki lino aꞌan retalil lix ti̱quilal xchꞌo̱leb li ralal xcꞌajol li Dios.

Apocalipsis 19:8 ပူးပေါင်းရင်းမြစ်များ

Isaías 61:10

K'ajo' naq nasaho'k linch'ool rik'in li Qaawa', jwal nim li xsahil li waanm rik'in linYos, xb'aan naq xinxtiqib' rik'in li xkolom ut xinxlan rik'in li xtiikilal jo' rik'in junaq b'aatal, kama' li b'eelomej naxk'e li xkoroon chi xjolom ut li ixaqilb'ej naxtiqib' rib' rik'in li xchaq'alil ru q'ol.

Apocalipsis 3:18

Ninch'olob' chawu naq chaloq' aa'oor wik'in, a' li chaab'ilob'resinb'il sa' xam, re naq tatb'ihomo'q. Chaloq' aasaqi aq' re taatiqib' wi' aawib' ut ink'a' taak'ut laaxutaan naq t'ust'uukat. Chaloq' ajwi' aab'aan re naq taayul xsa' laawu ut tat-iloq chik.

Romanos 13:14

Tiqib'omaq eerib' rik'in li Qaawa' Jesukriist, ut mixik eech'ool chirix li maa'usilal re xb'aanunkil li nalajxrahi ru li qach'ool.

San Marcos 9:3

Li raq' ki'ok chi lemtz'unk ut saqpotz'in kikanaak: maajun aj puch'unel arin sa' ruuchich'och' naru chi saqob'resink chi jo'kan.

San Mateo 22:12

ut kixye re: «At wamiiw, chanru naq xat-ok chaq arin chi ink'a' tiqtookat chi chaab'il jo' re xninq'ehinkil li sumlaak?». A'ut a'an ink'a' kichaq'ok.

Salmos 132:9

Eb' laj tij li neke'k'anjelak chawu che'xtiqib' rib' rik'in tiikil ch'oolej, ut eb' laawamiiw che'xjap reheb' xb'aan xsahilaleb' xch'ool.

Apocalipsis 15:4

Ani ink'a' tixxiwa ut ink'a' tixnima ru laak'ab'a', at Qaawa'? Xb'aan naq ka'jat wi' laa'at santat, ut chixjunileb' li tenamit talaje'chalq ut te'xhupub' rib' chawe chawu, xb'aan naq xe'kanaak chi kutankil laaninqal k'a'uxl”.

Ezequiel 16:10

Toja' naq katintiqib' rik'in xchaq'alil ru aq'ej ut kink'e aachaab'il xaab'; kink'e aak'aamalsa' liino ut katinlan sa' t'ikr jwal terto xtz'aq.

Hechos 1:10

Toj yookeb' ajwi' chi ka'yank sa' choxa ut li Jesus yo chi xik, naq xaqaamileb' wiib' chi winq chiruheb', saqeb' li raq',

San Lucas 24:4

Yookeb' chi xk'oxlankil a'in chi sachsookeb' xch'ool naq xaqaamileb' chiruheb' wiib' li winq, nalemtz'unk ru li raq'eb'.

Romanos 3:22

Sa' xk'ab'a' xpaab'ankil li Jesukriist, li Yos naxtiikob'resi xch'ooleb' chixjunileb' li neke'paab'ank re, xb'aan naq juntaq'eet narileb' chixjunil:

San Mateo 17:2

Ut kilemtz'uno'k li xjunxaqalil chiruheb': li rilob'aal kilemtz'uno'k kama' li saq'e ut li raq' kisaqo'k kama' li saqenk.

Proverbios 31:22

A'an ajwi' naxkem li risb' ut naxtiqib' rib' rik'in chaab'il t'ikr.

Ezequiel 44:17

Naq te'nume'q sa' li okeb'aal wank chiru li neb'aal wank chisa', tento naq tiqtooqeb' rik'in aq'ej liino; ink'a' naru te'ok chi k'anjelak sa' li neb'aal wank chisa' malaj sa' linsantil na'aj naq yal tuuxnoq' li raq'eb' wanq chirixeb'.

Apocalipsis 15:6

ut ke'elk chaq sa' li santil ochoch eb' li wuqub' chi ánjel li wan chaq li wuqub' chi rahilal rik'ineb', tiqtookeb' rik'in tz'aqal liino nalemtz'unk, ut b'ak'b'ookeb' li re xch'ool rik'in xk'aamal sa' oor.

Apocalipsis 19:14

Ut eb' li k'iila teep chi choxahil aj puub' tiqtookeb' rik'in chaab'il liino saqsaq ru, yookeb' chi xtaaqenkil ut k'ojk'ookeb' chaq chirix saqi kawaay.

Isaías 3:23

eb' li lem, li aq'ej terto xtz'aq, li xb'ak'b'al li rismal xjolomeb' ut eb' li xt'ikr.