Apocalipsis 19:17 - Q'eqchi Bible

¹⁷ Chirix chik a'an kiwil jun li ánjel xaqxo sa' xb'een li saq'e, japjo re chi xyeeb'al chi kaw xyaab' xkux reheb' chixjunil li xul neke'xik'ank chiru choxa: “Kimqex, ch'utub'omaq eerib' re li nimla wa'ak kawresinb'il xb'aan li Yos,

Li Santil hu

¹⁷ Ut quicuil jun li ángel xakxo chiru li sakꞌe. Chi cau xya̱b xcux yo̱ chi a̱tinac riqꞌuineb chixjunileb laj xicꞌanel xul li nequeꞌtiꞌoc tib, li yo̱queb chi rupupic chiru choxa. Quixye reheb: —Quimkex. Chꞌutubomak e̱rib chi cuaꞌac saꞌ li ninkꞌe li ac xcauresi li Dios.

Apocalipsis 19:17 ပူးပေါင်းရင်းမြစ်များ

Apocalipsis 19:21

Eb' li xkomon kilaje'kamsiik xb'aan li ch'iich' na'elk chaq sa' re li k'ojk'o sa' xb'een li kawaay; ut rik'in li xtib'eleb' ke'nujak xsa'eb' chixjunileb' li xik'anel xul.

Apocalipsis 8:13

Chirix chik a'an kiwil ut kiwab'i jun li t'iw yo chi xik'ank taqe'q sa' xyi li choxa, kaw xyaab' xkux naq kixye: “Rahilal, rahilal, rahilal sa' xb'eeneb' li wankatqeb' sa' ruuchich'och', sa' xk'ab'a' xyaab'eb' li tronpeet li okeb' re chi xyaab'asinkil eb' li oxib' chik chi ánjel!”.

Jeremías 12:9

Lintenamit kama' chik li xik'anel xul ch'ina'us rilb'al, ut chixjunileb' li k'uch neke'rupupnak sa' xb'een. Kimqex, chejunilex li k'iche'il xul; ch'utub'omaq eerib' chi xt'upinkil!

Isaías 56:9

Ex josq' aj xul, kimqex; ex xul li wankex chaq sa'eb' li k'iche', kimqex chi wa'ak.

Apocalipsis 14:6

Chirix chik a'an kiwil jun chik li ánjel yo chi xik'ank sa' xyi li choxa, wan chaq rik'in jun li chaab'il esilal li maak'a' roso'jik: a'an tento xpuktesinkil rik'ineb' li wankeb' sa' ruuchich'och' jo' ajwi' rik'ineb' chixjunil li amaq' ut tenamit, yalaq chan re ru neke'ilok ut neke'aatinak.

1 Samuel 17:44

ut kixye re: “Kim arin ut tink'e laatib'el reheb' li xik'anel xul re li choxa ut reheb' ajwi' li josq' aj xul wankeb' sa' k'iche'”, chan.

Isaías 29:2

toja' naq tink'e li tenamit a'in sa' rahilal, ut taawanq yaab'ak ut tz'uyink; ut laa'ataq tz'aqal jun li artal nujenaq chi kik'.

Ezequiel 31:13

Eb' li k'iila paay chi xik'anel xul te'wanq sa' xb'een li t'analk che' ut eb' li josq' aj xul te'wanq sa'eb' li xtoqol uq'.