Apocalipsis 18:4 - Q'eqchi Bible

⁴ Moqon kiwab'i jun chik xyaab' kuxej yo chi xyeeb'al sa' choxa: “Elenqex chaq Babilonia, ex intenamit: mare anchal tex'okenq sa' li xmaakeb' ut toxexxtaw li xrahilaleb'.

Li Santil hu

⁴ Ut quicuabi jun chic yo̱ chak chi a̱tinac saꞌ choxa ut quixye: Ex ralal xcꞌajol li Dios, elenkex saꞌ li tenamit aꞌan re nak incꞌaꞌ textzꞌako̱nk riqꞌuin lix ma̱queb ut re nak incꞌaꞌ textzꞌako̱nk riqꞌuin li raylal li teꞌxcꞌul.

Apocalipsis 18:4 ပူးပေါင်းရင်းမြစ်များ

2 Corintios 6:17

Jo'kan utan, “elenqex sa' xyanqeb' ut jek'omaq eerib' rik'ineb', chan li Qaawa'. Meech'e' li k'a'aq re ru tz'ajn ru. Toja' naq laa'in texink'ul:

Jeremías 51:6

“Elenqex sa' li tenamit Babilonia ut kolomaq eerib', re naq ink'a' texkamq xb'aan li xmaa'usilal. Ak xkutankil li eeqajunk anaqwan, ut tinq'ajkamu Babilonia jo' chanru li xyehom ut xb'aanuhom.

Jeremías 51:45

Ex intenamit, elenqex chaq Babilonia ut chejunjunqal kolomaq leeyu'am chiru li xnimal injosq'il!

Isaías 52:11

Jo'kan naq elenqex, elenqex ut kanab'omaq Babilonia! Meech'e' li k'a'aq re ru tz'ajn ru. Elenqex chaq sa' li tenamit a'an! Ch'ajob'resiiq eerib' laa'ex li nekexk'amok li xsahil eechej li Qaawa'.

Jeremías 50:8

“Elenqex chaq Babilonia sa' xyanqeb' laj Kaldeha! K'amolb'ehaqex chaq chiruheb' li yookeb' chi elelik!

1 Timoteo 5:22

Maaseeb'a aawib' chi xk'eeb'al laawuq' sa' xb'een anihaq. Mattz'aqonk rik'in xmaak anihaq ut wanqat chi saq ru laach'ool.

Isaías 48:20

Elenqex chaq sa' li tenamit Babilonia, elelinqex chiruheb' laj Kaldeha. Yehomaq li esil a'in chi sa sa' eech'ool, puktesihomaq toj sa' xmaril li ruuchich'och'; yehomaq a'in: “A' li Qaawa' xkolok re laj Jakob, laj k'anjel chiru”.

Salmos 50:18

Wi nakawil junaq aj elq', nakatxik chirix, nakajunaji aawib' rik'ineb' laj muxul sumlaak.

2 Juan 1:11

xb'aan naq ani taak'ehoq xsahil xch'ool, taa'okenq sa'eb' li xyib' aj b'aanuhom.

Jeremías 51:50

Laa'ex li xexkole'k chiru li kamk, ayuqex sa' aanil chi ink'a' texhilanq; ut naq wanqex chik chi najt, jultikaq eere li Qaawa' ut wanq sa' leech'ool Jerusalén.

San Mateo 23:30

ut nekeye: «Wi ta xoowank chaq sa' xkutaneb' li qana' qayuwa', ink'a' raj xoo'okenk chirixeb' chi xkamsinkileb' li propeet!».

Génesis 19:14

Ki'elk ut laj Lot ut koxye chaq reheb' li te'k'amoq reheb' li xrab'in: “Waklinqex, elenqex sa' li na'ajej a'in xb'aan naq li Qaawa' ok re chi xsachb'al li tenamit”. A'ut eb' li hi'b'ej ke'xk'oxla naq yal b'atz'unk re.

Jeremías 51:9

Ak xqab'an Babilonia, ab'an ink'a' xk'iraak. Qakanab'aq ut li junjunq xikaq sa' li xtenamit, xb'aan naq li xmaa'usilal xwulak toj sa' choxa ut xnawmanje'k toj sa' xb'eeneb' li choql.