Apocalipsis 18:3 - Q'eqchi Bible

³ Xb'aan naq chixjunileb' li tenamit xe'ruk' li xb'iinul ut xe'xb'aanu li maa'usilal rik'in; eb' li awab'ej re li ruuchich'och' xe'xmux rib'eb', ut eb' laj yakonel sa' ruuchich'och' xe'b'ihomo'k rik'in li xjo'maajo'il aj maa'usilal”.

Li Santil hu

³ Xsacheꞌ xcuanquil xban nak numtajenak li ma̱c nequeꞌxba̱nu. Chixjunileb li rey li cuanqueb saꞌ ruchichꞌochꞌ nequeꞌcuulac Babilonia chixba̱nunquil li ma̱usilal riqꞌuineb. Chanchan calajenakeb xban li ma̱usilal yo̱queb chixba̱nunquil. Ut eb laj cꞌay queꞌbiomoꞌ aran xban nak nabal li cꞌaꞌak re ru queꞌxcꞌayi chi terto xtzꞌak, chan.

Apocalipsis 18:3 ပူးပေါင်းရင်းမြစ်များ

Apocalipsis 17:2

Eb' li awab'ej re li ruuchich'och' ke'xmux rib'eb' rik'in, ut eb' li wankeb' sa' ruuchich'och' ke'kalaak rik'in li xb'iinul ut ke'xb'aanu li maa'usilal rik'in”.

Apocalipsis 14:8

Ut jun chik li ánjel kitaaqenk re, kixye: “Xt'ane'k, ak xt'ane'k li nimla tenamit Babilonia, a' li kik'ehok chi maakob'k chixjunileb' li tenamit sa' ruuchich'och' rik'in li xmaa'usilal. Chanchan naq kixkaltesiheb' rik'in b'iin. Ut a'an k'ajo' naq kixchiq' xjosq'il li Yos!”.

Apocalipsis 18:9

Eb' li awab'ej re li ruuchich'och' li ke'xmux rib' rik'in ut sa naq ke'wank rik'in, te'yaab'aq ut huyhutqeb' chirix, naq te'ril li xsib'el li xk'atik;

Apocalipsis 18:23

Li xxamlel li saqenk ink'a' chik taasaqeno'q wankat wi', ut li xyaab' xkuxeb' li b'eelomej ut li ixaqilb'ej ink'a' chik taa'ab'iiq aawik'in. Xb'aan naq eb' laj yakonel ke'wank aawik'in a'aneb' li xninqaleb' ru winq sa' ruuchich'och', ut rik'in li tuulak xab'aanu xab'alaq'i chixjunileb' li tenamit”.

Jeremías 51:7

Babilonia chanchan jun sek' ooro naq xwank sa' wuq'; a'an xpo'ok re xna'leb' chixjunil li ruuchich'och': eb' li xninqal ru tenamit xe'ruk' li b'iin a'an ut xe'sachk xna'leb'eb'.

Lamentaciones 4:5

Eb' li neke'tzekank chi chaab'il junxil, anaqwan kamkeb' re xb'aan tz'okaak sa'atqeb' li b'e; ut eb' li xe'k'iik chi tiqtookeb' rik'in chaab'il t'ikr, anaqwan sa' mul chik t'ant'ookeb'.

Jeremías 51:34

Jerusalén, li tenamit Sión, kixye chi jo'ka'in: “Laj Nabukodonosor, li awab'ej re Babilonia, xinxtiw ut xinxchoy; jo' junaq sek' maak'a' chik tzekemq chisa' xinxkanab'. Jo' li ranumal li palaw naq xinxnuq': xchoy chixjunil li k'aru wank we ut xkuti chi najt li ink'a' xwulak chiru. Che'xtoj ta rix eb' laj Babilonia li rahilal xe'xb'aanu we, ut eb' laj Kaldeha che'xtoj ta rix eb' linkomon xe'xkamsi”.

Isaías 47:15

A'an toxe'oso'q wi' eb' laj tuul, eb' li q'axal xe'tawasink aawe chiru chixjunil laayu'am. Ak xb'e xb'e te'xk'am li junjunq ut maajun taaruuq chi kolok aawe.

San Lucas 7:25

K'a' put ru koxeeril chaq? Ma jun li winq tiqto rik'in chaab'il aq'ej? Eb' li tiqtookeb' chi chaab'il ut li sa wankeb', sa' rochocheb' li awab'ej wankeb'.

Nahum 3:4

Ut chixjunil a'in xk'ulmank xb'aan li xmaa'usilal li tenamit Nínive. A'an chanchan jun li ixq aj yumb'eet: k'ajo' li xch'ina'usal ut li xchaq'alil ru, ut k'aynaq chi tuulak. Rik'in li ko'b'eetak ut tuulak xb'aanu naab'aleb' li tenamit xe'b'alaq'iik.

1 Timoteo 5:11

Maak'eheb' sa' ajl li xmalka'an toj saajeb' xb'aan naq, wi te'aaleeq, te'xkanab' li Kriist ut te'raj sumlaak;

Apocalipsis 18:7

Jo'nimal xnimob'resi wi' rib' ut xrataw li maa'usilal, jo'kan ajwi' k'ehomaq reeqaj rik'in rahilal ut yot'e'k. Xb'aan naq kixye sa' xch'ool: «K'ojk'ookin jo' xna' li tenamit, maawa'in xmalka'an ut maajoq'e twil li rahil ch'oolej», chan.

Apocalipsis 18:19

Ke'xk'e pojtz' sa' xjolomeb', te'yaab'aq ut te'xten re xch'ooleb' naq ke'xjap re chi xyeeb'al: “Toq'ob' ru, toq'ob' ru li Nimla Tenamit! Chixjunileb' li wankeb' xjukub' sa' li palaw xe'b'ihomo'k rik'in li xnimal b'ihomal, ut anaqwan, yal chiru jun k'amok, xkanaak chi nakirnak!”.