Apocalipsis 18:24 - Q'eqchi Bible

²⁴ Aran, sa' li tenamit Babilonia, xtawe'k xkik'eleb' li propeet, xkik'eleb' li sant ut chixjunileb' li kilaje'kamsiik sa' ruuchich'och'.

Li Santil hu

²⁴ Saꞌ ajcuiꞌ li tenamit aꞌan queꞌcamsi̱c li ralal xcꞌajol li Dios ut eb li profeta. Li tenamit aꞌan quicꞌamoc be chiruheb li tenamit saꞌ ruchichꞌochꞌ chixcamsinquileb laj pa̱banel yalak bar.

Apocalipsis 18:24 ပူးပေါင်းရင်းမြစ်များ

Apocalipsis 17:6

Toja' naq kiwil li ixq yo xkalajik xb'aan xkik'eleb' li sant ut li xkik'eleb' li ke'kamk sa' xk'ab'a' li Jesus; ut k'ajo' naq kisachk linch'ool chi rilb'al.

Apocalipsis 16:6

xb'aan naq eb' a'an xe'xhoy xkik'eleb' li sant jo'wi' li xkik'eleb' li propeet, ut laa'at xak'e li kik' chi ruk'eb': jo'kan naq xe'xk'ul tz'aqal xq'ajkamunkileb'”.

Jeremías 51:49

Sa' xk'ab'a'eb' laj Israel li xe'kamk taajuk'e'q Babilonia; sa' xk'ab'a'eb' li xe'kamsiik sa' ruuchich'och' tento taasachmanq chi junwaakaj”.

Apocalipsis 19:2

xb'aan naq naraqok aatin sa' tiikilal ut rik'in yaal: xteneb' tojb'amaak sa' xb'een li xnimal ru aj yumb'eet, a' li xpo'ok ru li ruuchich'och' rik'in li xmuxb'al rib'; ut xk'e reeqaj li xkik'eleb' laj k'anjel li ke'kamsiik xb'aan li ixq”.

Hechos 7:52

Ma wank junaq propeet li ink'a' xik' ki'ile'k xb'aaneb' leena' leeyuwa'? Eb' a'an ke'xkamsi li yookeb' chaq chi xyeeb'al resil chi junxilaj li xk'ulunik li Tiik xch'ool, a' li xeq'axtesi ut xekamsi laa'ex anaqwan.

Apocalipsis 11:7

Akaq xe'raqe'k chi xyeeb'al li yaal, toja' naq li josq' aj Xul taataqe'q chaq sa' li Siwan ut taayaloq u rik'ineb', tixq'ax ruheb' ut tixkamsiheb'.

San Mateo 23:35

re naq taachalq sa' eeb'een chixjunil li xkik'el li tiikeb' xch'ool li kihoye'k sa' ruuchich'och' chalen chaq sa' li xkamik laj Abel li tiik xch'ool toj rik'in li xkik'el laj Sakarías, ralal laj Barakías, li kekamsi sa' xyanq rochoch li Yos rik'in li artal.

San Mateo 23:27

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex, xb'aan naq chanchanex li muqleb'aal kamenaq chuninbil: ch'ina'us rilb'aleb' li rix, ab'an chisa' nujenaqeb' chi xb'aqel kamenaq ut chixjunil li k'a'aq re ru chi tz'ajnil!

Daniel 7:21

Laa'in kink'e reetal naq li xukub' a'an ki'ok chi yalok rik'ineb' li sik'b'ileb' ru xb'aan li Nimajwal Yos ut kixq'axeb' ru,

1 Ts 2:15

Eb' a'an ke'xkamsi li Qaawa' Jesus jo'wi' eb' li propeet, ut xoohe'xrahob'tesi laa'o. Neke'xb'aanu li raaxiik' reheb' chixjunil, ut li Yos ink'a' nawulak chiru li xna'leb'eb';

Ezequiel 22:27

Li xjolomileb' li tenamit chanchaneb' laj xojb' li neke'xt'upi li xtzakeb', yo'ooneb' chi kamsink ras riitz'in re relq'ankil li xb'ihomaleb'.

Ezequiel 22:12

Wankeb' neke'tuminaak ru chi xkamsinkileb' li poyanam, ut numtajenaq ral li to' tumin neke'xpatz'; neke'xtawasi eb' li ras riitz'ineb' ut neke'xmaq' sa' josq'il li k'a'aq ru reheb', ut xine'xtz'ek laa'in chirix xch'ooleb' -chan li Qaawa'-.

Ezequiel 22:9

Wankeb' aawik'in aj q'ab'anel, ut naab'aleb' li poyanam neke'kamsiik; neke'wulak chiru tzuul chi wa'ak sa'eb' li tijob'aal ut q'axal yib'ru neke'xb'aanu.

Jeremías 2:34

Oso'jenaq laab'aatal sa' xkik'eleb' li neb'a' jo' ajwi' sa' xkik'eleb' li maak'a'eb' xmaak, a'eb' li maajun wa xataweb' chi elq'ak.

Daniel 7:25

tixmajewa li Nimajwal Yos ut tixrahob'tesiheb' li sik'b'ileb' ru xb'aan li Qaawa'. Tixyal xjalb'al li Chaq'rab' jo' ajwi' li xkutankileb' li ninq'e, ut li xtenamit li Yos te'wanq rub'el xwankil chiru wan xka chihab'.