Apocalipsis 18:20 - Q'eqchi Bible

²⁰ Chatsaho'q xb'aan a'an, at choxa. Chisaho'q sa' eech'ool, ex sant, apóstol ut propeet, xb'aan naq rik'in xteneb'ankil li tojb'amaak sa' xb'een, li Yos xraqok aatin sa' tiikilal.

Li Santil hu

²⁰ Chisahokꞌ saꞌ e̱chꞌo̱l la̱ex li cuanquex saꞌ choxa. La̱ex laj pa̱banel, la̱ex profeta ut la̱ex apóstol, chisahokꞌ taxak saꞌ e̱chꞌo̱l xban nak li Dios xrakoc a̱tin saꞌ xbe̱neb saꞌ e̱cꞌabaꞌ la̱ex, chan li yo̱ chak chi a̱tinac saꞌ choxa.

Apocalipsis 18:20 ပူးပေါင်းရင်းမြစ်များ

Apocalipsis 6:10

Ut ke'ok chi xjapb'aleb' re chi kaw xyaab'eb' xkux, ut ke'xye: “At santil Eechalinel, laa'at paab'ajelat, toj jo'q'e tatkanaaq chi ink'a' tatraqoq aatin sa' xb'eeneb' li wankeb' sa' ruuchich'och' ut ink'a' taweeqajuniheb' li ke'kamsink qe?”.

Apocalipsis 12:12

Jo'kan utan, chisaho'q sa' eech'ool, ex choxa ut chejunilex li wankex chisa'. Ab'an ra chaalel sa' eeb'een laa'ex li ruuchich'och' ut palaw, xb'aan naq laj tza xkub'eek eerik'in chi k'ajo' xjosq'il: naxnaw naq ajlanb'il kutan aj chik taawanq”.

Isaías 26:21

Xb'aan naq elk re li Qaawa' sa' li xmuheb'aal re eeqajunk chirix li maa'usilal li xe'xb'aanu chixjunileb' li poyanam sa' ruuchich'och'; li ch'och' taarisi chaq chi kutankil li xkik'eleb' li xe'kamsiik, ut ink'a' chik tixmuq li kamsink xb'aanuhatq.

San Judas 1:17

A'ut laa'ex raarookex inb'aan, chinaq sa' eech'ool li aatin ke'xye chaq eb' li x'apóstol li Qaawa' Jesukriist:

2 Pedro 3:2

Chijultiko'q eere li aatin ke'xye chi junxilaj eb' li santil propeet, jo' ajwi' chijultiko'q eere li xchaq'rab' li Qaawa' ut laj Kolonel, q'axtesinb'il eere xb'aaneb' lee'apóstol.

Efesios 4:11

Ut A'an wan ajwi' kixxaqab'eb' cho'q apóstol; wankeb' cho'q propeet; wankeb' cho'q aj puktesinel li Chaab'il Esilal; wankeb' chik cho'q aj k'aak'alenel ut aj tzolonel.

Efesios 2:20

kab'lanb'ilex sa' xb'een rub'elahomeb' li apóstol ut eb' li propeet, ut li Kriist a'an li xnimal ru pek sa' li kab'l.

Isaías 49:13

Ex choxa ut ruuchich'och', japomaq eere xb'aan xsahil eech'ool. Ex tzuul, pisk'onqex ut b'ichanqex, xb'aan naq li Qaawa' xk'ojob' xch'ool li xtenamit ut xril xtoq'ob'aal ruheb' li wankeb' sa' rahilal.

Proverbios 11:10

Naq li tiik xch'ool us na'elk, k'ajo' naq neke'saho'k xch'ool li tenamit; ut naq nakamk li ink'a' us xna'leb', neke'xajok chixjunileb'.

Salmos 94:1

Xaqlin, at Qaawa', laa'at aj eeqajunel, laa'at li Yos li nakaweeqajuni li ink'a' us.

Salmos 58:10

Che'k'ate'q kama'eb' li k'ix chi toj maji' neke'xk'e reetal; che'isiiq chi junajwa kama' li k'im nasaapuuk chi toj rax xb'aan li kawil iq'!

Efesios 3:5

Sa'eb' li kutan ke'numje'k chaq ink'a' kik'utb'esiik chiruheb' li tenamit jo' naq xk'utb'esiik anaqwan chiruheb' li xsantil apóstol li Yos ut eb' li propeet, xb'aan li Musiq'ej.

Isaías 44:23

At choxa, jap aawe xb'aan xsahil aach'ool sa' xk'ab'a' li xb'aanuhom li Qaawa'. B'ichanqex, sahoqex, ex xchamal li ruuchich'och'! Ex k'iche' ut ex tzuul eerochb'een chixjunileb' li che', pisk'onqex xb'aan xsahil eech'ool, xb'aan naq li Qaawa' xk'ut li xloq'al chiru laj Israel naq xkoleb' li ralal xk'ajol laj Jakob.

Salmos 109:28

Xmajewaaqineb' a'an, a'ut laa'at nikinaawosob'tesi. Wi te'xkut rib' sa' inb'een, xutaanal te'kanaaq wi'; ab'an q'axal taasaho'q linch'ool laa'in aj k'anjel chawu.

Salmos 107:42

K'ajo' naq neke'saho'k li tiikeb' xch'ool chi rilb'al a'an; a'ut li ink'a' useb' xna'leb' maak'a' chik neke'xye.

Salmos 48:11

Jo' chanru laaloq'laj k'ab'a', jo'kan ajwi' laaloq'al nawulak toj sa' xmaril li ruuchich'och'! Laa'at nakat-awab'ejink rik'in tiikilal.

Salmos 18:47

Chiwanq taxaq xloq'al li Qaawa'! Usilaatinanb'il taxaq li Saqoonak ninkol wi' wib'; chiterq'usiiq xwankil linYos laj kolol we,

Jueces 5:31

“Jo'ka'in taxaq naq che'oso'q chixjunileb' li xik' neke'ilok aawe, at Qaawa'. Ut eb' li neke'rahok aawe, chanchanaqeb' taxaq li saq'e naq nalemtz'unk chaq wa'leb'!”. Ut li tenamit ke'wank sa' tuqtuukilal chiru ka'k'aal chihab'.

Deuteronomio 32:42

Tint'aqresiheb' sa' kik' linsimaj, ut linch'iich' taanujaq chi tib': xkik'el li kamenaqeb' ut eb' li preex, xjolomeb' aj k'amol xb'eheb' li xik' neke'ilok qe».

Sofonías 3:15

Xb'aan naq li Qaawa' xrisi li raqb'a aatin sa' aab'een ut xraanilasiheb' li xik' neke'ilok aawe. Li Qaawa', li x'awab'ej laj Israel, wank aawik'in, ut maajun chik taaxib'esinq aawe.

Apocalipsis 18:6

K'ehomaq re jo' naq a'an kik'ehok, chek'e reeqaj li xb'aanuhom ka' sut chik xk'ihal. Ut sa' li sek' kixkawresi wi' li uk'a', chekawresi laa'ex li xka'wail re a'an.