Apocalipsis 18:17 - Q'eqchi Bible

¹⁷ Yal chiru jun k'amok xsachk li nimla b'ihomal a'in!”, cha'qeb'. Chixjunileb' laj jolominel re jukub' ut li jo'k'ihal wankeb' chisa', eb' li neke'b'eresink re ut chixjunileb' li neke'k'anjelak chiru ha' ke'kanaak chi najt

Li Santil hu

¹⁷ Ut yal chiru junpa̱t x-osoꞌ chixjunil lix biomaleb, chaꞌakeb. Ut eb laj e̱chal jucub ut eb li nequeꞌxberesi li jucub saꞌ li palau ut chixjunileb li nequeꞌtrabajic saꞌ li ni̱nki jucub, joꞌqueb laj cꞌay li nequeꞌxic saꞌ li jucub, queꞌxakli chi najt chi rilbal.

Apocalipsis 18:17 ပူးပေါင်းရင်းမြစ်များ

Apocalipsis 17:16

Li josq' aj xul ut eb' li lajeeb' chi xukub' li xawil, xik' te'ril laj yumb'eet; te'xkanab' chi nakirnak ut chi t'ust'u, te'xtiw li xtib'el ut te'xk'at li ixq sa' xam.

Isaías 23:14

Yaab'anqex, ex jukub' re Tarsis, xb'aan naq xjuk'e'k li kawub'resinb'il na'ajej kaw wi' eech'ool.

Apocalipsis 18:19

Ke'xk'e pojtz' sa' xjolomeb', te'yaab'aq ut te'xten re xch'ooleb' naq ke'xjap re chi xyeeb'al: “Toq'ob' ru, toq'ob' ru li Nimla Tenamit! Chixjunileb' li wankeb' xjukub' sa' li palaw xe'b'ihomo'k rik'in li xnimal b'ihomal, ut anaqwan, yal chiru jun k'amok, xkanaak chi nakirnak!”.

Jonás 1:6

Toja' naq laj eechal re li jukub' kinach'ok wan wi' laj Jonás ut kixye re: “K'a'ut naq yookat chi wark arin? Waklin ut tijon chiru laaYos. Mare anchal taaruxtaana qu ut ink'a' tooxkanab' chi oso'k”.

Jeremías 51:8

Sachaamil Babilonia ut xjuk'e'k! Yaab'anqex chirix li tenamit a'an ut yulumaq sa' sununkil b'an: mare anchal taak'iraaq”.

Lamentaciones 4:6

Li xmaak lintenamit naxq'ax ru li xmaa'usilal li tenamit Sodoom, li kisache'k ru chi junpaat chi maajun junaq kitenq'ank re.

Isaías 47:9

Ab'anan, maak'a'aq sa' laach'ool naq te'chalq li wiib' chi rahilal a'in sa' aab'een: li kanaak sa' junaatalil ut li xsachikeb' laawalal aak'ajol, us ta jwal nakattuulak ut nakatnawalink.

Hechos 27:11

Li xjolomileb' laj puub' a' chik li naxye laj b'eresinel ut laj eechal re li jukub' naxpaab' chiru li naxye laj Pablo.

Apocalipsis 17:12

“Li lajeeb' chi xukub' xawil a'aneb' li lajeeb' chi awab'ej li maji' xk'ulumeb' xwankil, ab'an te'ruhanq chi awab'ejink chiru jun k'amokaq rochb'eeneb' li josq' aj xul.