Apocalipsis 17:2 - Q'eqchi Bible

² Eb' li awab'ej re li ruuchich'och' ke'xmux rib'eb' rik'in, ut eb' li wankeb' sa' ruuchich'och' ke'kalaak rik'in li xb'iinul ut ke'xb'aanu li maa'usilal rik'in”.

Li Santil hu

² Chixjunileb li rey li cuanqueb saꞌ ruchichꞌochꞌ nequeꞌcuulac saꞌ li tenamit aꞌan chixba̱nunquil li ma̱usilal. Chanchan nak ac xeꞌcaltesi̱c xban li ma̱usilal yo̱queb chixba̱nunquil, chan li ángel.

Apocalipsis 17:2 ပူးပေါင်းရင်းမြစ်များ

Apocalipsis 14:8

Ut jun chik li ánjel kitaaqenk re, kixye: “Xt'ane'k, ak xt'ane'k li nimla tenamit Babilonia, a' li kik'ehok chi maakob'k chixjunileb' li tenamit sa' ruuchich'och' rik'in li xmaa'usilal. Chanchan naq kixkaltesiheb' rik'in b'iin. Ut a'an k'ajo' naq kixchiq' xjosq'il li Yos!”.

Apocalipsis 18:3

Xb'aan naq chixjunileb' li tenamit xe'ruk' li xb'iinul ut xe'xb'aanu li maa'usilal rik'in; eb' li awab'ej re li ruuchich'och' xe'xmux rib'eb', ut eb' laj yakonel sa' ruuchich'och' xe'b'ihomo'k rik'in li xjo'maajo'il aj maa'usilal”.

Jeremías 51:7

Babilonia chanchan jun sek' ooro naq xwank sa' wuq'; a'an xpo'ok re xna'leb' chixjunil li ruuchich'och': eb' li xninqal ru tenamit xe'ruk' li b'iin a'an ut xe'sachk xna'leb'eb'.

Apocalipsis 18:9

Eb' li awab'ej re li ruuchich'och' li ke'xmux rib' rik'in ut sa naq ke'wank rik'in, te'yaab'aq ut huyhutqeb' chirix, naq te'ril li xsib'el li xk'atik;

Apocalipsis 18:23

Li xxamlel li saqenk ink'a' chik taasaqeno'q wankat wi', ut li xyaab' xkuxeb' li b'eelomej ut li ixaqilb'ej ink'a' chik taa'ab'iiq aawik'in. Xb'aan naq eb' laj yakonel ke'wank aawik'in a'aneb' li xninqaleb' ru winq sa' ruuchich'och', ut rik'in li tuulak xab'aanu xab'alaq'i chixjunileb' li tenamit”.

Apocalipsis 17:17

Xb'aan naq li Yos xk'ehok sa' xch'ooleb' xb'aanunkil li naraj. Jo'kan naq junajaqeb' li xk'a'uxl chi xq'axtesinkil li xwankilaleb' re li josq' aj xul, toj toxtz'aqloq ru li xyehom li Yos.

Apocalipsis 3:10

Laa'at xak'uula sa' aach'ool li waatin xinye chirix li kuyuk, jo'kan naq laa'in ajwi' tatinkol sa' xhonalil li yale'k chalk re junsut junrub'el choxa re xyalb'aleb' rix li wankeb' sa' ruuchich'och'.

Apocalipsis 17:13

Eb' a'in wankeb' sa' aatin chi xq'axtesinkil sa' ruq' li josq' aj xul li xkawilaleb' ut li xwankilaleb'.

Nahum 3:4

Ut chixjunil a'in xk'ulmank xb'aan li xmaa'usilal li tenamit Nínive. A'an chanchan jun li ixq aj yumb'eet: k'ajo' li xch'ina'usal ut li xchaq'alil ru, ut k'aynaq chi tuulak. Rik'in li ko'b'eetak ut tuulak xb'aanu naab'aleb' li tenamit xe'b'alaq'iik.

San Juan 2:10

ut kixye re: —Chixjunil li poyanam xb'enwa neke'xk'e li chaab'il b'iin ut, naq ak xe'k'ojlaak xch'ool, aka' chik li ink'a' chaab'il. A'ut laa'at xak'uula li chaab'il b'iin toj anaqwan.

Apocalipsis 2:22

K'e reetal, tinkut li ixq a'an chiru ch'aat sa' rahilal; ut eb' li neke'xmux rib' rik'in teb'ink'e sa' xninqal rahilal, wi ink'a' te'xjal xk'a'uxl chirixeb' li xb'aanuhom.

Apocalipsis 9:21

Ink'a' ajwi' ke'yot'e'k xch'ool chirix li kamsink, tuulak, muxuk ib' ut elq'ak nalaje'xb'aanu.

Apocalipsis 17:5

ut tz'iib'anb'il chi xpeekem jun k'ab'a'ej muqmu xyaalal: “Babilonia, li Nimla Tenamit, li xna'eb' laj yumb'eet ut xna' ajwi' chixjunil li tz'i'b'eetalil aj na'leb' li wank sa' ruuchich'och'”.

Apocalipsis 17:8

“Li josq' aj xul xawil, a'an li kiwank ut maak'a' chik anaqwan; taataqe'q chaq sa' li Siwan, ab'an taaxik sa' li sachleb'aal. Eb' li wankeb' sa' ruuchich'och', eb' li ink'a' tz'iib'anb'ileb' xk'ab'a' sa' li xhuhil li yu'am chalen chaq sa' xk'ojlajik li ruuchich'och', te'sachq xch'ool chi rilb'al naq li josq' aj xul kiwank ut maak'a' chik anaqwan, ab'an taak'ulunq wi' chik.