Apocalipsis 17:17 - Q'eqchi Bible

¹⁷ Xb'aan naq li Yos xk'ehok sa' xch'ooleb' xb'aanunkil li naraj. Jo'kan naq junajaqeb' li xk'a'uxl chi xq'axtesinkil li xwankilaleb' re li josq' aj xul, toj toxtz'aqloq ru li xyehom li Yos.

Li Santil hu

¹⁷ Li Dios quiqꞌuehoc re saꞌ xchꞌo̱leb li rey nak joꞌcan teꞌxba̱nu. Joꞌcan nak junajakeb lix cꞌaꞌux chixqꞌuebal lix cuanquileb re li joskꞌ aj xul re nak ta̱takla̱nk toj ta̱tzꞌaklok ru li quixye li Dios.

Apocalipsis 17:17 ပူးပေါင်းရင်းမြစ်များ

Apocalipsis 10:7

Naq taa'ab'imanq li xyaab' xkux li xwuq ánjel ut a'an tixyaab'asi li xtronpeet, toja' naq sa'eb' li kutan a'an taatz'aqloq ru li xtz'aptz'ookil na'leb' li Yos, jo' kixye chaq rik'in chaab'il esilal reheb' laj k'anjel chiru, a'eb' li propeet”.

2 Corintios 8:16

B'anyox re li Yos naq xreek'asi xch'ool laj Tito cheraab'al jo' naq q'axal nekexinra laa'in:

San Juan 13:2

Yookeb' chi wa'ak ewu, ut laj Tza ak xk'e sa' xk'a'uxl laj Judas Iskariote, ralal laj Simón, naq tixq'axtesi li Jesus.

Jeremías 32:40

Tink'ojob' jun Sumwank rik'ineb', li wanq xwankil chi junelik: laa'in ninye li waatin naq junelik twusila ruheb', ut tink'e sa' xch'ooleb' naq te'roxloq'i wu ut ink'a' chik te'xnajtob'resi rib' wik'in.

Proverbios 21:1

Li xk'a'uxl li awab'ej chanchan jun nima', li nak'ame'k xb'aan li Yos b'arwi' naraj A'an.

Esdras 7:27

Toja' naq laj Esdras kitijok chi kama'in: “Usilaatinanb'il taxaq li Qaawa', xYos eb' li qana' qayuwa', li xtoch'ok xch'ool li awab'ej re naq tixk'e xloq'al li rochoch li Qaawa' aran Jerusalén.

Apocalipsis 17:13

Eb' a'in wankeb' sa' aatin chi xq'axtesinkil sa' ruq' li josq' aj xul li xkawilaleb' ut li xwankilaleb'.

San Juan 13:18

“Ink'a' nin'aatinak cherix chejunilex. Laa'in ninnaw chi us ani li kinsik'eb' chaq ru; ab'anan tento taatz'aqloq ru li Santil Hu: «Li nawa'ok re linwa xtaqsi li roq ruq' sa' inb'een».

San Lucas 22:22

Xb'aan naq li K'ajolb'ej xik re jo' chanru kiteneb'aak sa' xb'een, ab'an ra chaalel sa' xb'een li winq a'an li taaq'axtesinq re!

Salmos 105:25

Kixpo' xch'ooleb' laj Ejiipt re naq xik' chik te'ril li xtenamit ut te'xra'aleheb' li sik'b'ileb' ru xb'aan.

Apocalipsis 15:1

Chirix chik a'an kiwil sa' choxa jun chik nimla eetalil ut sachb'ach'oolej rilb'al: wuqub' chi ánjel yookeb' chaq chi xk'amb'al wuqub' chi rahilal te'chalq sa' roso'jik, xb'aan naq rik'ineb' a'an taatz'aqloq ru li xjosq'il li Yos.

San Juan 19:28

Naxnaw li Jesus naq ak xtz'aqlok ru chixjunil; jo'kan naq kixye: —Taachaqiq we. Kixye a'in re naq chitz'aqloq ru li tz'iib'anb'il sa' li Santil Hu.

San Juan 19:24

Jo'kan naq ke'xye chirib'ileb' rib': —Miqajachi, qab'uuliiq b'an rix re rilb'al ani taakanaaq wi'. Chi jo'kan kitz'aqlok ru li tz'iib'anb'il sa' li Santil Hu: “Xe'xjek'i li waq' chirib'ileb' rib', xe'xb'uuli rix lint'ikr”. A'eb' laj puub' ke'b'aanunk re a'an.

San Juan 10:35

Wi naxk'eheb' cho'q yos li ke'k'uluk re li Raatin li Yos (ut ink'a' naru xsachb'al xwankil li Santil Hu),

San Lucas 22:37

Ninye eere naq tento taatz'aqloq ru wik'in li tz'iib'anb'il chaq sa' li Santil Hu: «Xe'xk'e sa' ajl sa' xyanqeb' li ink'a' useb' xch'ool». Xb'aan naq tz'aqlok re li tz'iib'anb'il chaq chiwix.

San Lucas 22:3

Toja' naq ki'ok laj tza rik'in laj Judas, aj Iskariote xk'ab'a', a'an jun reheb' li Kab'laju.

Daniel 12:7

Li tiqto rik'in liin sa' xb'een li ha' kixtaqsiheb' li ruq' sa' choxa ut kiwab'i chi xyeeb'al sa' jurament sa' xk'ab'a' li Yos li wank chi junelik: «Chiru wan xka chihab', naq taaraqe'q xsachb'aleb' ru li santil tenamit, taatz'aqloq ru chixjunil a'in».

Isaías 45:17

A'ut laj Israel kolb'ilaq xb'aan li Qaawa', kolb'ilaq chi junajwa. Maajaruj chik texk'ehe'q sa' xutaan chi moko texse'eeq.

Proverbios 19:21

Li winq naxk'uub' li k'aru tixb'aanu, ab'an li Qaawa' yaal re xb'aanunkil.

Apocalipsis 6:11

Toja' naq kik'ehe'k jun li saqi aq' re li junjunq ut kiyeemank reheb' naq che'oyb'eninq wan chik kach'inaq toj taatz'aqloq li xk'ihaleb' li rech aj k'anjelil jo'wi' li xk'ihaleb' li riitz'in li tento te'kamsiiq jo'eb' a'an.

Apocalipsis 19:9

Chirix chik a'an li ánjel kixye we: “Tz'iib'a: «Us xaq reheb' li b'oqb'ileb' chi wa'ak sa' xninq'ehinkil xsumlajik li Karneer»”. Kixye ajwi' we: “Chixjunil a'in a'an raatin li Yos ut tz'aqal yaal”.