Apocalipsis 17:1 - Q'eqchi Bible

¹ Toja' naq kichalk jun reheb' li wuqub' chi ánjel li wankeb' li wuqub' chi sek' rik'in, ut ki'aatinak wik'in: “Kim -chan we-, ink'utaq chawu li tojb'amaak teneb'anb'il sa' xb'een li xnimal ru aj yumb'eet li k'ojk'o sa' xb'eeneb' li k'iila ha'.

Li Santil hu

¹ Ut jun reheb li cuukub chi ángel, li cuanqueb li cuukub chi secꞌ riqꞌuineb, quixye cue: —Quim arin. Tincꞌut cha̱cuu jun li ixk li naxcꞌayi rib chunchu saꞌ xbe̱n li haꞌ retalil li nimal tenamit Babilonia li cuan xcuanquil saꞌ xbe̱neb nabal chi tenamit. Tincꞌut cha̱cuu li tojba ma̱c li xchal saꞌ xbe̱n li tenamit aꞌan xban li ma̱usilal nequeꞌxba̱nu.

Apocalipsis 17:1 ပူးပေါင်းရင်းမြစ်များ

Apocalipsis 19:2

xb'aan naq naraqok aatin sa' tiikilal ut rik'in yaal: xteneb' tojb'amaak sa' xb'een li xnimal ru aj yumb'eet, a' li xpo'ok ru li ruuchich'och' rik'in li xmuxb'al rib'; ut xk'e reeqaj li xkik'eleb' laj k'anjel li ke'kamsiik xb'aan li ixq”.

Jeremías 51:13

At Babilonia li wankat chire xninqal nima' ut k'ajo' laab'ihomal, ak xwulak xkutankil laasachik; maajoq'e chik tat-elq'aq.

Apocalipsis 16:19

Li Nimla Tenamit oxib' jachal ki'elk, ut li xtenamiteb' li ruuchich'och' kilaje't'ane'k; ut kinaqk chaq sa' xch'ool li Yos li nimla Babilonia re xk'eeb'al chi ruk'eb' li jun sek' chi b'iin wan wi' li xnimal xjosq'il.

Apocalipsis 21:9

Toja' naq kichalk jun reheb' li wuqub' chi ánjel li wankeb' chaq rik'in li wuqub' chi sek' nujenaqeb' rik'in li wuqub' chi rahilal chaalel sa' roso'jik; kinraatina ut kixye: “Kim, ink'utaq chawu li Ixaqilb'ej, li rixaqil li Karneer”.

Jeremías 2:20

“Laa'at ak junxil chik kawisi aawib' rub'el inwankil, ut kaq'etq'eti aawib' chiwu ut kaye: «Ink'a' chik nawaj k'anjelak chawu», chankat. Ut sa' xb'eenatq eb' li b'ool ut rub'elatq li ninqi che' katyoklaak ut kamux aawib' jo' junaq aj yumb'eet.

Isaías 1:21

Li tenamit li kiwank sa' tiikilal junxil k'ajo' naq xmux rib', kama' junaq aj yumb'eet! Q'axal tiik xch'ooleb' laj Jerusalén naq ke'wank, ab'an anaqwan junes aj kamsineleb' ras riitz'in aj chik.

Apocalipsis 15:1

Chirix chik a'an kiwil sa' choxa jun chik nimla eetalil ut sachb'ach'oolej rilb'al: wuqub' chi ánjel yookeb' chaq chi xk'amb'al wuqub' chi rahilal te'chalq sa' roso'jik, xb'aan naq rik'ineb' a'an taatz'aqloq ru li xjosq'il li Yos.

Isaías 57:3

Kimqex arin, laa'ex ralal xk'ajol laj tuul, ex riyajil laj yumb'eet ut laj muxul sumlaak.

Apocalipsis 21:15

Li yo chi aatinank we wank jun xb'aar oor re xb'isb'al li tenamit, jo'wi' re xb'isb'aleb' li rokeb'aal ut li xtz'akul.

Apocalipsis 4:1

Moqon chik kiwil sa' moy u jun li okeb'aal teeto sa' choxa; ut li xyaab' kuxej li ak wab'ihom jo' xyaab' li tronpeet, jo'ka'in kixye we: “Taqen chaq arin, ink'utaq chawu li tento taak'ulmanq moqon”.

San Lucas 24:32

Ut ke'xye chirib'ileb' rib': —Ma ink'a' tab'i' naxamnak li qach'ool naq yo chaq chi qaatinankil sa' b'e ut yo xch'olob'ankil chiqu li Santil Hu?

San Lucas 9:30

Xaqaamileb' wiib' li winq yookeb' chi aatinak rik'in, a'aneb' laj Moisés ut laj Elías.

Ezequiel 31:4

Kitenq'aak chi k'iik xb'aan li hab' ut li ha' li wank sa' li ch'och'; eb' li nima' li ke'yo'laak chi xsutam ke'xt'aqresi chixjunileb' li che' wankeb' sa' li teep a'an.

Apocalipsis 1:1

A'an a'in li kik'utb'esiik chiru li Jesukriist xb'aan li Yos re naq tixk'ut, chiruheb' laj k'anjel chiru, chixjunil li taak'ulmanq chi seeb'. Li Jesukriist kixtaqla chaq li x'ánjel re xk'eeb'al chixnaw laj Jwan li xmoos;

Apocalipsis 18:1

Chirix chik a'an kiwil jun chik li ánjel yo chaq chi kub'eek sa' choxa rik'in xnimal xwankil, ut kikutano'k li ruuchich'och' xb'aan li xnimal xloq'al.

Apocalipsis 19:9

Chirix chik a'an li ánjel kixye we: “Tz'iib'a: «Us xaq reheb' li b'oqb'ileb' chi wa'ak sa' xninq'ehinkil xsumlajik li Karneer»”. Kixye ajwi' we: “Chixjunil a'in a'an raatin li Yos ut tz'aqal yaal”.