Apocalipsis 16:8 - Q'eqchi Bible

⁸ Li xka li ánjel kixhoy li xsek' sa' xb'een li saq'e, ut kik'ehe'k xwankil chi xk'atb'aleb' li winq rik'in xam.

Li Santil hu

⁸ Ut li xca̱ ángel quixhoy li cuan saꞌ lix secꞌ saꞌ xbe̱n li sakꞌe. Ut li sakꞌe quitikcuoꞌ ru chi us ut quixcꞌateb li cristian. Chanchan xtikcual li xam.

Apocalipsis 16:8 ပူးပေါင်းရင်းမြစ်များ

Apocalipsis 14:18

Ut jun chik li ánjel ki'elk chaq sa' li artal, a' li wank xwankil sa' xb'een li xam, ut kaw kixjap re chi xyeeb'al re li wank xq'esnal ch'iich': “Isi laaq'esnal ch'iich' ut set chi kuut li uub' wankeb' sa' ruuchich'och', xb'aan naq ak cheekeb' chik li ru”.

Hechos 2:20

Taa'aak'ab'o'q ru li saq'e ut li po taakik'o'q ru, rub'elaj xk'ulunik li xnimal xkutankil li Qaawa'.

San Mateo 13:6

ab'an, naq kichalk li saq'e, kik'atk ut kichaqik xb'aan naq maak'a' li xxe'.

Jonás 4:8

ut naq ki'elk chaq li saq'e, li Yos kixtaqla chaq jun tiqwal iq'. K'ajo' naq kitawasiik laj Jonás xb'aan xtiqwal li saq'e: kichalk xlub'ik ut kixpatz' li xkamik: “Q'axal us li kamk cho'q we chiru naq yo'yooqin”, chan.

Apocalipsis 9:2

ut kixte li xchamal li Siwan. K'ajo' li sib' kitaqe'k chaq sa' li jul, kama' xsib'el junaq nimla xam, ut kiq'oqyino'k ru li saq'e jo'wi' li iq' xb'aan xsib'el li jul.

Apocalipsis 8:12

Toja' naq li xka ánjel kixyaab'asi li xtronpeet, ut kikete'k li rox jachal li saq'e, li rox jachal li po ut li rox jachal chixjunileb' li chahim: ki'aak'ab'o'k li rox jachal chixjunil a'an, ut li rox jachal li kutan ink'a' kisaqeno'k ru; jo'kan ajwi' li q'oqyink.

Apocalipsis 7:16

Ink'a' chik te'tz'okaaq chi moko te'chaqiq chik reheb'; ink'a' chik te'kete'q xb'aan li saq'e chi moko xb'aan xtiqwal chixjunil k'a'aq re ru.

Apocalipsis 6:12

Naq li Karneer kixte li xwaq tz'apleb', kiwil, ut kiwank jun nimla hiik; li saq'e kiq'eqo'k jo' jun li t'ikr mutzuk ru, li po kikanaak chixjunil chanchan kik'

San Lucas 21:25

“Taawanq eetalil chiru li saq'e, chiru li po ut chiruheb' li chahim; ut te'yot'e'q ut te'sachq xch'ool li tenamit sa' ruuchich'och' xb'aan li xyaab' li xkaw oq li palaw;

Isaías 24:23

Naq li Qaawa', li Nimajwal Yos, taa'awab'ejinq sa' li tzuul Sión ut Jerusalén, li po ut li saq'e te'q'oqyino'q ru ut eb' laj k'amol b'e te'ril li xloq'al li Qaawa'.