Apocalipsis 16:5 - Q'eqchi Bible

⁵ Toja' naq kiwab'i li ánjel li wank xwankil sa' xb'eeneb' li ha', kixye: “At qasantil Qaawa', li wankat anaqwan ut li ak wankat chaq, xatraqok aatin sa' tiikilal,

Li Santil hu

⁵ Ut quicuabi nak li ángel li nataklan saꞌ xbe̱n li haꞌ quia̱tinac ut quixye: At Ka̱cuaꞌ, la̱at ti̱c a̱chꞌo̱l chi rakoc a̱tin chi joꞌcaꞌin. La̱at ac cuancat chak saꞌ xticlajic ut la̱at cuancat anakcuan. La̱at santo. Joꞌcan nak xatrakoc a̱tin saꞌ xya̱lal saꞌ xbe̱neb li incꞌaꞌ useb xnaꞌleb.

Apocalipsis 16:5 ပူးပေါင်းရင်းမြစ်များ

Apocalipsis 11:17

“Naqab'anyoxi aawe, at Qaawa', at Nimajwal Yos, li ak wankat chaq ut li wankat anaqwan, xb'aan naq wank chik sa' laawuq' laanimal laawankil ut xatikib' awab'ejink.

Apocalipsis 1:8

“Laa'in li Alfa ut li Omega”, chan li Qaawa', li Nimajwal Yos li wank, li ak wan chaq ut li chaalel.

Apocalipsis 1:4

Laa'in laj Jwan nintz'iib'ak rik'ineb' li wuqub' chi Iklees li wankeb' Asia. Usilal ut tuqtuukilal chiwanq taxaq eerik'in sa' xk'ab'a' li wank, li ak wan chaq ut chaalel, sa' xk'ab'a' li wuqub' chi Musiq'ej li wankeb' chiru li xnimajwal k'ojarib'aal

Salmos 145:17

Tiik xch'ool li Qaawa' sa' chixjunil, ut chaab'il xk'a'uxl rik'in jo'nimal li naxb'aanu.

Apocalipsis 4:8

Li kaahib' chi yo'yookeb' wankeb' waqitq xik' ut nujenaqeb' chi xsa' uhej chi junqre ut chisa'; chi q'eq ut chi kutan ink'a' neke'hilank chi xyeeb'al: “Sant, Sant, Sant li Qaawa', li Nimajwal Yos, li ak wan chaq, li wank anaqwan ut li chaalel”.

Romanos 2:5

Laa'at kaw laajolom ut ink'a' nakawaj xjalb'al laak'a'uxl; jo'kan naq yookat chi xtamresinkil xjosq'il li Yos sa' aab'een cho'q re xkutankil li Josq'il naq taak'utb'esiiq li raqb'a aatin tixb'aanu li Yos sa' tiikilal.

Salmos 129:4

ab'an li Qaawa' a'an tiik xch'ool: kixt'upi li kareen kine'xb'ak' wi' li ink'a' useb' xna'leb'.

Génesis 18:25

Ink'a' naru taab'aanu a'an; ink'a' naru xk'eeb'al chi kamk li tiik xch'ool rochb'een laj maak. Ma truuq tab'i' naq tixk'ul li jun li b'arwan xk'ulum li jun chik? Ink'a' naru taab'aanu. Laj raqol aatin sa' xb'een chixjunil li ruuchich'och' ma ink'a' tab'i' taaraqoq aatin sa' tiikilal?”, chan laj Abrahán.

Apocalipsis 16:7

Ut kiwab'i jun xyaab' kuxej sa' li artal yo chi xyeeb'al: “Relik chi yaal, at Qaawa', at Nimajwal Yos, xatraqok aatin sa' tiikilal ut rik'in yaal”.

Romanos 3:5

Ab'anan wi li qamaa'usilal naterq'usink re xtiikilal xch'ool li Yos, k'aru tqaye? Ma tqaye naq ink'a' tiik xch'ool li Yos xb'aan naq nak'ehok chi tojok maak? (Yookin chi aatinak jo' neke'aatinak eb' li winq).

Daniel 9:14

Jo'kan naq li Qaawa' kixk'uub' chi junxilaj li rahilal a'in ut anaqwan xtaqla chaq sa' qab'een, xb'aan naq tiik xch'ool li Qaawa' li qaYos ut laa'o ink'a' xqaj rab'inkil li xyaab' xkux.

Lamentaciones 1:18

Us xb'aanu li Qaawa', xb'aan naq laa'in ink'a' xwaj xpaab'ankil li xchaq'rab'. Ab'ihomaqin chejunilex, ex tenamit, ut ilomaq li rahilal wankin wi'. Chixjunileb' li toj saajeb', jo' winq jo' ixq, xe'chape'k ut xe'k'ame'k chi preexil.

Apocalipsis 19:2

xb'aan naq naraqok aatin sa' tiikilal ut rik'in yaal: xteneb' tojb'amaak sa' xb'een li xnimal ru aj yumb'eet, a' li xpo'ok ru li ruuchich'och' rik'in li xmuxb'al rib'; ut xk'e reeqaj li xkik'eleb' laj k'anjel li ke'kamsiik xb'aan li ixq”.

Apocalipsis 16:4

Li rox kixhoy li xsek' sa' xb'eeneb' li nima' ut sa' xb'eeneb' li yo'leb'aal ha', ut ke'sutq'iik cho'q kik'.

San Juan 17:25

“At inYuwa', q'axal tiik laach'ool, li ruuchich'och' ink'a' xnawom aawu; a'ut laa'in xinnaw aawu ut eb' a'in xe'xnaw naq laa'at xattaqlank chaq we.

Apocalipsis 6:10

Ut ke'ok chi xjapb'aleb' re chi kaw xyaab'eb' xkux, ut ke'xye: “At santil Eechalinel, laa'at paab'ajelat, toj jo'q'e tatkanaaq chi ink'a' tatraqoq aatin sa' xb'eeneb' li wankeb' sa' ruuchich'och' ut ink'a' taweeqajuniheb' li ke'kamsink qe?”.