Apocalipsis 16:12 - Q'eqchi Bible

¹² Li xwaq li ánjel kixhoy li xsek' sa' xb'een li nima' Éwfrates, ut kichaqik li ha' re naq kawresinb'ilaq xb'eheb' li awab'ej te'chalq chaq sa' releb'l saq'e.

Li Santil hu

¹² Ut li xcuak ángel quixhoy li cuan saꞌ lix secꞌ saꞌ xbe̱n li nimaꞌ Éufrates. Quichakic li haꞌ re teꞌnumekꞌ eb li rey li queꞌchal chak saꞌ eb li naꞌajej li na-el cuiꞌ chak li sakꞌe.

Apocalipsis 16:12 ပူးပေါင်းရင်းမြစ်များ

Apocalipsis 9:14

ut kixye re li xwaq ánjel li wank xtronpeet: “K'ixeb' li kaahib' chi ánjel li jit'jookeb' chire li nima' Éwfrates”.

Jeremías 51:36

Jo'kan utan li Qaawa' kixye chi jo'ka'in: “Laa'in tin'okenq chawix ut tink'e reeqaj li rahilal x'uxmank aawe. Tink'eheb' chi chaqik li nima' ut li yu'amha' re Babilonia,

Isaías 44:27

Laa'in wank inwankil chi xyeeb'al re li palaw: «Chatchaqiq! Maak'a'aq chik ha' sa' laachamal!».

Isaías 41:25

Xinsik' chaq ru sa' xjayal releb'l iq', ut yo chaq chi chalk; sa' xjayal releb'l li saq'e xinb'oq chaq rik'in li xk'ab'a'. A'an tixyeq'iheb' sa' roq eb' li awab'ej jo' li sulul, jo' naxb'aanu laj pak'onel naq naxyoq'le li seb' sa' roq.

Isaías 42:15

Ok we chi xsachb'aleb' li tzuul ut eb' li b'ool, chaqi tinkanab' chixjunil li xrax pimul; tinchaqihob'resi eb' li nima', ut joxk' ch'och' aj chik tinkanab'eb' li kaqnaab'.

Isaías 11:15

Li Qaawa' tixte xb'eheb' sa' li Kaqi Palaw ut tixk'ut li xwankilal sa' xb'een li nima' Éwfrates: tixtaqla jun tiqwal iq' li tixjach li nima' sa' wuqub' chi roqha', ut aran te'nume'q li tenamit chi chaqi ru xb'eheb'.

Apocalipsis 17:15

Moqon li ánjel kixye we: “Eb' li ha' xawil b'ar k'ojk'o wi' laj yumb'eet, a'an tenamiteb', xmolameb' li winq, k'iila teep ut k'iila aatinob'aal.

Apocalipsis 7:2

Moqon kiwil jun chik li ánjel, yo chaq chi taqe'k sa' releb'l saq'e, wan chaq li xtz'apleb' li yo'yookil Yos rik'in. Ut kaw xyaab' xkux naq kixjap re chi xyeeb'al reheb' li kaahib' chi ánjel li ke'k'ehe'k xwankil chi xrahob'tesinkil li ruuchich'och' ut li palaw:

Isaías 46:11

Sa' xjayal releb'l saq'e xinb'oq chaq jun li winq, li taachalq chaq sa' jun najtil tenamit jo' li t'iw ut tixb'aanu chixjunil li wajom. Ak jo'kan xinye, ut jo'kan tinb'aanu; kama'an xink'uub', ut jo'kan naq taa'uxmanq.

Apocalipsis 11:14

Jo'ka'in kinume'k li xkab' rahilal. K'e reetal, we' chaq, ak chi seeb' li rox rahilal.

Isaías 8:7

Jo'kan naq li Qaawa' tixtaqlaheb' chaq li xkawil oq li nima' Éwfrates sa' xb'eeneb' (a' li awab'ej re Asiria rochb'een chixjunil li xwankilal); taab'ut'unq, taaxik yalaq b'ar ut talaje'nujaq chixjunileb' li na'ajej.