Apocalipsis 15:3 - Q'eqchi Bible

³ ut yookeb' chi xb'ichankil li xb'ich laj Moisés, laj k'anjel chiru li Yos, jo'wi' li xb'ich li Karneer: “Q'axal ninqeb' ut sachb'ach'oolej rilb'al laab'aanuhom, at Qaawa', at Nimajwal Yos; tiik ut tz'aqal yaal ru laab'e, at xReyeb' li tenamit!

Li Santil hu

³ Yo̱queb chixbichanquil li bich li quixbicha laj Moisés laj cꞌanjel chiru li Dios re xlokꞌoninquil li Jun li chanchan carner. Ut yo̱queb chixyebal: At Ka̱cuaꞌ, at nimajcual Dios, nim a̱cuanquil ut sachba chꞌo̱lej rilbal li nacaba̱nu. Kꞌaxal ti̱c a̱chꞌo̱l ut junelic nacaye li ya̱l. La̱at li tzꞌakal rey. Kꞌaxal nim a̱cuanquil saꞌ xbe̱neb chixjunileb li tenamit.

Apocalipsis 15:3 ပူးပေါင်းရင်းမြစ်များ

Salmos 111:2

Makach'in xnimal li xb'aanuhom li Qaawa'; jo'k'ihaleb' li neke'rahok re, junelik wank sa' xch'ooleb'.

Salmos 139:14

Ninyoxink chawu xb'aan naq sachb'ach'oolej rilb'al chanru naq xinaayoob'tesi. Sachb'ach'oolej chixjunil laab'aanuhom; ch'olch'o a'in chiwu, at inYos.

Salmos 145:17

Tiik xch'ool li Qaawa' sa' chixjunil, ut chaab'il xk'a'uxl rik'in jo'nimal li naxb'aanu.

Hebreos 3:5

Relik chi yaal naq laj Moisés kipaab'ank sa' xb'een chixjunil li rochoch li Yos jo' aj k'anjel, re xyeeb'al resil li k'aru taak'utb'esimanq moqon.

Isaías 33:22

Xhite'k li xk'aamaleb' li jukub', ink'a' chik xaqxo chi kaw li roqechal sa' xna'aj ut ink'a' chik naru xhelb'al li xnimal xt'ikrul li jukub'. Naab'al xb'ihomaleb' li xik' neke'ilok qe taaqeechani: te'tz'aqonq ajwi' eb' li mutz', ut eb' li yeq roqeb' te'xkut rib' sa' xb'een chi relq'ankil. Xb'aan naq li Qaawa' a'an laj raqol aatin sa' qab'een, a'an laj k'amol qab'e; li Qaawa' a'an li qaRey. A'an ajwi' taakoloq qe.

Oseas 14:9

Eb' li wankeb' xna'leb' ut li seeb'eb' xch'ool che'xnawaq xyaalal a'in: Tiik xb'e li Qaawa', ut a'an neke'xtaaqe li tiikeb' xch'ool; a'ut eb' laj maak neke'tichk'ok aran.

Zacarías 9:9

Jap aawe xb'aan xsahil aach'ool, at Sión, b'ichan chi anchal laawaanm, at Jerusalén. Xb'aan naq we' chaq laarey, tiik xch'ool ut aj q'axol u, tuulan ut wan chaq chirix jun ch'ina b'uur, ral li xul na'iiqank.

San Juan 1:17

Xb'aan naq li Chaq'rab' k'eeb'il chaq qe sa' xk'ab'a' laj Moisés, a'ut li usilal ut li yaal xk'ulunk sa' xk'ab'a' li Jesus li Kriist.

Salmos 100:5

Xb'aan naq jwal chaab'il li Qaawa', li xrahom wank chi junelik; li xtiikilal xch'ool wanq junq'e junq'e kutan.

Génesis 17:1

B'eleelaju ro'k'aal (99) chihab' wank re laj Abrán naq li Qaawa' kixk'ut rib' chiru ut kixye re: “Laa'in li Nimajwal Yos. Wanqat chi sum'aatin wik'in ut tiikaq laach'ool.

Apocalipsis 19:2

xb'aan naq naraqok aatin sa' tiikilal ut rik'in yaal: xteneb' tojb'amaak sa' xb'een li xnimal ru aj yumb'eet, a' li xpo'ok ru li ruuchich'och' rik'in li xmuxb'al rib'; ut xk'e reeqaj li xkik'eleb' laj k'anjel li ke'kamsiik xb'aan li ixq”.

Apocalipsis 14:3

Yookeb' chaq chi xb'ichankil jun li ak' b'ich chiru li nimajwal k'ojarib'aal jo'wi' chiruheb' li kaahib' chi yo'yookeb' ut eb' li cheekel winq. Ut maa'ani kiruhank chi xtzolb'al li b'ich a'an, ka'ajwi' li kaahib' xwaqxaqk'aal mil, a'aneb' li ke'kole'k sa' xyanqeb' li wankeb' sa' ruuchich'och'.

Deuteronomio 31:30

Toja' naq laj Moisés kixye li b'ich a'in chiru chixjunileb' laj Israel ch'utch'uukeb' aran. Kixye reheb' chalen sa' xtiklajik toj sa' xraqik:

Apocalipsis 17:14

Te'xyal xmetz'ew rik'in li Karneer, ab'an li Karneer tixq'ax ruheb' xb'aan naq a'an Qaawa' sa' xb'eeneb' chixjunil li qaawa' ut Awab'ej sa' xb'eeneb' chixjunil li awab'ej; ut eb' li rochb'een, eb' li b'oqb'ileb', li sik'b'ileb' ru ut tiikeb' xch'ool, te'xq'ax ajwi' ruheb'”.

Apocalipsis 11:17

“Naqab'anyoxi aawe, at Qaawa', at Nimajwal Yos, li ak wankat chaq ut li wankat anaqwan, xb'aan naq wank chik sa' laawuq' laanimal laawankil ut xatikib' awab'ejink.

Apocalipsis 4:8

Li kaahib' chi yo'yookeb' wankeb' waqitq xik' ut nujenaqeb' chi xsa' uhej chi junqre ut chisa'; chi q'eq ut chi kutan ink'a' neke'hilank chi xyeeb'al: “Sant, Sant, Sant li Qaawa', li Nimajwal Yos, li ak wan chaq, li wank anaqwan ut li chaalel”.

Daniel 6:20

Ut naq yo chi jilok, chi ra sa' xch'ool kixjap re chi xyeeb'al: “At Daniel, aj k'anjelat chiru li yo'yookil Yos ut li nakaloq'oni ru chi anchal laach'ool, ma xru laaYos chakolb'al sa' reheb' li kaqkoj?”, chan.

Isaías 45:21

Aatinanqex chi xkolb'al eerib'; wi teeraj, patz'omaq eerib' cherib'il eerib': Ani xk'ehok chi nawe'k a'in chalen chaq sa' xtiklajik? Ani ak xyehom chaq chalen chaq junxil? Ma maawa' tab'i' laa'in li Qaawa'? Maak'a' chik junaq yos chiwu laa'in. Laa'in li Yos tiik inch'ool ut aj kolonelin; maak'a' chik junaq yos chiwu laa'in.

Salmos 145:6

Taaseeraq'imanq chirix li xninqal ru aab'aanuhom, ut laa'in tinye resil naq jwal nim laawankil.

Salmos 99:4

Laa'at jun awab'ej li q'axal nim aawankil, k'ajo' naq nakara li tiikilal! Laa'at xatk'ojob'ank re li yaal, xak'anjela li tiikil ch'oolej ut li yaal sa' xyanqeb' laj Jakob.

Apocalipsis 19:16

Chiru li raq' ut chiru li ra' tz'iib'anb'il jun li k'ab'a'ej: “Awab'ej sa' xb'eeneb' li awab'ej ut Qaawa' sa' xb'eeneb' li qaawa'”.

Sofonías 3:5

Ab'anan li Qaawa' wank sa' xyanqeb'. A'an usilal naxb'aanu, ut maawa' li ink'a' us. Wulaj wulaj naraqok aatin ut rajlal eq'la naxk'ut li tiikilal chiruheb'. A'ut li reemaaru aj winq ink'a' naxnaw xutaanak.

Miqueas 7:20

At Qaawa', junelik taxaq wanq li xtiikilal aach'ool rik'in laj Jakob ut laarahom rik'in laj Abrahán, jo' kaye chaq junxil q'e kutan reheb' li qana' qayuwa'.

Salmos 105:5

Jultikaq eere li sachb'ach'oolej kilajxb'aanu, li xninqal eetalil ut li xloq'laj aatin,

Salmos 78:12

naq kixb'aanu sachb'ach'oolej chiruheb' li xna' xyuwa'eb', sa' li tenamit Ejiipt, sa' xtaq'ahil Sohán.

Li xHu LAJ JOB 5:9

A'an naxb'aanu naab'aleb' xninqal eetalil ut sachb'ach'oolej li ink'a' naru xtawb'al ru.

2 Crónicas 24:6

Toja' naq li awab'ej kixb'oq laj Johadá, li xb'eenil aj tij, ut kixye re: “K'a'ut naq ink'a' xak'e aach'ool chi xtaqlankileb' laj Leví re xxokb'al chaq li tumin rik'ineb' laj Judá ut eb' laj Israel, jo' kixchaq'rab'i laj Moisés, laj k'anjel chiru li Qaawa', jo'wi' li xkomonileb' laj Israel, cho'q re li xMuheb'aal li Sumwank?”, chan.

1 Crónicas 6:49

Laj Aharón ut eb' li ralal xk'ajol a'aneb' li neke'k'atok mayej sa' xb'een li artal reheb' li k'atb'il xul ut sa' xb'een li artal re li k'ajpom. Neke'xb'aanu chixjunil li k'anjel aajel ru re li Loq'laj Na'ajej ut neke'mayejak re xtojb'al rix li xmaakeb' laj Israel, jo' chanru kixye laj Moisés laj k'anjel chiru li Yos.

Apocalipsis 14:8

Ut jun chik li ánjel kitaaqenk re, kixye: “Xt'ane'k, ak xt'ane'k li nimla tenamit Babilonia, a' li kik'ehok chi maakob'k chixjunileb' li tenamit sa' ruuchich'och' rik'in li xmaa'usilal. Chanchan naq kixkaltesiheb' rik'in b'iin. Ut a'an k'ajo' naq kixchiq' xjosq'il li Yos!”.

Daniel 9:11

Chixjunileb' laj Israel xe'xq'et laachaq'rab' ut ink'a' xe'raj xpaab'ankil laawaatin. Jo'kan naq xchalk sa' qab'een li majewank ut li raaxiik' tz'iib'anb'il sa' li xChaq'rab' laj Moisés laamoos, xb'aan naq xoomaakob'k chawu.

Nehemías 9:14

Kak'e chixnaweb' laaloq'laj sábado ut kachaq'rab'i laj Moisés aj k'anjel chawu xk'utb'al laataqlahom, laawaatin ut laachaq'rab' chiruheb' laj Israel.

Deuteronomio 34:5

Aran kikamk laj Moisés, laj k'anjel chiru li Qaawa', sa' li tenamit Mohab, jo' chanru k'uub'k'u chaq xb'aan li Qaawa'.

Deuteronomio 32:3

Ok we chi xyaab'ankil xk'ab'a' li Qaawa': chenimaaq xloq'al li qaNimajwal Yos!

Josué 22:5

Ka'ajwi' a'in li nintz'aama cheru: naq teek'e eech'ool chi xpaab'ankil chi us li xtaqlahom ut li xchaq'rab' laj Moisés, laj k'anjel chiru li Qaawa'. Chera li Qaawa' leeYos, junelik chetaaqe li xb'e, chepaab' li xchaq'rab', junajaqex rik'in A'an ut chexk'anjelaq chi anchal leech'ool ut chi anchal leeraanm”.

Li xHu LAJ JOB 36:24

Chixjunileb' neke'xb'icha ru li xloq'al. Jo'kanaq ajwi' laa'at: jultikaq aawe xnimankil ru li xb'aanuhom.

Salmos 18:30

Rik'in laatenq'aal ninq'axeb' xwankil li xik' neke'ilok we; wochb'eenaq linYos tinpisk'o li tz'ak sutsu wi' li tenamit.

Salmos 92:5

At Qaawa', laa'at xak'ojob' linch'ool rik'in laab'aanuhom; k'ajo' naq nasaho'k li waanm chi rilb'al chixjunil li xab'aanu.

Salmos 111:7

Chixjunil li naxb'aanu, a'an chaab'il ut tz'aqal yaal; paab'ajel chixjunileb' li xchaq'rab':

1 Timoteo 1:17

Li Rey li wank xwankil chi junelik q'e kutan, a' li Yos li ink'a' nakamk, ink'a' ilb'il ru ut jun chirib'il, chinimaaq xloq'al ut loq'oninb'ilaq taxaq junq'e junq'e kutan. Jo'kan taxaq.

Apocalipsis 1:8

“Laa'in li Alfa ut li Omega”, chan li Qaawa', li Nimajwal Yos li wank, li ak wan chaq ut li chaalel.