Apocalipsis 14:3 - Q'eqchi Bible

³ Yookeb' chaq chi xb'ichankil jun li ak' b'ich chiru li nimajwal k'ojarib'aal jo'wi' chiruheb' li kaahib' chi yo'yookeb' ut eb' li cheekel winq. Ut maa'ani kiruhank chi xtzolb'al li b'ich a'an, ka'ajwi' li kaahib' xwaqxaqk'aal mil, a'aneb' li ke'kole'k sa' xyanqeb' li wankeb' sa' ruuchich'och'.

Li Santil hu

³ Quicuabi nak yo̱queb chixbichanquil jun li acꞌ bich chiru li cꞌojcꞌo saꞌ li lokꞌlaj cꞌojariba̱l, chiruheb li ca̱hib li chanchaneb ángel li yoꞌyo̱queb, ut chiruheb li ca̱hib xcaꞌcꞌa̱l li cꞌojcꞌo̱queb saꞌ xcꞌojariba̱leb. Ma̱ ani chic queꞌru xtzolbal li bich aꞌin. Caꞌaj cuiꞌ eb li ca̱hib xcuakxakcꞌa̱l mil (144,000) li queꞌcoleꞌ saꞌ xya̱nkeb li cuanqueb saꞌ ruchichꞌochꞌ.

Apocalipsis 14:3 ပူးပေါင်းရင်းမြစ်များ

Apocalipsis 5:9

ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;

Apocalipsis 14:1

Kin'ilok wi' chik, ut wank aran li Karneer xaqxo sa' xb'een li tzuul Sión, rochb'eeneb' kaahib' xwaqxaqk'aal mil (144,000) chi poyanam, wank li xk'ab'a' li Karneer ut li xk'ab'a' li xYuwa'eb' tz'iib'anb'il chi xpeekemeb'.

Apocalipsis 15:3

ut yookeb' chi xb'ichankil li xb'ich laj Moisés, laj k'anjel chiru li Yos, jo'wi' li xb'ich li Karneer: “Q'axal ninqeb' ut sachb'ach'oolej rilb'al laab'aanuhom, at Qaawa', at Nimajwal Yos; tiik ut tz'aqal yaal ru laab'e, at xReyeb' li tenamit!

Apocalipsis 2:17

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka li muqmuukil mana'. Tink'e ajwi' jun xch'ina saqi pek, let'exinb'ilaq chiru li ch'ina pek jun ak' k'ab'a'ej li maa'ani nanawok re, ka'ajwi' li taak'uluq re».

Isaías 42:10

B'ichahomaq junaq ak' b'ich cho'q re li Qaawa'; k'ehomaq xloq'al laa'ex li wankatqex chaq sa' xmaril li ruuchich'och', laa'ex li nekexxik chiru li palaw jo'wi' chixjunil li wank chisa', eb' li na'ajej sutsuukeb' chi ha' ut eb' li xpoyanamil.

Salmos 149:1

Aleluya! Cheb'ichaaq junaq ak' b'ich cho'q re li Qaawa', chek'ehaq xloq'al sa' xch'utameb' li neke'rahok re!

Salmos 98:1

Saalm. B'ichahomaq junaq ak' b'ich cho'q re li Qaawa', xb'aan naq xb'aanu sachb'ach'oolej. Xq'axok u rik'in xnimal xwankil, rik'in xwankilal li xloq'laj uq'.

Salmos 40:3

Xinrisi chaq sa' xchamal li jul, xinrisi sa' li saab' ha' yookin wi' chi sub'e'k, xinxk'e chi b'eek sa' xb'een li saqoonak: maak'a' chik tink'ul sa' linb'eenik.

Salmos 144:9

At inYos, tinb'icha cho'q aawe junaq ak' b'ich, tinnima aawu rik'in li aarp li lajeeb' ru:

Salmos 96:1

B'ichahomaq junaq ak' b'ich cho'q re li Qaawa', b'ichanqex cho'q re li Qaawa' chejunilex li wankatqex sa' ruuchich'och'.

Salmos 33:3

b'ichahomaq junaq ak' b'ich cho'q re a'an, tooch'omaq li wajb' chi chaab'il chi sahaq sa' eech'ool!

1 Corintios 2:14

Li winq li maak'a' xMusiq' li Yos rik'in moko naxk'ulub'an ta li k'aru nachalk rik'in xMusiq' li Yos; memil na'leb' b'an cho'q re. Ut ink'a' naruhank chi xnawb'al a'an, xb'aan naq ka'ajwi' rik'in li Musiq'ej naru xtawb'al xyaalal.

Salmos 25:14

Li Qaawa' a'an ramiiw eb' li neke'paab'ank re, jo'wi' naxk'e chi xnaweb' li xloq'laj sumwank.

1 Corintios 1:18

Xyeeb'al resil li krus a'an memil na'leb' chiruheb' li yookeb' chi sachk, ab'an chiruheb' li yookeb' chi kole'k -chiqu laa'o- a'an xnimal xwankil li Yos.

Apocalipsis 7:4

Ut kiwab'i li xk'ihaleb' li k'eeb'ileb' reetalil: kaahib' xwaqxaqk'aal mil (144,000) ke'xk'ul reetalil sa' xyanqeb' chixjunil li xteepaleb' li ralal xk'ajol laj Israel.