Apocalipsis 14:13 - Q'eqchi Bible

¹³ Chirix chik a'an kiwab'i jun xyaab' kuxej yo chi xyeeb'al sa' choxa: “Tz'iib'a: «Chalen anaqwan us xaq reheb' li kamenaq neke'kamk rik'in li Qaawa'»”. “Yaal -chan li Musiq'ej-, hilaanqeb' rik'in li xk'anjeleb', xb'aan naq li xb'aanuhomeb' neke'ochb'eenink reheb'”.

Li Santil hu

¹³ Ut quicuabi jun yo̱ chi a̱tinac saꞌ choxa ut quixye cue: —Tzꞌi̱ba li a̱tin aꞌin: Chalen anakcuan us xak reheb li nequeꞌcam, li ac xeꞌxpa̱b li Ka̱cuaꞌ. Ya̱l. Us xak reheb, chan li Santil Musikꞌej, xban nak teꞌhila̱nk chixba̱nunquil li cha̱bil cꞌanjel li ac xeꞌxba̱nu ut teꞌxcꞌul xkꞌajca̱munquil.—

Apocalipsis 14:13 ပူးပေါင်းရင်းမြစ်များ

Apocalipsis 20:6

Us xaq reheb' li neke'tz'aqonk sa' li xb'een waklijik chi yo'yo: eb' a'an santeb' ut maak'a' xwankil li xkab' kamk sa' xb'eeneb', aj tijaqeb' b'an chiru li Yos ut chiru li Kriist ut te'awab'ejinq rochb'een chiru jun mil chihab'.

1 Ts 5:10

a'an kikamk sa' qak'ab'a' re naq, us ta yo'yooqo us ta kamenaqo chik naq taak'ulunq, chiwanq qayu'am qochb'een A'an.

1 Ts 4:16

A' ajwi' li Qaawa' taakub'eeq chaq sa' choxa sa' xq'ehil, naq jun li arkánjel taataqlanq rik'in xyaab' xkux ut taayaab'asiiq xtronpeet li Yos: toja' naq eb' li xe'kamk sa' xk'ab'a' li Kriist, xb'enwa te'wakliiq chaq chi yo'yo.

1 Corintios 15:58

Jo'kan b'i', ex was wiitz'in raarookex inb'aan, kaw xaqxooqex, chexwanq chi ink'a' taach'inanq leech'ool, junelik yooqex chi k'iik sa' xk'anjel li Qaawa'. Chenawaq naq li xyalb'al eeq'e moko maak'a' ta aj e sa' xk'ab'a' li Qaawa'.

Apocalipsis 19:9

Chirix chik a'an li ánjel kixye we: “Tz'iib'a: «Us xaq reheb' li b'oqb'ileb' chi wa'ak sa' xninq'ehinkil xsumlajik li Karneer»”. Kixye ajwi' we: “Chixjunil a'in a'an raatin li Yos ut tz'aqal yaal”.

Apocalipsis 21:5

Toja' naq li k'ojk'o sa' xb'een li nimajwal k'ojarib'aal kixye: “K'e reetal, laa'in tin'ak'ob'resi chixjunil”. Kixye ajwi': “Tz'iib'a, xb'aan naq eb' li aatin a'in tz'aqal yaal ut paab'ajel”.

Apocalipsis 6:11

Toja' naq kik'ehe'k jun li saqi aq' re li junjunq ut kiyeemank reheb' naq che'oyb'eninq wan chik kach'inaq toj taatz'aqloq li xk'ihaleb' li rech aj k'anjelil jo'wi' li xk'ihaleb' li riitz'in li tento te'kamsiiq jo'eb' a'an.

2 Corintios 5:8

ab'an kaw li qach'ool ut naqaj raj xkanab'ankil li junxaqalil a'in re naq wanqo rik'in li Qaawa'.

Apocalipsis 16:17

Li xwuq li ánjel kixhoy li xsek' sa' iq', ut ki'elk chaq jun xyaab' kuxej sa' rochoch li Yos, wan wi' li k'ojarib'aal, ut kixye chi kaw: “Yaalo'jenaq chik a'an!”.

Isaías 35:10

Eb' li kolb'ileb' xb'aan li Qaawa' te'sutq'iiq chaq, te'ok Sión yooqeb' chi b'ichank, ut chi xnaq' ruheb' taak'utunq li xsahilaleb' xch'ool chi junelik. Nimla sahilal taa'ochb'eeninq reheb' ut maak'a'aq chik li yaab'ak ut li rahil ch'oolej sa' xyanqeb'.

Salmos 19:11

q'axal atawanb'ileb' ru chiru li oor, chiru li oor q'axal chaab'il; jwal ki'eb' chik chiru li xya'al kab', chiru li na'elk chaq sa' rochoch li kab'.

Salmos 85:13

A' ajwi' li Qaawa' taak'ehoq qasahilal; k'ajo' naq taa'uuchinq li qach'och'!

1 Ts 4:14

Ma ink'a' tab'i' naqapaab' naq li Jesus kikamk ut kiwakliik wi' chik chi yo'yo? Jo'kan naq li Yos tixk'ameb' rik'in li Jesus eb' li xe'kamk sa' xk'ab'a' A'an.

1 Corintios 15:18

Ut eb' li xtzolom li Kriist li xe'xk'uula rib', sachenaqeb' aj raj wi'.

Romanos 14:8

Wi yo'yooko, re li Qaawa' naq yo'yooko; ut wi tookamq, re li Qaawa' naq tookamq. Jo'kan naq sa' qayu'am sa' qakamik reho li Qaawa'.

San Lucas 16:9

“Ut laa'in ninye eere: Chesik'aq eeramiiw rik'in li maa'us aj tumin re naq, jo'q'e toxmajelo'q cheru, texk'ule'q xb'aaneb' a'an sa'eb' li muheb'aal li maajaruj te'lajq te'oso'q.

San Mateo 3:17

Ut ki'ab'iik jun xyaab' kuxej kichalk chaq sa' choxa, kixye: “A'an a'in li walal raaro inb'aan; rik'in a'in nasaho'k inch'ool”.

Apocalipsis 11:19

Ut kiteeliik li rochoch li Yos sa' choxa, kik'utunk li xLoq'laj Kaaxil li Sumwank sa' rochoch li Yos ut kilaje'wank raq'kaaq, xyaab' kuxej, kaaq, hiik ut makach'in li saqb'ach.

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

Apocalipsis 10:4

Naq kiraqe'k xyaab' eb' li wuqub' chi kaaq, kin'ok raj chi tz'iib'ak, ab'an kiwab'i jun xyaab' kuxej sa' choxa yo chi xyeeb'al: “Tz'ap rik'in tz'apleb' li b'arwan xe'xye li wuqub' chi kaaq ut maatz'iib'a a'an”.

Apocalipsis 2:1

“Tz'iib'an rik'in li x'ánjel li Iklees li wank Éfeso: «A'in naxye li wank li wuqub' chi chahim sa' xnim uq', li nab'eek sa' xyi li wuqub' chi xna'aj kanteel ooro.

Filipenses 2:17

Us ta taa'isiiq linkik'el ut taahoye'q sa' xb'een leeloq'laj yeechi'om b'arwi' nekemayeja leepaab'aal, maak'a' naxye, taasaho'q raj sa' inch'ool ut tintz'aqonq raj sa' xsahil leeraanm.

San Lucas 16:25

“Ut laj Abrahán kixye re: «At walal, chijultiko'q aawe naq sa xatwank chaq chiru laayu'am, ut laj Lázaro ra xk'ul chaq. Anaqwan nak'ojob'aak xch'ool arin ut laa'at q'axal ra wankat.

Apocalipsis 1:11

“Tz'iib'a sa' hu li yookat chi rilb'al, ut taqla rik'ineb' li wuqub' chi Iklees: aran Éfeso, Esmirna, Pérgamo, Tiatira, Sardes, Filadelfia ut Laodicea”.

Daniel 12:13

Ut laa'at ayu chi hilank toj sa' xkutankil laakamik. Tatwakliiq chaq sa' roso'jikeb' li kutan re xk'ulb'al laaq'ajkamunkil»”.

1 Corintios 15:20

Ab'anan ink'a'! Li Kriist kiwakliik chi yo'yo sa' xyanqeb' li kamenaq jo' xb'een mayej sa' xyanqeb' li xe'xk'uula rib'.

1 Timoteo 5:24

Wankeb' winq ak k'utk'u li xmaakeb', us ta toj maji' naraqmank aatin chirixeb'; ab'an wankeb' ajwi' li toj moqon chik toxk'utunq k'aru li xmaakeb'.

1 Timoteo 5:25

Jo'kan ajwi' eb' li chaab'il b'aanuhom k'utk'uukeb' chiruheb' chixjunil; ut eb' li moko k'utk'uukeb' ta, moko te'kanaaq ta junelik chi muqmu.

Apocalipsis 2:7

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka ru li che' nak'ehok yu'am, li wank sa' li xsantil na'aj li Yos».

Apocalipsis 22:17

Li Musiq'ej ut li Ixaqilb'ej neke'xye: “Chalqat!”. Li taa'ab'inq re, chixyehaq: “Chalqat!”. Ut li taachaqiq re, chalqaq; li taa'ajoq re, chixk'ulaq chi maatan li ha' nak'ehok yu'am.