Apocalipsis 13:8 - Q'eqchi Bible

⁸ Ut chixjunileb' li wankatqeb' sa' ruuchich'och' ke'xloq'oni ru, eb' li ink'a' tz'iib'anb'ileb' xk'ab'a' sa' xhuhil li yu'am, chalen chaq sa' xk'ojlajik li ruuchich'och'. Li hu a'in wank rik'in li Karneer kikamsiik.

Li Santil hu

⁸ Ut chixjunileb li cuanqueb saꞌ ruchichꞌochꞌ teꞌxlokꞌoni ru li joskꞌ aj xul aꞌan. Teꞌxlokꞌoni li xul chixjunileb li incꞌaꞌ tzꞌi̱banbileb xcꞌabaꞌ saꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic, li cuan riqꞌuin li Jun li chanchan carner, li ac xakabanbil chak re camsi̱c saꞌ xticlajic li ruchichꞌochꞌ.

Apocalipsis 13:8 ပူးပေါင်းရင်းမြစ်များ

Efesios 1:4

Xb'aan naq xsik'om chaq qu sa' xk'ab'a' li Kriist rub'elaj xk'ojlajik li ruuchich'och', re naq santaqo ut maak'a'aq qaq'usb'al chiru. Rik'in xnimal qaraab'al

San Mateo 25:34

“Toja' naq li Rey tixye reheb' li wanqeb' sa' xnim uq': «Kimqex laa'ex, osob'tesinb'ilex xb'aan linYuwa'! Eechanihomaq li nimajwal wankilal kawresinb'il cho'q eere chalen chaq sa' xk'ojlajik li ruuchich'och'.

Apocalipsis 17:8

“Li josq' aj xul xawil, a'an li kiwank ut maak'a' chik anaqwan; taataqe'q chaq sa' li Siwan, ab'an taaxik sa' li sachleb'aal. Eb' li wankeb' sa' ruuchich'och', eb' li ink'a' tz'iib'anb'ileb' xk'ab'a' sa' li xhuhil li yu'am chalen chaq sa' xk'ojlajik li ruuchich'och', te'sachq xch'ool chi rilb'al naq li josq' aj xul kiwank ut maak'a' chik anaqwan, ab'an taak'ulunq wi' chik.

Apocalipsis 3:5

Li ani taaq'axoq u, jo'kanaq xsaqal li raq' taatiqib'aaq wi', ut ink'a' tinsach li xk'ab'a' sa' xhuhil li yu'am, tinye b'an naq ninnaw ru, chiru linYuwa' ut chiruheb' li x'ánjel.

Tito 1:2

li nawank sa' xk'ab'a' li loq'laj royb'eninkil li junelik yu'am. Li Yos ink'a' natik'ti'ik, kixyeechi'i chaq li yu'am a'an najter q'e kutan,

Apocalipsis 21:27

Maak'a' k'aru muxb'il taa'ok chisa', chi moko eb' li neke'b'aanunk re li tz'i'b'eetalil na'leb' malaj eb' laj tik'ti', ka'ajeb' b'an wi' li tz'iib'anb'il xk'ab'a'eb' sa' li xhuhil li yu'am re li Karneer.

Apocalipsis 5:12

yookeb' chi xyeeb'al chi kaw xyaab'eb' xkux: “Li Karneer kikamsiik, a'an xk'ulub' xk'ulb'al xwankil, xb'ihomal, xna'leb', xkawilal, xnimal xloq'al ut loq'onink, jo' ajwi' naq taaterq'usiiq xk'ab'a'”.

San Juan 1:29

Sa' li kutan jun chik laj Jwan kiril li Jesus yo chi chalk rik'in, ut kixye: “Wahe' li xKarneer li Yos li naxkuy xmaak li ruuchich'och'.

Daniel 12:1

«Sa'eb' li kutan a'an taachalq laj Miguel, li xnimal ru ánjel li nakolok re laatenamit. Q'axal rahaq rilb'aleb' li kutan a'an, jo' maajun wa kik'ulmank chalen chaq sa' xtiklajikeb' li tenamit toj anaqwan. Toja' naq taakole'q laatenamit, jo'k'ihaleb' li tz'iib'anb'ileb' xk'ab'a' sa' li xHuhul li yu'am.

San Lucas 10:20

Ab'anan misaho'k sa' eech'ool rik'in naq eb' li maa'us aj musiq'ej neke'paab'ank cheru; chexsaho'q b'an rik'in naq tz'iib'anb'il leek'ab'a' sa' choxa.

Filipenses 4:3

Jo'kan ajwi' nintz'aama chawu, a Sísigo, tz'aqal “wech aj k'anjelilat”, naq chatenq'aheb' li ixq a'an, xb'aan naq kaw xe'k'anjelak wochb'eeneb' chirix li Chaab'il Esilal. A'an ajwi' xb'aanu laj Klemente ut eb' li junch'ol chik aj tenq' we, li ak wankeb' xk'ab'a' sa' xhuhil li yu'am.

Éxodo 32:32

Ab'anan, us raj taakuyeb' xmaak. Wi ut ink'a', sach ink'ab'a' sa' li hu tz'iib'anb'il aab'aan”.

Isaías 4:3

“Santil tenamit” te'xk'ab'a'in li te'kole'q aran Sión, jo'k'ihaleb' li ink'a' ke'sache'k ru sa' li tenamit Jerusalén ut tz'iib'anb'il xk'ab'a'eb' sa' xyanqeb' li yo'yookeb'.

Apocalipsis 3:20

«K'e reetal, wankin arin ut yookin chi toch'ok re li kab'l: wi ani taa'ab'inq re xyaab' linkux ut tixte li okeb'aal, tin'ok ut tintzekanq rik'in ut a'an wik'in.

Apocalipsis 3:10

Laa'at xak'uula sa' aach'ool li waatin xinye chirix li kuyuk, jo'kan naq laa'in ajwi' tatinkol sa' xhonalil li yale'k chalk re junsut junrub'el choxa re xyalb'aleb' rix li wankeb' sa' ruuchich'och'.

Apocalipsis 12:15

Toja' naq li k'anti' kixxa'wa sa' re kama' jun nima', chirix li ixq, re naq taakelooq raj xb'aan li nima'.

Génesis 22:7

Toja' naq laj Isahak kixye re laj Abrahán li xyuwa': “Wa'!”. Kichaq'ok a'an ut kixye: “K'aru, at walal?”. “Waye' li xam ut li si', ab'anan b'ar wank li karneer re li mayej?”, chan laj Isahak.

Salmos 69:28

Chatiq xkomon li xmaa'usilaleb' rik'in maa'usilal; ink'a' ta chik che'tz'aqonq sa' laakuyum.

Apocalipsis 5:13

Ut chixjunileb' li yoob'tesinb'ileb' xb'aan li Yos sa' choxa, sa' ruuchich'och', rub'el li ch'och' ut sa' li palaw, jo'wi' chixjunil li wankatqeb' chisa', kiwab'i naq ke'chaq'ok: “A' li k'ojk'o sa' li nimajwal k'ojarib'aal jo' ajwi' li Karneer, chiwanq taxaq xnimal xloq'al, xkawilal ut chiterq'usiiq xk'ab'a' chi junelik q'e kutan”, chankeb'.

Apocalipsis 6:1

Naq li Karneer kixte jun reheb' li wuqub' chi tz'apleb', kiwil ut kiwab'i li xb'een reheb' li kaahib' chi yo'yookeb', jo' xyaab' li kaaq naq kixye: “Kim”.

Apocalipsis 13:12

Wank rik'in chixjunil li xwankil li xb'een xul naq yo chi k'anjelak chiru, ut naxb'aanu naq chixjunileb' li wankatqeb' sa' ruuchich'och' te'xloq'oni li xb'een xul, a' li kik'iraak li xyok'olal li kikamk raj wi'.