Apocalipsis 13:3 - Q'eqchi Bible

³ Kiwil ajwi' naq jun reheb' li xjolom wank xyok'olal ut kamk raj xb'aan; ab'an li xnimal xtiq'ilal kik'iraak. Toja' naq chixjunil li ruuchich'och' ke'sachk xch'ool, ke'ok chi xtaaqenkil li josq' aj xul

Li Santil hu

³ Ut quicuil nak jun reheb lix jolom li joskꞌ aj xul yocꞌol ut chanchan ca̱mc re. Abanan quiqꞌuira. Sachso xchꞌo̱leb li tenamit queꞌcana chirilbal nak quiqꞌuira. Ut queꞌxta̱ke li joskꞌ aj xul.

Apocalipsis 13:3 ပူးပေါင်းရင်းမြစ်များ

Apocalipsis 17:8

“Li josq' aj xul xawil, a'an li kiwank ut maak'a' chik anaqwan; taataqe'q chaq sa' li Siwan, ab'an taaxik sa' li sachleb'aal. Eb' li wankeb' sa' ruuchich'och', eb' li ink'a' tz'iib'anb'ileb' xk'ab'a' sa' li xhuhil li yu'am chalen chaq sa' xk'ojlajik li ruuchich'och', te'sachq xch'ool chi rilb'al naq li josq' aj xul kiwank ut maak'a' chik anaqwan, ab'an taak'ulunq wi' chik.

Apocalipsis 13:14

ut naxb'alaq'iheb' li wankeb' sa' ruuchich'och' rik'ineb' li eetalil k'eeb'ileb' re xb'aanunkil chiru li josq' aj xul, rik'in xyeeb'al reheb' li wankeb' sa' ruuchich'och' naq te'xyiib' jun xjalam u li josq' aj xul, a' li tiq'b'il chi ch'iich' ut moko kikamk ta.

Apocalipsis 17:17

Xb'aan naq li Yos xk'ehok sa' xch'ooleb' xb'aanunkil li naraj. Jo'kan naq junajaqeb' li xk'a'uxl chi xq'axtesinkil li xwankilaleb' re li josq' aj xul, toj toxtz'aqloq ru li xyehom li Yos.

Apocalipsis 17:10

oob' ak t'anjenaqeb', li jun wank anaqwan ut li jun chik maji' nak'ulunk. Ut naq tol'elq, ink'a' najt taawanq.

Ezequiel 30:24

A' chik li awab'ej re Babilonia tink'e xkawub' xch'ool, ut sa' ruq' a'an tink'e linch'iich'. Tintoqiheb' li ruq' laj Parahón, ut k'ajo' naq taayaab'aq chiru laj Nabukodonosor.

Apocalipsis 17:13

Eb' a'in wankeb' sa' aatin chi xq'axtesinkil sa' ruq' li josq' aj xul li xkawilaleb' ut li xwankilaleb'.

Apocalipsis 13:12

Wank rik'in chixjunil li xwankil li xb'een xul naq yo chi k'anjelak chiru, ut naxb'aanu naq chixjunileb' li wankatqeb' sa' ruuchich'och' te'xloq'oni li xb'een xul, a' li kik'iraak li xyok'olal li kikamk raj wi'.

Hechos 8:13

A' ajwi' laj Simón ki'ok chi paab'ank ut kikub'siik xha'; junelik narochb'eeni laj Felipe, sachso xch'ool chi rilb'al li xninqal ru eetalil ut li sachb'ach'oolej naxb'aanu.

San Lucas 2:1

Sa'eb' li kutan a'an ki'elk jun xchaq'rab' laj César Augusto naq chixjunileb' li wankeb' sa' ruuchich'och' te'xk'e chi tz'iib'aak li xk'ab'a'eb'.

Apocalipsis 17:6

Toja' naq kiwil li ixq yo xkalajik xb'aan xkik'eleb' li sant ut li xkik'eleb' li ke'kamk sa' xk'ab'a' li Jesus; ut k'ajo' naq kisachk linch'ool chi rilb'al.

San Juan 12:19

Toja' naq eb' laj Pariseey ke'xye chirib'ileb' rib': —Ma nekek'e reetal naq maak'a' nekera? Ilomaq, chixjunileb' xkoheb' chirix.

Apocalipsis 17:11

Ut li josq' aj xul li kiwank ut moko wank ta chik, a'an li xwaqxaq awab'ej, ab'anan a'an ajwi' jun reheb' li wuqub', ut yo chi xik b'arwi' taasache'q ru chi junajwa.