Apocalipsis 13:16 - Q'eqchi Bible

¹⁶ Ut chixjunileb', jo' kok' jo' ninq, b'ihom ut neb'a', aj loq'b'il k'anjel ut ach'ab'anb'ileb', naxk'e chi k'ehe'k reetalileb' sa'eb' li xnim uq' malaj chi xpeekemeb',

Li Santil hu

¹⁶ Quixpuersi ruheb chixjunileb re nak teꞌxcꞌul li retalileb saꞌ lix nim ukꞌ malaj saꞌ xpe̱quemeb. Queꞌqꞌueheꞌ retalileb chixjunileb li cuanqueb xcuanquil joꞌ ajcuiꞌ li ma̱cꞌaꞌeb xcuanquil, eb li biom joꞌ eb ajcuiꞌ li nebaꞌ, eb li lokꞌbil mo̱s joꞌ ajcuiꞌ li ma̱cꞌaꞌeb xpatrón.

Apocalipsis 13:16 ပူးပေါင်းရင်းမြစ်များ

Apocalipsis 20:4

Moqon kiwileb' li k'ojarib'aal, b'arwi' ke'k'ojlaak eb' li ke'k'ehe'k xwankil chi raqok aatin. Kiwil li raanmeb' li ke'ch'ote'k xjolom sa' xk'ab'a' Raatin li Yos jo'wi' xb'aan naq ke'xch'olob' resil li Jesus, ut kiwil chixjunileb' li ink'a' ke'xloq'oni li josq' aj xul chi moko li xjalam u: eb' li ink'a' xk'ulumeb' li reetalil chi xpeekemeb' malaj chi ruq'eb'. Eb' a'in ke'wakliik wi' chik chi yo'yo ut ke'awab'ejink rochb'een li Kriist chiru jun mil chihab'.

Apocalipsis 19:20

Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr.

Apocalipsis 7:3

“Meerahob'tesi li ruuchich'och' chi moko li palaw malaj eb' li che', toj qak'ehaqeb' wan reetalileb' rik'in kaaxt chi xpeekemeb' laj k'anjel chiru li qaYos”, chan.

Ezequiel 9:4

ut kixye re: “B'eeni li tenamit Jerusalén ut k'e reetalileb' chi xpeekem eb' li yookeb' chi yaab'ak ut tz'uyink xb'aan li k'iila maa'usilal na'uxmank aran”.

Apocalipsis 19:18

re naq teetiw xtib'eleb' li awab'ej, xtib'eleb' li xjolomileb' laj puub' ut eb' li kaweb' rib', li xtib'eleb' li kawaay ut li k'ojk'ookeb' sa' xb'eeneb', xtib'eleb' chixjunileb' li winq jo' li wankeb' chi ach'ab'anb'il jo'eb' laj loq'b'il k'anjel, jo' kok' jo' ninq”.

Deuteronomio 6:8

Taab'ak'eb' chawuq' jo' junaq eetalil ut letz chapeekem re naq jultikaq aawe.

Deuteronomio 11:18

“K'ehomaqeb' li aatin a'in sa' leech'ool, sa' leeraanm; b'ak'omaq cheruq' ut jo'kaqeb' junaq eetalil chepeekem.

Éxodo 13:9

Ut a'an taak'anjelaq aawe cho'q reetalil sa' laawuq', jo' jun inpatz'b'al chawu, re naq li xchaq'rab' li Qaawa' chiwanq sa' laawe, xb'aan naq rik'in xkawilal li ruq' katrisi chaq li Qaawa' aran Ejiipt.

Apocalipsis 19:5

Ut ki'elk jun xyaab' kuxej sa' li nimajwal k'ojarib'aal, kixye: “Chenima ru li qaYos chejunilex laj k'anjel chiru, jo'k'ihal li nekexpaab'ank re, jo' kok' jo' ninq”.

Apocalipsis 20:12

Kiwileb' li kamenaq, jo' kok' jo' ninq, xaqxookeb' chiru li nimajwal k'ojarib'aal. Ut ke'teemank eb' li hu, jo' ajwi' jun chik li hu, a' li xhuhil li yu'am. Kiraqmank aatin sa' xb'eeneb' jo' chanru tz'iib'anb'il sa'eb' li hu, a' yaal chanru li xb'aanuhomeb'.

Apocalipsis 6:15

Toja' naq eb' li awab'ej re li ruuchich'och', li ninqeb' xwankil, eb' li xjolomileb' laj puub', eb' li b'ihom, eb' li kaweb' rib' ut chixjunileb' laj loq'b'il k'anjel ut li wankeb' chi ach'ab'anb'il, koxe'xmuqatq rib' sa'eb' li ochoch pek ut sa'atqeb' li saqoonak sa'eb' li tzuul;

Hechos 26:22

Ab'anan li Yos xinxtenq'a, ut chalen toj sa' li kutan a'in yookin chi xch'olob'ankil li yaal chiruheb' li kok' ut chiruheb' li ninq. Li yookin chi xyeeb'al, a'an ajwi' li ak yeeb'il chaq xb'aaneb' li propeet ut laj Moisés, chirix li k'aru tento taak'ulmanq:

Salmos 115:13

trosob'tesi eb' li neke'paab'ank re li Qaawa', trosob'tesi chixjunileb', jo' kok' jo' ninq.

Li xHu LAJ JOB 34:19

A'an juntaq'eet naril chixjunileb': jo' eb' li ninqeb' xwankil ut eb' li b'ihom, jo'kan ajwi' eb' li neb'a'. Xb'aan naq A'an kiyoob'tesink reheb' chixjunileb'.

Apocalipsis 15:2

Kiwil ajwi' jo' jun li palaw nalemtz'unk ru, yuub'il rik'in xam; ut eb' li ke'xq'ax ru li josq' aj xul jo' ajwi' li ink'a' ke'xk'e xwankil li xjalam u ut li rajlil li xk'ab'a', xaqxookeb' chire li palaw nalemtz'unk ru, wankeb' li aarp k'eeb'il xb'aan li Yos sa' ruq'eb'

Apocalipsis 11:18

Xe'josq'o'k eb' li tenamit, ab'an xchalk laajosq'il ut xtaw xq'ehil xraqb'al aatin sa' xb'eeneb' li kamenaq, jo'wi' xq'ajkamunkileb' laj k'anjel chawu, a'eb' li propeet, eb' li sant ut eb' li neke'paab'ank chawu jo' kok' jo' ninq. Xtaw xq'ehil xsachb'aleb' ajwi' li neke'sachok re li ruuchich'och'”.

Colosenses 3:11

Arin maak'a' chik aj griego ut aj Judiiy, maak'a' chik li xk'ulum li sirkunsisyon ut li ink'a', maak'a' chik li jalan xtenamit, li ch'ol winq, laj loq'b'il k'anjel ut li ach'ab'anb'il, a' b'an li Kriist a'an chixjunil ut wank sa' chixjunileb'.

Efesios 6:8

nekenaw chi us naq li junjunq, us ta wank laj eechal re us ta maak'a', toxk'ul xq'ajkamunkil xb'aan li Qaawa' wi chaab'il k'anjel xb'aanu.

Gálatas 6:17

Ut chalen anaqwan maa'ani chik chich'i'ch'i'inq we, xb'aan naq wankeb' sa' linjunxaqalil li reetalil li Jesus.

Gálatas 3:28

Maak'a' chik aj judiiy chi moko aj griego; maak'a' chik aj loq'b'il k'anjel chi moko aj ach'ab'anb'il k'anjel; maak'a' chik winq chi moko ixq, xb'aan naq chejunilex laa'ex junex aj chik rik'in li Kristo Jesus.

1 Corintios 12:13

Xb'aan naq kub'sinb'il qaha' rik'in jun chi Musiq'ej re xk'uub'ankil ru jun chi tz'ejwalej chiqajunilo laa'o, us ta aj judiiy malaj aj griego, eb' li loq'b'il moos ut eb' li ach'ab'anb'ileb'. Ut chiqajunilo xoo'uk'ak rik'in jun chi Musiq'ej.

Salmos 49:2

Chejunilex laa'ex li tenamit, ab'ihomaq a'in; chex'ab'inq laa'ex li wankex junsut junrub'el choxa,

2 Crónicas 15:13

Ke'xye ajwi' naq chixjunileb' li ink'a' te'xpaab' li Qaawa', xYos laj Israel, te'kamsiiq, jo' kok' ut ninq, jo' winq ut ixq.

2 Timoteo 3:8

Jo' naq laj Jannés ut laj Jambrés ke'raj raj numtaak sa' xb'een laj Moisés, jo'kaneb' ajwi' a'an ink'a' neke'xk'ulub'an li yaal, q'aajenaqeb' li xk'a'uxl, ut li xpaab'aaleb' maak'a' na'ok wi'.

Zacarías 13:6

Ut wi ani taapatz'oq re: «B'ar xatiq' xsa' laawuq'?», a'an tixye: «Sa' rochoch li wamiiw xe'xb'aanu we»”.