Apocalipsis 13:10 - Q'eqchi Bible

¹⁰ “Ani tento taaxik sa' tz'alam, sa' tz'alam taaxik; ani tento taakamsiiq rik'in ch'iich', rik'in ch'iich' taakamsiiq”. Jo'ka'in neke'kuyuk ut neke'paab'ank eb' li sant.

Li Santil hu

¹⁰ Li ani tento ta̱xic chi pre̱xil, xicak chi pre̱xil. Ut li ani tento ta̱camsi̱k riqꞌuin chꞌi̱chꞌ, chicamsi̱k riqꞌuin chꞌi̱chꞌ. Joꞌcan nak cauhakeb taxak xchꞌo̱leb li ralal xcꞌajol li Dios. Teꞌxcuy taxak xnumsinquil li raylal ut incꞌaꞌ ta chichꞌina̱nk xchꞌo̱leb.

Apocalipsis 13:10 ပူးပေါင်းရင်းမြစ်များ

Jeremías 15:2

Ut wi te'xpatz' aawe: «B'ar tooxik?», taaye reheb': «Li Qaawa' xye chi jo'ka'in: Li teneb'anb'ileb' kamk sa' xb'eeneb' xb'aan li yajel, li yajel taakamsinq reheb'; li teneb'anb'ileb' kamk sa' xb'eeneb' xb'aan li yalok, sa' li yalok te'kamq; eb' li tento te'kamq xb'aan li we'ej, a' li we'ej taakamsinq reheb'; eb' li tento te'isiiq sa' li xna'ajeb', te'k'ame'q sa' jalanil tenamit».

Apocalipsis 14:12

Arin na'ajmank ru li xkuyumeb' li sant, a'aneb' li neke'xk'e xch'ool chirix li xchaq'rab' li Yos ut chi xpaab'aankil li Jesus.

Apocalipsis 3:10

Laa'at xak'uula sa' aach'ool li waatin xinye chirix li kuyuk, jo'kan naq laa'in ajwi' tatinkol sa' xhonalil li yale'k chalk re junsut junrub'el choxa re xyalb'aleb' rix li wankeb' sa' ruuchich'och'.

San Lucas 21:19

Rik'in xkawub' eech'ool teekol leeyu'am.

Isaías 33:1

Rahilal chaalel sa' aab'een, at aj rahob'tesinel toj maji' rahob'tesinb'ilat; aj elq'at chi toj maak'a' na'elq'aak aawe! Naq tatraqe'q chi rahob'tesink ut chi elq'ak, tatrahob'tesiiq ajwi' laa'at ut taa'elq'aaq li k'aru aawe.

Hebreos 6:12

re naq ink'a' chiq'olo'q eerix, chek'am b'an eere rik'ineb' li yookeb' reechaninkil li xyeechi'om li Yos rik'in li xpaab'aaleb' jo'wi' rik'in li xnimal xkuyumeb'.

Apocalipsis 2:2

Ninnaw laab'aanuhom, laakawil k'anjel ut li xnimal aakuyum; ninnaw ajwi' naq ink'a' nakakuyeb' li ink'a' useb' xch'ool. Xayaleb' rix li neke'xye rib' naq a'aneb' apóstol ut maawa'eb', ut xataw ru naq aj tik'ti'eb'.

San Mateo 26:52

Toja' naq kiyehe'k re xb'aan li Jesus: —K'e wi' chik laach'iich' sa' xna'aj, xb'aan naq chixjunileb' li te'xchap xch'iich', chi ch'iich' ajwi' te'oso'q.

Jeremías 43:11

Taachalq ut tolxjuk' Ejiipt. Eb' li ak teneb'anb'il kamk sa' xb'eeneb', te'kamsiiq; eb' li tento te'isiiq sa' li xna'ajeb', te'isiiq; ut eb' li ak teneb'anb'il naq te'kamq sa' li raaxiik', sa' li raaxiik' te'kamq.

Apocalipsis 16:6

xb'aan naq eb' a'an xe'xhoy xkik'eleb' li sant jo'wi' li xkik'eleb' li propeet, ut laa'at xak'e li kik' chi ruk'eb': jo'kan naq xe'xk'ul tz'aqal xq'ajkamunkileb'”.

Apocalipsis 1:9

Laa'in laj Jwan, leeras eeriitz'in ut leerochb'een sa' li raaxiik', sa' li xnimajwal awab'ejihom li Yos ut sa' li kuyuk sa' xk'ab'a' li Jesus, wankin chaq sa' jun li na'ajej sutsu xb'aan li palaw, Patmos xk'ab'a', sa' xk'ab'a' li raatin li Yos ut sa' xk'ab'a' xch'olob'ankil resil li Jesus.

Habacuc 2:3

Toj maji' nawulak xq'ehil naq li moy u a'in taatz'aqloq ru, ab'an ak xaqxo xkutankil naq taak'ulmanq. Us ta taab'ayq kach'inaq, oyb'eni laa'at xb'aan naq relik chi yaal naq taatz'aqloq ru chixjunil.

Lamentaciones 3:26

Q'axal us royb'eninkil naq li Yos tooxtenq'a, chi k'ojk'ooq li qach'ool rik'in.

Apocalipsis 3:3

Chinaq b'i' sa' aach'ool chanru xak'ul ut xawab'i li waatin. K'e aach'ool chirix ut chajal aak'a'uxl, xb'aan naq, wi ink'a' yooqat chi yo'lek, tolin'elq kama' junaq aj elq', chi ink'a' taanaw jo'q'e honal tinchalq sa' aab'een.

Apocalipsis 2:19

Ninnaw laab'aanuhom, laarahom, laapaab'aal, laak'anjel ut laakuyum. Ninnaw ajwi' naq li xab'aanu sa' roso'jik q'axal chaab'il chik chiru li xab'aanu xb'enwa.

Colosenses 1:11

Chikawub'resiiq chi tz'aqal leech'ool xb'aan li xwankil li xloq'al li Yos, re naq teekuy chixjunil li ch'a'ajkilal chi ink'a' taach'inanq leech'ool;

Isaías 14:2

Naab'aleb' li tenamit te'ochb'eeninq reheb' re sutq'iik sa' li xna'ajeb', ut eb' laj Israel te'xchap eb' a'an cho'q aj k'anjel chiruheb' sa' li na'ajej k'eeb'il reheb' xb'aan li Qaawa'. Eb' li ke'numtaak sa' xb'eeneb' laj Israel junxil, a'aneb' chik li te'chape'q ut te'wanq rub'el xwankileb'.

San Mateo 7:2

Xb'aan naq jo' chanru nekexraqok aatin laa'ex, jo'kan ajwi' naq taaraqmanq aatin sa' eeb'een; ut rik'in li b'isleb' nekexb'isok wi', texb'ise'q ajwi' laa'ex.

Isaías 26:21

Xb'aan naq elk re li Qaawa' sa' li xmuheb'aal re eeqajunk chirix li maa'usilal li xe'xb'aanu chixjunileb' li poyanam sa' ruuchich'och'; li ch'och' taarisi chaq chi kutankil li xkik'eleb' li xe'kamsiik, ut ink'a' chik tixmuq li kamsink xb'aanuhatq.

Apocalipsis 11:18

Xe'josq'o'k eb' li tenamit, ab'an xchalk laajosq'il ut xtaw xq'ehil xraqb'al aatin sa' xb'eeneb' li kamenaq, jo'wi' xq'ajkamunkileb' laj k'anjel chawu, a'eb' li propeet, eb' li sant ut eb' li neke'paab'ank chawu jo' kok' jo' ninq. Xtaw xq'ehil xsachb'aleb' ajwi' li neke'sachok re li ruuchich'och'”.

Apocalipsis 17:8

“Li josq' aj xul xawil, a'an li kiwank ut maak'a' chik anaqwan; taataqe'q chaq sa' li Siwan, ab'an taaxik sa' li sachleb'aal. Eb' li wankeb' sa' ruuchich'och', eb' li ink'a' tz'iib'anb'ileb' xk'ab'a' sa' li xhuhil li yu'am chalen chaq sa' xk'ojlajik li ruuchich'och', te'sachq xch'ool chi rilb'al naq li josq' aj xul kiwank ut maak'a' chik anaqwan, ab'an taak'ulunq wi' chik.

Apocalipsis 17:11

Ut li josq' aj xul li kiwank ut moko wank ta chik, a'an li xwaqxaq awab'ej, ab'anan a'an ajwi' jun reheb' li wuqub', ut yo chi xik b'arwi' taasache'q ru chi junajwa.