Apocalipsis 12:2 - Q'eqchi Bible

² Ut a'an wank sa' yu'am, japjo re xb'aan xrahilal li ilok kutan ut q'axal ra wank xb'aan li alank.

Li Santil hu

² Li ixk aꞌan yaj aj ixk. Ac oc re chi qꞌuira̱c. Yo̱ chixjapbal re xban lix raylal.

Apocalipsis 12:2 ပူးပေါင်းရင်းမြစ်များ

Apocalipsis 12:4

Li xye yo chaq chi xkelonkil li rox jachal xk'ihal li chahim sa' choxa, ut kixkuteb' sa' ruuchich'och'. Toja' naq li nimla k'anti' kixaqliik chiru li ixq ok re chi alank, re naq, jo'q'e taayo'laaq li xk'uula'al, tixnuq' raj.

Gálatas 4:19

Ex walal ink'ajol, eeb'aan laa'ex wankin wi' chik sa' xrahil li alank toj reetal naq li Kriist taatz'ejwalo'q eerik'in.

San Juan 16:21

Li ixq naq ok re chi alank, ra sa' xch'ool xb'aan naq xwulak xhonalil; ab'anan naq ak xwank li xk'uula'al, ink'a' chik najultiko'k re li xnimal xrahilal xb'aan xsahojik sa' xch'ool naq xyo'laak jun li winq sa' ruuchich'och'.

Gálatas 4:27

xb'aan naq naxye li Santil Hu: “Chisaho'q sa' aach'ool, at ixq li ink'a' nakat-alank, li maak'a'eb' aawalal aak'ajol. Jap aawe xb'aan xnimal xsahil aach'ool laa'at li ink'a' nakanaw xrahil alank, xb'aan naq q'axal wi' chik naab'aleb' li ralal xk'ajol li kanab'anb'il ixq chiru li wank xb'eelom”.

Miqueas 5:3

Jo'kan naq li Yos tixkanab' xjunes li xtenamit toj reetal taa'alanq li ixq li wank sa' yu'am. Toja' naq eb' laj Israel li ke'k'ame'k sa' ab'l tenamit, te'sutq'iiq wi' chik sa' xyanqeb' li rech tenamitul.

Isaías 53:11

Sa' xk'ab'a' li k'iila rahilal kixk'ul taaril li saqenk ut taak'ojlaaq li xch'ool. Rik'in li xnawom, laj K'anjel chiwu naab'aleb' tixtiikob'resiheb' xch'ool, xb'aan naq xriiqani li xmaakeb' a'an.

Isaías 54:1

Jap aawe xb'aan xsahil aach'ool, at ma'al ixq li maajuneb' laawalal aak'ajol. B'ichan chi sa sa' laach'ool, laa'at li maajun sut xat-alank, xb'aan naq li Qaawa' kixye chi jo'ka'in: “Q'axal wi' chik naab'aleb' li ralal xk'ajol li kanab'anb'il ixq chiru li wank xb'eelom”.

Isaías 26:17

Jo' naq li ixq wank sa' yu'am ut xwulak xhonalil li alank, japjo re xb'aan li rahilal, jo'kan ajwi' naq xoowank chawu, at Qaawa'.

Isaías 66:6

Yo li choqink sa' li tenamit, na'ab'imank xyaab' kuxej sa' rochoch li Yos: a'an li xyaab' xkux li Qaawa' li yo chi xq'ajkamunkileb' li xik' neke'ilok re.

Miqueas 4:9

Ut anaqwan, k'a'ut naq japjo aawe, jo'kat li ixq yo chi alank? Ma yal xb'aan naq maak'a' li awab'ej, malaj xb'aan naq xe'kamk eb' laj k'ehol aana'leb'?

San Mateo 24:8

Chixjunil a'in a'anaq li xtiklajik li nimla rahilal.