Apocalipsis 11:8 - Q'eqchi Bible

⁸ Ut li xch'och'el sululeb' a'an te'kanaaq sa'eb' li xaalib'e re li xNimal Tenamit li naxk'ab'a'in Sodoom malaj Ejiipt chi jalb'il ru xyaalalil; aran ajwi' kik'ehe'k chiru krus li xQaawa'eb' a'an.

Li Santil hu

⁸ Li camenak teꞌcana̱k chi tꞌantꞌo saꞌ eb li be re li nimla tenamit bar quicamsi̱c cuiꞌ chiru cruz li Ka̱cuaꞌ Jesucristo. Cuan nak nequeꞌxjuntakꞌe̱ta li tenamit aꞌan riqꞌuineb li tenamit Sodoma ut Egipto xban li ma̱usilal queꞌxba̱nu.

Apocalipsis 11:8 ပူးပေါင်းရင်းမြစ်များ

Jeremías 23:14

Xwil ajwi' li k'aru neke'xb'aanu eb' li propeet aj Jerusalén: q'axal yib' wi' chik ru li xb'aanuhomeb'. Neke'muxuk sumlaak ut neke'b'alaq'ik; neke'xk'e xkawil xch'ooleb' li ink'a' useb' xna'leb' re naq maajun tixkanab' xb'aanunkil li maa'usilal. Eb' a'an jo'wi' eb' li wankeb' Jerusalén chanchaneb' laj Sodoom ut eb' laj Gomoor!

Apocalipsis 18:10

te'kanaaq chi najt xb'aan xxiweb' chiruheb' li xrahilal ut te'xye: “Toq'ob' aawu, toq'ob' aawu, at Nimla Tenamit, at kawil tenamit Babilonia! Yal chiru jun k'amok xk'ulunk li tojb'amaak teneb'anb'il sa' aab'een!”.

Apocalipsis 18:21

Toja' naq jun li ánjel kaw rib' kixchap jun li pek k'ajo' xnimal, jo' jun nimla sursuukil ke'leb' pek, ut kixkut sa' palaw, yo chi xyeeb'al: “Jo'ka'in, sa' jun chiq'ok ajwi' naq taakute'q li nimla tenamit Babilonia, ut ink'a' chik taak'utunq.

Hebreos 13:12

Jo'kan ajwi' li Jesus kixk'ul li rahilal toj junpak'al rokeb'aal li tenamit, re xsantob'resinkil li xtenamit rik'in li xkik'el.

Apocalipsis 18:18

ut japjookeb' re naq ke'ril li xsib'el li xk'atik: “Ani chanchan li Nimla Tenamit?”, chankeb'.

Apocalipsis 11:9

Chiru oxib' kutan rik'in jun wa'leb' wanqeb' winq sa' chixjunil li tenamit, sa' chixjunil li amaq', aatinob'aal ut xteepal li ruuchich'och' te'ril li xch'och'el sululeb', ut ink'a' te'xkanab' chi jilib'aak sa' muqleb'aal.

San Judas 1:7

Jo'kan ajwi' Sodoom, Gomoor ut eb' li tenamit li ke'wank chi xk'atq, ke'kanaak cho'q xnimal eetalil cho'q qe laa'o: anaqwan neke'xkuy li xtojb'al rix li xmaakeb' sa' li xam chi junelik xb'aan naq, kama'eb' li ánjel, ke'xmux rib' ut ke'xq'axtesi rib' chi xb'aanunkil li jo'maajo'il na'leb'.

2 Pedro 2:6

Ut kixteneb' li kamk sa' xb'eeneb' li tenamit Sodoom ut Gomoor, naq kixkanab'eb' chi chahil, jo' jun eetalil chiruheb' li ink'a' te'xpaab' li Yos sa'eb' li kutan chalkeb' re.

San Mateo 10:15

Relik chi yaal ninye eere: sa' xkutankil li raqb'a aatin kotzkooq b'ayaq li rahilal tixk'ul Sodoom ut Gomoor chiru li tixk'ul li tenamit a'an.

Amós 4:11

“Xexinsach rik'in nimla rahilal jo' kinb'aanu reheb' laj Sodoom ut eb' laj Gomoor, ut chanchanex aj chik li ru'uj si' na'elk sa' li xam naq xexkanaak. Ab'anan laa'ex ink'a' xexsutq'iik chaq wik'in”, chan li Qaawa'.

Ezequiel 23:27

Jo'ka'in naq tinram chawu xb'aanunkil laamaa'usilal ut li yumb'eetak kab'aanu chaq Ejiipt; ink'a' chik taawileb' ru chi moko taak'oxlaheb' chik.

Ezequiel 23:19

Ab'an lix Oholibá k'ajo' chik li maa'usilal kixb'aanu, kijultiko'k re naq kixmux chaq rib' sa' li xsaajilal aran Ejiipt;

Ezequiel 23:8

Chalen naq kiwank chaq Ejiipt kiwank jo' aj yumb'eet ut maajun sut kixkanab' xb'aanunkil chalen chaq sa' xsaajilal, naq kixkanab' rib' chi ch'e'eek ut chi mayuuk toj reetal kib'atz'unleek xb'aaneb' naab'al chi winq.

Ezequiel 23:3

Chalen chaq sa' xsaajilaleb' ke'xtikib' xmuxb'aleb' rib' rik'ineb' li winq; aran Ejiipt ke'ch'e'eek ut kimayuuk li re xch'ooleb' toj reetal ke'xmux li xtuq'ixqilaleb'.

Isaías 3:9

Chi xnaq' ruheb' nak'utunk li xmaa'usilaleb'; moko muqmu ta li xmaakeb', chanchaneb' wi' laj Sodoom. Toq'ob'eb' xaq ru, xb'aan naq yookeb' chi xsik'b'al li xrahilaleb'!

Éxodo 20:2

“Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Éxodo 3:7

Ab'an li Qaawa' kixye: “Ak xwil chi us li xnimal xrahilal lintenamit aran Ejiipt; xwab'i li xkawil yaab'eb': k'ajo' naq neke'yaab'ak xmaakeb' laj rahob'tesinel reheb'. Ak ninnaw li xrahilaleb'.

Génesis 19:24

Toja' naq li Qaawa' kixtaqla chaq asuupr ut xam sa' xb'een Sodoom ut Gomoor

Génesis 13:13

Eb' laj Sodoom jwal ink'a' useb' xch'ool ut aj maakeb' chiru li Qaawa'.

Apocalipsis 18:2

Kixjap re chi kaw xyaab' xkux: “Xt'ane'k, ak xt'ane'k li nimla tenamit Babilonia. Xkanaak cho'q xna'ajeb' li maa'us, cho'q xtz'alam chixjunileb' li tz'ajn aj musiq'ej, xtz'alameb' chixjunil li xik'anel xul tz'ajeb' ru ut tz'eqb'eetaleb'.

Apocalipsis 16:19

Li Nimla Tenamit oxib' jachal ki'elk, ut li xtenamiteb' li ruuchich'och' kilaje't'ane'k; ut kinaqk chaq sa' xch'ool li Yos li nimla Babilonia re xk'eeb'al chi ruk'eb' li jun sek' chi b'iin wan wi' li xnimal xjosq'il.

Apocalipsis 14:8

Ut jun chik li ánjel kitaaqenk re, kixye: “Xt'ane'k, ak xt'ane'k li nimla tenamit Babilonia, a' li kik'ehok chi maakob'k chixjunileb' li tenamit sa' ruuchich'och' rik'in li xmaa'usilal. Chanchan naq kixkaltesiheb' rik'in b'iin. Ut a'an k'ajo' naq kixchiq' xjosq'il li Yos!”.

Apocalipsis 11:13

Sa' ajwi' li honal a'an kiwank jun li nimla hiik: li xlaje jachal li tenamit ki'uq'e'k, ut ke'kamk wuqub' mil chi winq xb'aan li hiik; ut eb' li ink'a' ke'kamk, ke'xnima xloq'al li Yos wank sa' choxa chi k'ajo'eb' xxiw.

Hebreos 6:6

wi neke't'ane'k wi' chik, ramro chiruheb' naq te'ak'ob'resiiq wi' chik rik'in yot'b'ach'oolej jalb'ak'a'uxl, xb'aan naq neke'xchirib' wi' chik chiru krus li Ralal Li Yos ut neke'xk'e sa' xutaan chiruheb' li tenamit.

Hechos 9:4

T'anaamil sa' ch'och', kirab'i jun xyaab' kuxej yo chi xyeeb'al: “At Saúl, at Saúl, k'a'ut naq xik' yookat chi wilb'al?”.

Jeremías 26:23

Eb' a'an ke'risi chaq laj Urías aran Ejiipt ut ke'xk'am chaq chiru laj Johakín, li awab'ej, ut a'in kixk'e chi kamsiik ut chi kute'k sa' xyanqeb' li k'iila kamenaq.

Apocalipsis 18:24

Aran, sa' li tenamit Babilonia, xtawe'k xkik'eleb' li propeet, xkik'eleb' li sant ut chixjunileb' li kilaje'kamsiik sa' ruuchich'och'.

Apocalipsis 17:5

ut tz'iib'anb'il chi xpeekem jun k'ab'a'ej muqmu xyaalal: “Babilonia, li Nimla Tenamit, li xna'eb' laj yumb'eet ut xna' ajwi' chixjunil li tz'i'b'eetalil aj na'leb' li wank sa' ruuchich'och'”.

Apocalipsis 17:1

Toja' naq kichalk jun reheb' li wuqub' chi ánjel li wankeb' li wuqub' chi sek' rik'in, ut ki'aatinak wik'in: “Kim -chan we-, ink'utaq chawu li tojb'amaak teneb'anb'il sa' xb'een li xnimal ru aj yumb'eet li k'ojk'o sa' xb'eeneb' li k'iila ha'.

Ezequiel 37:11

Ut li Qaawa' kixye we: “At kaamel winq, eb' li b'aq a'in a'aneb' chixjunileb' li ralal xk'ajol laj Israel. Anaqwan yookeb' chi xyeeb'al: «Xe'chaqik li qab'aqel ut maak'a' chik qoyb'enihom; xoo'oso'k chiqajunilo», chankeb'.

Ezequiel 16:46

Samaria rochb'eeneb' li xk'aleb'aal, a'an laachaq'na' li wank sa' xjayal releb'l iq'; ut Sodoom rochb'eeneb' li xk'aleb'aal, a'an laawiitz'in li wank sa' xjayal rokeb'l iq'.

Ezequiel 16:49

A'an a'in li xmaak Sodoom, laawiitz'in: li q'etq'etil, li num wa'ak ut sahil wank; ab'anan a'an rochb'eeneb' li xk'aleb'aal maajun wa kixtenq'aheb' li neb'a' ut li maak'a' wankeb' re.

Apocalipsis 14:20

Ke'xyatz' li uub' chirix li tenamit, ut ki'elk kik' sa' li yatz'leb'aal; a'an kiwulak toj sa' xteramil xch'iich'ul xsa' reheb' li kawaay, wiib' xkaak'aal leew xnajtil ru xjek'i wi' rib'.

Apocalipsis 17:18

Ut li ixq xawil ru, a'an li Nimla Tenamit li wank xwankil sa' xb'eeneb' li awab'ej re li ruuchich'och'”.