Apocalipsis 11:12 - Q'eqchi Bible

¹² Toja' naq kiwab'i jun xyaab' kuxej, kaw yo chi xyeeb'al sa' choxa: “Taqenqex chaq arin”. Ut ke'taqe'k sa' choxa sa' li choql, chiruheb' li xik' neke'ilok reheb'.

Li Santil hu

¹² Ut li cuib chi cui̱nk queꞌrabi jun yo̱ chi a̱tinac saꞌ choxa. Chi cau xya̱b xcux quixye reheb: —Takenkex chak arin, chan. Ut queꞌtakeꞌ saꞌ choxa saꞌ jun li chok chiruheb li xicꞌ nequeꞌiloc reheb.

Apocalipsis 11:12 ပူးပေါင်းရင်းမြစ်များ

Apocalipsis 4:1

Moqon chik kiwil sa' moy u jun li okeb'aal teeto sa' choxa; ut li xyaab' kuxej li ak wab'ihom jo' xyaab' li tronpeet, jo'ka'in kixye we: “Taqen chaq arin, ink'utaq chawu li tento taak'ulmanq moqon”.

Hechos 1:9

Ut naq kiraqe'k chi xyeeb'al li aatin a'in, kitaqsiik naq eb' a'an yookeb' chi ilok; ut jun li choql kimuquk re chiruheb'.

2 Reyes 2:11

Ut naq yookeb' chi b'eek ut chi seeraq'ik, kichaalunk jun kaarxam, kelonb'il xb'aaneb' xamlil kawaay, ut kixjek'eb' li jun rik'in li jun chik. Tikto laj Elías kik'ame'k sa' choxa sa' muqyax.

1 Ts 4:17

Aka' chik laa'o li yo'yooqo, li toj wanqo, toosaapuuq sa'eb' li choql qochb'eeneb' a'an re xk'ulb'al li Qaawa' sa' iq'; ut chi jo'kan wanqo junelik rik'in li Qaawa'.

Apocalipsis 12:5

Ut li ixq kiwank li xk'uula'al, teelom, li tento tixb'eresiheb' chixjunil li tenamit rik'in b'aar ch'iich'; ut kolsaapuuq li xyum, jun k'oot toj rik'in li Yos, toj chi xk'atq li xnimajwal k'ojarib'aal.

Apocalipsis 3:21

«Li ani taaq'axoq u, tink'e chi k'ojlaak wik'in sa' linnimajwal k'ojarib'aal, jo' ajwi' laa'in xinq'axok u ut xink'ojlaak rik'in linYuwa' sa' li xnimajwal k'ojarib'aal.

San Lucas 16:23

“Ut sa' li xb'alb'a, naq yo chi xk'ulb'al xnimal li rahilal, kixtaqsi li rilob'aal ut kiril ru laj Abrahán chi najt, ut laj Lázaro wank chi xk'atq.

Isaías 60:8

Aniheb' a'an li kaw yookeb' chi xik jo'eb' li choql, kama'eb' li mukuy naq neke'xik sa' li xsokeb'?

Isaías 40:31

a'ut li neke'oyb'enink rik'in li Qaawa' junelik kawaqeb' rib' ut te'rupupiq jo'eb' li t'iw; te'aanilaq chi ink'a' te'lub'q, ut te'b'eeq chi ink'a' te'tawaaq.

2 Reyes 2:5

Ab'anan eb' li propeet li wankeb' aran Jerikó ke'elk chaq chi xk'ulb'al laj Eliseo ut ke'xye re: “Ma nakanaw naq hoon li Qaawa' tixmaq' chawu laj tzolol aawe?”. Kichaq'ok laj Eliseo: “Hehe', ninnaw. Ab'anan maak'a' teeye!”, chan.

2 Reyes 2:1

Naq kiwulak xq'ehil naq laj Elías taak'ame'q sa' choxa xb'aan li Qaawa' sa' xyi jun muqyax, laj Elías ut laj Eliseo ke'elk sa' li tenamit Kilkal.

Malaquías 3:18

Toja' naq laa'ex teenaw wi' chik b'ar wank li tiik xch'ool ut li ink'a' us xna'leb', li nak'anjelak chiru li Yos ut li ink'a' napaab'ank chiru”.

Isaías 14:13

Laa'at li xaye sa' laach'ool: «Taanimanq inwankil toj sa' choxa; toj aran tink'ojob' chaq link'ojarib'aal, toj sa' xb'eeneb' li xchahim li Yos. Tink'ojlaaq sa' li na'ajej neke'xch'utub' wi' rib'eb' li yos, sa' xjayal chaq li releb'l iq'.

Salmos 112:10

Naq li ink'a' us xna'leb' taaril a'an, taajosq'o'q, tixk'uxuxi ruuch re ut taamayoq sa' xch'ool. Maak'a' taakanaaq wi' li ratawomeb' li ink'a' useb' xna'leb'!

Salmos 86:17

Chak'e we junaq reetalil laawusilal, re naq eb' li xik' neke'ilok we te'ril ut te'kanaaq sa' xutaan, xb'aan naq laa'at laj tenq'ahom we ut laj k'ojob'anel linch'ool.

Salmos 24:3

Ani taataqe'q sa' xtzuul li Qaawa'? Ani truuq taawanq sa' li xloq'laj na'aj?

Salmos 15:1

Xsaalm laj David. At Qaawa', ani truuq taahilanq sa' laamuheb'aal? Ani taawanq sa' laaloq'laj tzuul?

2 Reyes 2:7

Ab'anan lajeeb' roxk'aal chi propeet koheb' chirixeb' toj chire li nima' Jordán, najt b'ayaq rik'in laj Elías ut laj Eliseo, naq koxe'xaqliiq aran.

Éxodo 14:25

Kixt'il li xb'eleb'aaleb' li kaar, ut ch'a'aj chik naq yookeb' chi xik. Toja' naq ke'xye eb' laj Ejiipt: “Eleliqo chiruheb' laj Israel xb'aan naq li Qaawa' yo chi yalok qik'in laa'o aj Ejiipt chirixeb' a'an”, chankeb'.