Apocalipsis 10:5 - Q'eqchi Bible

⁵ Toja' naq li ánjel li kiwil, li xaqxo sa' xb'een li palaw ut li ruuchich'och', kixtaqsi li xnim uq' sa' choxa

Li Santil hu

⁵ Ut li ángel li quicuil xakxo saꞌ xbe̱n li palau ut saꞌ xbe̱n li ruchichꞌochꞌ, quixtaksi lix nim ukꞌ,

Apocalipsis 10:5 ပူးပေါင်းရင်းမြစ်များ

Daniel 12:7

Li tiqto rik'in liin sa' xb'een li ha' kixtaqsiheb' li ruq' sa' choxa ut kiwab'i chi xyeeb'al sa' jurament sa' xk'ab'a' li Yos li wank chi junelik: «Chiru wan xka chihab', naq taaraqe'q xsachb'aleb' ru li santil tenamit, taatz'aqloq ru chixjunil a'in».

Deuteronomio 32:40

Nintaqsi li wuq' sa' choxa ut ninye: Relik chi yaal naq yo'yookin chi junelik.

Apocalipsis 16:17

Li xwuq li ánjel kixhoy li xsek' sa' iq', ut ki'elk chaq jun xyaab' kuxej sa' rochoch li Yos, wan wi' li k'ojarib'aal, ut kixye chi kaw: “Yaalo'jenaq chik a'an!”.

Apocalipsis 14:7

Ut a'an kixye chi kaw xyaab' xkux: “Chexiwa ru li Yos ut chek'e xloq'al xb'aan naq xtaw xq'ehil naq taaraqoq aatin; cheloq'oni li kib'aanunk re li choxach'och', li palaw ut eb' li yo'leb'aal ha'”.

Apocalipsis 10:2

Wank sa' ruq' jun li ch'ina tasal hu teeto xsa'. Ut kixk'e li xnim oq sa' xb'een li palaw ut li xtz'e oq sa' xb'een li ruuchich'och'.

Apocalipsis 4:11

“Aak'ulub', at Qaawa', at qaYos, xk'ulb'al laanimal laaloq'al, li loq'onink ut laawankilal, xb'aan naq laa'at katyoob'tesink re chixjunil: rik'in laawajom ke'yoob'tesiik ut wankeb' chik anaqwan”.

Hechos 14:15

—Ex qamiiw, k'a'ut naq nekeb'aanu a'in? Laa'o yal winqo ajwi', juntaq'eeto eerik'in laa'ex. Wanko arin chi xyeeb'al eere li chaab'il esilal a'in: naq chekanab'aq a k'a'aq re ru a'in li maak'a' xyaalal ut cheq'axtesi eerib' re li yo'yookil Yos li kib'aanunk re li choxach'och', li palaw ut chixjunil li wankeb' chisa'.

Apocalipsis 4:9

Ut rajlal naq li yo'yookeb' neke'xk'e xloq'al, xwankil ut neke'yoxink chiru li k'ojk'o sa' li nimajwal k'ojarib'aal ut yo'yo chi junelik q'e kutan,

Apocalipsis 1:18

laa'in li Yo'yo. Kinkamk, ab'anan chak'e reetal, yo'yookin anaqwan chi junelik q'e kutan, ut wank wik'in li xlaawil li kamk ut li xna'ajeb' li kamenaq.

Nehemías 9:6

Toja' naq laj Esdras kixye: “At Qaawa', ka'jat wi' li Yos! Laa'at katyiib'ank re li xnimal li choxa ut chixjunileb' li chahim. Laa'at aj Winqob'resihom re li choxach'och' ut chixjunil li wank chisa'; laa'at katyiib'ank re li palaw ut jo'ch'inal jo'nimal yo'yo sa' xchamal. Laa'at xyo'leb'aal li yu'am; jo'kan naq nakate'xloq'on eb' li chahim sa' choxa.

Éxodo 20:11

Xb'aan naq chiru waqib' kutan li Qaawa' kixb'aanu li choxach'och', li palaw ut chixjunil li wank chisa', ut sa' li xwuq li kutan kihilank. Jo'kan naq li Qaawa' kirosob'tesi li kutan sábado ut kixsantob'resi.

Génesis 14:22

Ab'anan laj Abrán kixye re li awab'ej re Sodoom: “Xinye li waatin chiru Nimajwal Yos, aj yoob'tesinel re li choxach'och',

Hebreos 6:13

Maa'ani junaq nim xwankil chiru li Yos. Jo'kan naq sa' li kutan naq li Yos kixyeechi'i rosob'tesinkil laj Abrahán, kixpatz' xk'ab'a' xjunes rib',

Romanos 1:20

Chalen chaq sa' xk'ojlajik li ruuchich'och' li k'a'aq re ru ink'a' ilb'il ru re li Yos, a' li xjunelik wankil ut li xYosilal, nak'utunk chiruheb' li neke'k'oxlak chirixeb' li xb'aanuhom. Jo'kan naq maak'a' k'aru te'xkol wi' rib',

Hechos 17:23

Naq yookin chi b'eek ut chi xka'yankil li b'arwan nekeloq'oni, xintaw ajwi' jun li artal b'arwi' tz'iib'anb'il: «Re li Yos li ink'a' nawb'il ru». Jo'kan utan, li nekeloq'oni chi ink'a' nekenaw ru, a'an li xinchalk chi xyeeb'al resil eere.

Ezequiel 20:5

“Ye reheb': «Jo'ka'in xye li Qaawa': Naq kinsik' ruheb' laj Israel cho'q intenamit, kinye injurament chi anchal linch'ool reheb' li ralal xk'ajol laj Jakob ut kink'utb'esi wib' chiruheb' aran Ejiipt. Kintaqsi li wuq' chi xyeeb'al reheb' naq laa'in li Qaawa', li xYoseb'.

Salmos 146:5

Us xaq re li kaw xch'ool chirix li xYos laj Jakob, a' li xaqxo li royb'enihom rik'in li Qaawa' li xYos:

Éxodo 6:8

Laa'in texwoksi sa' li ch'och' xinyeechi'i rik'in jurament re laj Abrahán, laj Isahak ut laj Jakob; a'an li tink'e chereechani. Laa'in li Qaawa' Yos»”.

Ezequiel 47:14

Li ch'och' li kinyeechi'i sa' jurament reheb' leemama' leerixa'an, taajek'imanq ut junnaqik li xb'isb'al naq teeraqaxi reheb' chixjunileb'. A'anaq leereechanihom.

Ezequiel 36:7

Jo'kan naq laa'in, li Qaawa', ninye injurament naq eb' li tenamit wankeb' chesutam te'kanaaq sa' xutaan.

Ezequiel 20:42

«Sa' li kutan a'an, naq texwoksi wi' chik sa' xch'och'el Israel, sa' li tenamit kinyeechi'i sa' jurament reheb' leena' leeyuwa', aran teenaw naq laa'in li Qaawa'.

Ezequiel 20:28

Laa'in kink'ameb' sa' li chaab'il ch'och' li kinyeechi'i reheb' sa' jurament, ut ka'ajwi' ke'ril junaq tzuul najt xteram malaj junaq che' jwal nim li xmu, aran ke'mayejak ut ke'xyeechi'i li ink'a' nawulak chiwu; aran ajwi' ke'xk'at li xpomeb' li jwal sununk xb'ook ut ke'xmayeja li chaab'il b'iin.

Ezequiel 20:23

Sa' ajwi' li chaqich'och' kinye injurament naq tincha'cha'iheb' sa' xyanq chixjunileb' li tenamit sa' ruuchich'och'.

Ezequiel 20:15

«Sa' ajwi' li chaqich'och' kinye injurament naq ink'a' te'ok sa' li na'ajej insik'om cho'q reheb', a' li xq'emal li ch'och' ut jwal chaab'il sa' xyanqeb' chixjunileb' li na'ajej.