Apocalipsis 10:1 - Q'eqchi Bible

¹ Kiwil ajwi' jun chik li ánjel kaw rib', yo chaq chi kub'eek sa' choxa, sutsu sa' choql, wank li kaqlaaq' chi xb'een xjolom; li xnaq' ru kama' li saq'e ut eb' li ra' chanchaneb' oqech yo xxamlel.

Li Santil hu

¹ Quicuil nak quichal jun chic li ángel cau rib. Yo̱ chak chi cubec saꞌ choxa sutsu saꞌ chok. Ut lix jolom sutsu xban jun li xo̱quikꞌab. Li riloba̱l nalemtzꞌun joꞌ li sakꞌe ut li rok chanchan jun okech yo̱ xxamlel.

Apocalipsis 10:1 ပူးပေါင်းရင်းမြစ်များ

San Mateo 17:2

Ut kilemtz'uno'k li xjunxaqalil chiruheb': li rilob'aal kilemtz'uno'k kama' li saq'e ut li raq' kisaqo'k kama' li saqenk.

Ezequiel 1:28

chanchan wi' li kaqlaaq' naq naxk'ut rib' sa' li choql sa' li hab'alq'e. Jo'ka'in naq kixk'ut rib' chiwu li xloq'al li Qaawa'. Ut naq kiwil a'an, kinwiq'laak, kinhupub' wib' chiru ch'och' ut kiwab'i jun xyaab' kuxej yo chi waatinankil.

Apocalipsis 5:2

Ut kiwil jun li ánjel kaw rib', yo chi xpuktesinkil chi kaw xyaab' xkux: “Ani xk'ulub' risinkileb' li tz'apleb' ut xteeb'al li hu?”, chan.

Daniel 10:6

Li xjunxaqalil nalemtz'unk jo' jun tertookil pek; li xnaq' ru kama' wi' li raq'kaaq; li xsa' eb' li ru kama'eb' wi' li raq'xam; eb' li roq ut eb' li ruq' chanchaneb' li q'anch'iich' ut li xyaab' xkux kama' wi' rab'inkileb' li k'iila poyanam.

Apocalipsis 4:3

Li k'ojk'o aran, a'an kama' li pek jaspe xk'ab'a' ut li kornalina; ut jun li kaqlaaq' nasutuk re li xnimajwal k'ojarib'aal kama' li esmeralda.

Apocalipsis 8:13

Chirix chik a'an kiwil ut kiwab'i jun li t'iw yo chi xik'ank taqe'q sa' xyi li choxa, kaw xyaab' xkux naq kixye: “Rahilal, rahilal, rahilal sa' xb'eeneb' li wankatqeb' sa' ruuchich'och', sa' xk'ab'a' xyaab'eb' li tronpeet li okeb' re chi xyaab'asinkil eb' li oxib' chik chi ánjel!”.

Salmos 104:3

ut kayiib' laamuheb'aal sa' xb'eeneb' li ha'. Kak'eheb' li choql cho'q aab'eleb'aal ch'iich', ut nakatb'eek sa' xb'een xxik'eb' li iq'.

Salmos 97:2

Sutsu li Qaawa' xb'aan li choql ut li aak'ab'; li tiikilal ut li yaal a'aneb' xkuut li xk'ojarib'aal.

Apocalipsis 1:7

K'ehomaq reetal, we' chaq rochb'eeneb' li choql: chixjunil li xsa' uhej taa'iloq re, te'ril ajwi' eb' li ke'xeq'ok re; sa' xk'ab'a' a'an huyhutqeb' chixjunil li xteepaleb' li ruuchich'och'. Yaal ut jo'kan taak'ulmanq.

Hechos 26:13

Sa' xyiitoq li kutan, at qaawa', kiwil sa' b'e jun li saqenk kichalk chaq sa' choxa, q'axal chik nalemtz'unk chiru li saq'e; ut a'an kinxsut laa'in jo' ajwi' kixsuteb' li wochb'eeneb'.

San Lucas 21:27

Toja' naq te'ril li K'ajolb'ej yooq chaq chi k'ulunk sa' choql rik'in xnimal xwankil ut xloq'al.

Daniel 7:13

“Sa' ajwi' li q'oqyink a'an, sa' moy u, kiwil naq sa' choxa kikub'e chaq jun chanchan li winq: koho wan wi' li cheekel winq ut koxxaqliiq chiru.

Lamentaciones 3:44

Xalan aawib' sa' choql re naq ink'a' taawab'i li qatij.

Isaías 54:9

Jo' naq kinye injurament re laj Noé naq ink'a' chik tink'e chi b'ut'irk li ruuchich'och', jo'kan ajwi' anaqwan ninye injurament naq ink'a' chik tinjosq'o'q aawik'in chi moko tatinch'iila chik.

Isaías 19:1

Xyehom li Qaawa' chirix Ejiipt: Ilomaq li Qaawa' naq xchalk sa' aanil sa' li tenamit Ejiipt, k'ojk'o chaq sa' xb'een jun li choql. Eb' li xyoseb' laj Ejiipt yo xxiweb' chiru li Qaawa', ut eb' laj Ejiipt neke'siksotk ajwi' chiru A'an.

Cantares 5:15

Eb' li ra' chanchaneb' li oqech yiib'anb'ileb' rik'in saqalpek, xaqab'anb'ileb' sa' xb'een li chaab'il oor. Linrahom na'ilok kama' li tzuul Líbano, k'ajo' xch'ina'usal kama'eb' li yaw.

Levítico 16:2

Ut li Qaawa' kixye re laj Moisés: “Ye re laj Aharón laawas naq ink'a' chi'ok yalaq jo'q'e sa' li tijob'aal li wank junpak'al li t'ilkem, chi moko chiru li xtz'apb'al xb'een li Loq'laj Kaax, re naq ink'a' taakamq; xb'aan naq laa'in tink'utb'esi wib' sa' jun li choql sa' xb'een li artal.

Éxodo 16:10

Toj yo ajwi' chi raatinankil chixjunileb' laj Israel, naq ke'ilok sa' xjayal li chaqich'och', ut k'utaamil chiruheb' sa' choql li xnimal xloq'al li Qaawa'.

Apocalipsis 18:1

Chirix chik a'an kiwil jun chik li ánjel yo chaq chi kub'eek sa' choxa rik'in xnimal xwankil, ut kikutano'k li ruuchich'och' xb'aan li xnimal xloq'al.

Apocalipsis 18:21

Toja' naq jun li ánjel kaw rib' kixchap jun li pek k'ajo' xnimal, jo' jun nimla sursuukil ke'leb' pek, ut kixkut sa' palaw, yo chi xyeeb'al: “Jo'ka'in, sa' jun chiq'ok ajwi' naq taakute'q li nimla tenamit Babilonia, ut ink'a' chik taak'utunq.

Apocalipsis 20:1

Chirix chik a'an kiwil jun li ánjel yo chaq chi kub'eek sa' choxa: wan chaq sa' ruq' li xlaawil li Siwan jo'wi' jun li nimla kareen.