Apocalipsis 1:4 - Q'eqchi Bible

⁴ Laa'in laj Jwan nintz'iib'ak rik'ineb' li wuqub' chi Iklees li wankeb' Asia. Usilal ut tuqtuukilal chiwanq taxaq eerik'in sa' xk'ab'a' li wank, li ak wan chaq ut chaalel, sa' xk'ab'a' li wuqub' chi Musiq'ej li wankeb' chiru li xnimajwal k'ojarib'aal

Li Santil hu

⁴ La̱in laj Juan. Yo̱quin chi tzꞌi̱bac e̱riqꞌuin la̱ex li cuukub chꞌu̱talex chi aj pa̱banel li cuanquex aran Asia. Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Dios li ac cuan chak saꞌ xticlajic, li cuan anakcuan, ut li cua̱nk chi junelic, ut li naxqꞌue li Santil Musikꞌej li cuan cuiꞌ lix lokꞌlaj cꞌojariba̱l li Ka̱cuaꞌ.

Apocalipsis 1:4 ပူးပေါင်းရင်းမြစ်များ

Isaías 11:2

Ut rik'in a'an taawanq li xmusiq' li Qaawa': a' li musiq'ej nak'ehok choxahil na'leb' ut seeb'al ch'oolej, nak'ehok chaab'il k'a'uxl ut kawil ch'oolej, musiq'ej re xnawb'al ut roxloq'inkil li Yos.

Salmos 90:2

Naq toj maak'a'eb' chaq li tzuul ut toj maji' nak'ub'laak sa' xna'aj li choxach'och', ak laa'at ajwi' chaq li qaYos junq'e junq'e kutan!

Hebreos 13:8

Li Jesukriist a'an ajwi' li wan chaq ewer, li wank anaqwan; ut a'anaq chi junelik.

San Juan 1:1

Sa' xtiklajik ak wan chaq li Aatin, ut li Aatin wan chaq rik'in li Yos, ut li Aatin a'an chaq Yos.

Apocalipsis 5:6

Toja' naq kiwil a'in: chi xk'atq li nimajwal k'ojarib'aal sutsu xb'aaneb' li kaahib' chi yo'yookeb' jo'wi' xb'aaneb' li cheekel winq, kiwil jun li Karneer xaqxo aran chanchan kamsinb'il, wank wuqub' xxukub' ut wuqub' xsa' li ru, a'aneb' li wuqub' chi xmusiq' li Yos taqlanb'ileb' sa' chixjunil li ruuchich'och'.

Apocalipsis 4:5

Sa' li nimajwal k'ojarib'aal na'elk chaq li raq'kaaq, li xyaab' kuxej ut li kaaq; ut chiru li nimajwal k'ojarib'aal wank wuqub' chi xam lochlookeb', a'aneb' li wuqub' chi xmusiq' li Yos.

Apocalipsis 1:8

“Laa'in li Alfa ut li Omega”, chan li Qaawa', li Nimajwal Yos li wank, li ak wan chaq ut li chaalel.

Apocalipsis 3:1

“Tz'iib'an rik'in li x'ánjel li Iklees li wank Sardes: «A'in naxye li wank wuqub' chi xmusiq' li Yos rik'in ut li wuqub' chi chahim. Ninnaw laab'aanuhom; yo'yookat naq neke'xye, ab'an kamenaqat.

Santiago 1:17

chixjunil li usilal k'eeb'il qe ut chixjunil li qamaatan li tz'aqal re ru, taqe'q nachalk chaq, ut nakub'e chaq rik'in li xYuwa'ileb' li chahim, li ink'a' najalaak chi moko naq'oqyino'k ru.

Zacarías 4:10

Li ink'a' xk'e xloq'al li xtiklajik li k'anjel, taasaho'q chik naq taaril chi yaalo'k li xk'anjel laj Sorobabel”. Chirix chik a'an li ánjel kixye: “Eb' li wuqub' chi eetalil a'in, a'aneb' xsa' ruheb' li Qaawa' li naril wi' chixjunil li ruuchich'och'”, chan.

Isaías 41:4

Ani xk'uub'ank ut xb'aanunk re a'in? A' li xk'ehok xyu'ameb' li poyanam chalen chaq junxil: laa'in, li Qaawa', li junaj chirib'il, li xtiklajik ut li xraqik.

Éxodo 3:14

Kichaq'ok li Yos ut kixye re laj Moisés: “Laa'in li Laa'inin”. Ut kixye ajwi': “Jo'ka'in taaye reheb' laj Israel: «Laa'inin xtaqlank chaq we eerik'in»”.

Apocalipsis 4:8

Li kaahib' chi yo'yookeb' wankeb' waqitq xik' ut nujenaqeb' chi xsa' uhej chi junqre ut chisa'; chi q'eq ut chi kutan ink'a' neke'hilank chi xyeeb'al: “Sant, Sant, Sant li Qaawa', li Nimajwal Yos, li ak wan chaq, li wank anaqwan ut li chaalel”.

Apocalipsis 3:7

“Tz'iib'an rik'in li x'ánjel li Iklees li wank Filadelfia: «A'in naxye li Sant, li Paab'ajel, li wank xlaaw laj David rik'in: naq a'an natehok, maa'ani taaruhanq chi xtz'apb'al; naq a'an natz'apok, maa'ani taaruhanq chi xteeb'al.

Romanos 1:7

Eerik'in chejunilex laa'ex li raarookex xb'aan li Yos aran Roma ut b'oqb'ilex chi wank sa' santilal chiwanq taxaq li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist.

Zacarías 3:9

Xink'e chiru laj Josué jun li pek wank wuqub' pak'al ru; laa'in ajwi' tintz'iib'a ru -chan li Nimajwal Yos-, ut chiru yal jun kutan tinsach li xmaakeb' li ruuchich'och'.

Miqueas 5:2

A'ut laa'at, Belén Efratá, jwal kach'inat sa' xteepal Judá, aawik'in taa'elq chaq li taa'awab'ejinq re Israel. A'an taayo'laaq sa' riyajil jun mayer junkab'al”.

Apocalipsis 2:8

“Tz'iib'an rik'in li x'ánjel li Iklees li wank Esmirna: «A'in naxye li xb'een ut li rosob'l, li kikamk ut kiyo'laak wi' chik.

Apocalipsis 1:20

A'an a'in xyaalalil li tz'aptz'ookil na'leb' chirix li wuqub' chi xna'aj kanteel oor: li wuqub' chi chahim a'aneb' li x'ánjel li wuqub' chi Iklees, ut li wuqub' chi xna'aj kanteel a'aneb' li wuqub' chi Iklees.

Apocalipsis 1:11

“Tz'iib'a sa' hu li yookat chi rilb'al, ut taqla rik'ineb' li wuqub' chi Iklees: aran Éfeso, Esmirna, Pérgamo, Tiatira, Sardes, Filadelfia ut Laodicea”.

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

2 Corintios 1:2

Li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist, chiwanq taxaq eerik'in.

1 Corintios 1:3

Chiwanq taxaq eerik'in li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist.

Apocalipsis 3:14

“Tz'iib'an rik'in li x'ánjel li Iklees li wank Laodicea: «Kama'in na'aatinak li Amén, laj Ch'olob'anel re li yaal, chaab'il ut paab'ajel, li xTiklajik chixjunil li xyoob'tesihom li Yos.

Apocalipsis 2:18

“Tz'iib'an rik'in li x'ánjel li Iklees li wank Tiatira: «A'in naxye li Ralal li Yos, li wank xsa' li ru kama' raq'xam ut li roq chanchan chaab'il q'anch'iich'.

Apocalipsis 2:12

“Tz'iib'an rik'in li x'ánjel li Iklees li wank Pérgamo: «A'in naxye li wank xjutz' ch'iich' ka'pak'al xq'esnal.

Apocalipsis 1:1

A'an a'in li kik'utb'esiik chiru li Jesukriist xb'aan li Yos re naq tixk'ut, chiruheb' laj k'anjel chiru, chixjunil li taak'ulmanq chi seeb'. Li Jesukriist kixtaqla chaq li x'ánjel re xk'eeb'al chixnaw laj Jwan li xmoos;

Hechos 19:10

A'an ki'uxmank chiru wiib' chihab'; jo'kan naq chixjunileb' li wankatqeb' Asia, jo' aj Judiiy jo' ajwi' aj Griego, ke'rab'i li Raatin li Qaawa'.

Zacarías 6:5

Kichaq'ok li ánjel ut kixye: “A'aneb' li kaahib' chi musiq'ej. Junelikeb' chi k'anjelak chiru li xQaawa' li choxach'och', ut anaqwan xe'elk chaq.

Hechos 2:9

Wankeb' sa' qayanq aj Paart, aj Media, aj Elam, aj Mesopotamia, aj Judea, aj Kapadocia, aj Ponto, aj Asia,

Apocalipsis 1:9

Laa'in laj Jwan, leeras eeriitz'in ut leerochb'een sa' li raaxiik', sa' li xnimajwal awab'ejihom li Yos ut sa' li kuyuk sa' xk'ab'a' li Jesus, wankin chaq sa' jun li na'ajej sutsu xb'aan li palaw, Patmos xk'ab'a', sa' xk'ab'a' li raatin li Yos ut sa' xk'ab'a' xch'olob'ankil resil li Jesus.

Apocalipsis 1:17

Naq kiwil a'an, kint'ane'k chi hupu chi roq, chanchanin kamenaq kinkanaak, ut a'an kixk'e li xnim uq' sa' inb'een, yo chi xyeeb'al we: “Matxiwak. Laa'in li xb'een ut li rosob'l,

Apocalipsis 8:2

Toja' naq kiwil li wuqub' chi ánjel xaqxookeb' chiru li Yos, ut ke'k'ehe'k wuqub' xtronpeet.

Apocalipsis 16:5

Toja' naq kiwab'i li ánjel li wank xwankil sa' xb'eeneb' li ha', kixye: “At qasantil Qaawa', li wankat anaqwan ut li ak wankat chaq, xatraqok aatin sa' tiikilal,

Apocalipsis 22:8

Laa'in, laj Jwan, kin'ab'ink ut kin'ilok re chixjunil a'in. Ut naq kiwab'i ut kiwil, kint'ane'k rub'el roq li ánjel li kik'utuk chiwu chixjunil a'in, re xloq'oninkil ru.

Apocalipsis 22:16

“Laa'in, li Jesus, xintaqla lin'ánjel eerik'in re xyeeb'al a'in chirixeb' li Iklees. Laa'in li xtuxm ut li ralal laj David, laa'in li kaq chahim nalemtz'unk toj eq'la”.