Apocalipsis 1:18 - Q'eqchi Bible

¹⁸ laa'in li Yo'yo. Kinkamk, ab'anan chak'e reetal, yo'yookin anaqwan chi junelik q'e kutan, ut wank wik'in li xlaawil li kamk ut li xna'ajeb' li kamenaq.

Li Santil hu

¹⁸ La̱in yoꞌyo̱quin. La̱in quincam, abanan yoꞌyo̱quin chic chi junelic kꞌe cutan. La̱in cuan incuanquil saꞌ xbe̱n li ca̱mc. Ut la̱in ajcuiꞌ yal cue saꞌ xbe̱n li naꞌajej li nequeꞌxic cuiꞌ li camenak.

Apocalipsis 1:18 ပူးပေါင်းရင်းမြစ်များ

Romanos 6:9

Naqanaw naq li Kriist waklijenaq chi yo'yo sa' xyanqeb' li kamenaq: maajoq'e chik taakamq ut li kamk maak'a' chik xwankil sa' xb'een.

Hebreos 7:25

Chi jo'kan naru ajwi' tixkoleb' chi tz'aqal re ru eb' li neke'jilok chi xk'atq li Yos sa' li xk'ab'a', xb'aan naq yo'yo chi junelik re aatinak chirixeb'.

Salmos 68:20

Usilaatinanb'il taxaq li Qaawa' wulaj wulaj! A'an na'ilok qe, a'an li Yos aj kolol qe.

Apocalipsis 3:7

“Tz'iib'an rik'in li x'ánjel li Iklees li wank Filadelfia: «A'in naxye li Sant, li Paab'ajel, li wank xlaaw laj David rik'in: naq a'an natehok, maa'ani taaruhanq chi xtz'apb'al; naq a'an natz'apok, maa'ani taaruhanq chi xteeb'al.

Isaías 22:22

Tinq'axtesi sa' ruq' li xlaawil li xjunkab'al laj David: wi a'an natehok, maajun chik taatz'apoq; wi a'an natz'apok, maajun chik taatehoq.

Hebreos 12:2

Kaw chiqaka'ya li Jesus li nayoob'ank ut nab'eresink re li qapaab'aal toj reetal toxtz'aqloq ru. A'an kixkuy li krus, us ta xutaanal li kamk chi jo'kan, xb'aan naq naxnaw naq chirix li rahilal toxtaw nimla sahilal. Ut k'ojk'o anaqwan sa' xnim uq' li xnimajwal k'ojarib'aal li Yos.

San Mateo 16:19

Tink'eheb' aawe li xlaawil li xnimajwal wankilal li choxa: li taab'ak' sa' ruuchich'och', b'ak'b'ooq ajwi' sa' choxa, ut li taahit sa' ruuchich'och', hithooq ajwi' sa' choxa.

Apocalipsis 20:14

Li kamk ut li xna'ajeb' li kamenaq ke'kute'k sa' li palaw xam (li palaw xam a'an li xkab' kamk).

Hebreos 1:3

A'an a'in xrepom li xnimal xloq'al ut xjalam u li xYosilal. A'an nakuutunk re chixjunil rik'in xnimal xwankil li raatin, ut naq ak xch'ajob'resiheb' li tenamit chiru li maak, kik'ojlaak sa' xnim uq' li Nimajwal Yos toj taqe'q.

Gálatas 2:20

Moko laa'in ta chik yo'yookin, a' b'an li Kriist yo'yo wik'in. Linyu'am li wank sa' ruuchich'och' anaqwan, wank chik rik'in naq ninpaab' li Ralal li Yos li kirahok we ut kixq'axtesi rib' sa' ink'ab'a'.

Apocalipsis 4:9

Ut rajlal naq li yo'yookeb' neke'xk'e xloq'al, xwankil ut neke'yoxink chiru li k'ojk'o sa' li nimajwal k'ojarib'aal ut yo'yo chi junelik q'e kutan,

Hebreos 7:16

maawa' aj tij yal sa' xk'ab'a' xchaq'rab' li winq, sa' xk'ab'a' b'an xwankil jun li yu'am li ink'a' nalajk na'oso'k.

2 Corintios 13:4

Yaal ajwi' naq kikamk chiru krus xb'aan xmajelal li xmetz'ew, ab'an yo'yo anaqwan xb'aan li xnimal xwankil li Yos. Jo'kan ajwi' laa'o: yooko chi tz'aqonk sa' xmajelal li xmetz'ew, ab'an yo'yooqo qochb'een a'an sa' xk'ab'a' li xnimal xwankil li Yos re k'anjelak cheru.

Li xHu LAJ JOB 19:25

Laa'in ninnaw naq yo'yo laj kolol we ut taa'aatinaq chiwix arin sa' ruuchich'och'.

Apocalipsis 9:1

Li ro' ánjel kixyaab'asi li xtronpeet, ut kiwil jun li chahim kit'ane'k chaq sa' choxa toj sa' ruuchich'och'. Kik'ehe'k re li xlaawil li xchamal li Siwan,

San Juan 14:19

Sa' jun k'amok chik li ruuchich'och' ink'a' chik taaril wu, a'ut laa'ex teeril wu xb'aan naq yo'yookin ut yo'yooqex ajwi' laa'ex.

Colosenses 3:3

Xb'aan naq ak kamenaqex ut muqmu leeyu'am rochb'een li Kriist rik'in li Yos.

Salmos 18:46

Eb' laj ab'l tenamit neke'lajk xmetz'ew, ut neke'siksotk naq neke'xkanab' chaq li xmuqb'al rib'eb'.

Apocalipsis 5:14

Ut eb' li kaahib' chi yo'yookeb' ke'xye: “Jo'kan taxaq!”. Toja' naq eb' li cheekel winq ke'xhupub' rib' chi loq'onink.

1 Samuel 2:6

Li Qaawa' nak'ehok yu'am ut li kamk; nataqlank sa' xna'ajeb' li kamenaq ut na'isink chaq.

Li xHu LAJ JOB 38:17

Ma ak aawilom li rokeb'aal li xna'ajeb' li kamenaq, b'arwi' li Kamk na'awab'ejink?

San Mateo 11:23

Ut laa'at, Kafarnaúm, ma toj sa' choxa tab'i' tatwaklesiiq? Tatsob'e'q b'an toj sa' xb'alb'a! Xb'aan naq wi ta Sodoom kilaj'uxmank li sachb'ach'oolej li xe'uxk aawik'in, toj wank raj anaqwan.

San Lucas 24:5

K'ajo' naq ki'ok xxiweb' li ixq! Ke'xxulub' li rilob'aal sa' ch'och' ut ke'yehe'k re: —K'a'ut naq nekesik' sa' xyanqeb' li kamenaq li Yo'yo?

San Juan 11:25

Kixye li Jesus re: —Laa'in li wakliik wi' chik chi yo'yo ut li yu'am. Ani napaab'ank we, us ta taakamq, taawanq xyu'am,

Apocalipsis 2:8

“Tz'iib'an rik'in li x'ánjel li Iklees li wank Esmirna: «A'in naxye li xb'een ut li rosob'l, li kikamk ut kiyo'laak wi' chik.

Apocalipsis 6:8

Toja' naq kiwil, ut aran wank jun li kawaay, chaacha rix. Li k'ojk'o chi xb'een, a'an Kamk xk'ab'a', ut li xb'alb'a yo chi taaqenk re. Ut ke'k'ehe'k xwankil sa' xb'een li xka jachal li ruuchich'och', re kamsink rik'in ch'iich', rik'in we'ej, rax kamk ut rik'ineb' li josq' aj xul wankeb' sa' ruuchich'och'.

Apocalipsis 10:6

ut kixye jurament sa' xk'ab'a' li Yos, li yo'yo chi junelik q'e kutan, a' li kiyoob'tesink re li choxa ut chixjunil li wank chisa', li ruuchich'och' rochb'een chixjunil li wank chisa', li palaw rochb'een chixjunil li wank chisa'. Kixye chi jo'ka'in: “Maak'a' chik b'ayk!

Apocalipsis 15:7

Moqon chik jun reheb' li kaahib' chi yo'yookeb' kixq'axtesi reheb' li wuqub' chi ánjel wuqub' chi sek' oor, nujenaqeb' rik'in xjosq'il li Yos li yo'yo chi junelik q'e kutan.

Apocalipsis 20:13

Toja' naq li palaw kixq'axtesiheb' li kamenaq wankeb' chisa'; jo'kan ajwi' li kamk ut li xna'ajeb' li kamenaq ke'xq'axtesiheb' li kamenaq k'uulanb'ileb' chisa', ut kiraqmank aatin sa' xb'een li junjunq, jo' chanru li xb'aanuhom.