Apocalipsis 1:17 - Q'eqchi Bible

¹⁷ Naq kiwil a'an, kint'ane'k chi hupu chi roq, chanchanin kamenaq kinkanaak, ut a'an kixk'e li xnim uq' sa' inb'een, yo chi xyeeb'al we: “Matxiwak. Laa'in li xb'een ut li rosob'l,

Li Santil hu

¹⁷ Nak quicuil ru quintꞌaneꞌ chi rok. Chanchan camenak quincana. Ut aꞌan quixqꞌue lix nim ukꞌ saꞌ inbe̱n ut quixye cue: —Matxucuac. La̱in li ac cuanquin chak saꞌ xticlajic li ruchichꞌochꞌ ut cua̱nkin chi junelic kꞌe cutan.

Apocalipsis 1:17 ပူးပေါင်းရင်းမြစ်များ

Isaías 44:6

Jo'ka'in kixye li Qaawa', li Nimajwal Yos, li awab'ej re Israel, laj kolol reheb': “Laa'in li xtiklajik ut li xraqik; maak'a' chik junaq yos chiwu laa'in.

Apocalipsis 22:13

Laa'in li Alfa ut li Omega, li xb'een ut li rosob'l, li xtiklajik ut li roso'jik”.

Isaías 41:4

Ani xk'uub'ank ut xb'aanunk re a'in? A' li xk'ehok xyu'ameb' li poyanam chalen chaq junxil: laa'in, li Qaawa', li junaj chirib'il, li xtiklajik ut li xraqik.

Isaías 48:12

“Ab'i, a Israel, xtenamitat laj Jakob, li insik'om chaq aawu: Laa'inin; laa'in li xtiklajik ut li xraqik.

Apocalipsis 2:8

“Tz'iib'an rik'in li x'ánjel li Iklees li wank Esmirna: «A'in naxye li xb'een ut li rosob'l, li kikamk ut kiyo'laak wi' chik.

Ezequiel 1:28

chanchan wi' li kaqlaaq' naq naxk'ut rib' sa' li choql sa' li hab'alq'e. Jo'ka'in naq kixk'ut rib' chiwu li xloq'al li Qaawa'. Ut naq kiwil a'an, kinwiq'laak, kinhupub' wib' chiru ch'och' ut kiwab'i jun xyaab' kuxej yo chi waatinankil.

Apocalipsis 1:8

“Laa'in li Alfa ut li Omega”, chan li Qaawa', li Nimajwal Yos li wank, li ak wan chaq ut li chaalel.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Daniel 10:15

“Naq kixye we eb' li aatin a'in, kinxulub' li wilob'aal sa' ch'och' ut mem kinkanaak.

Apocalipsis 1:11

“Tz'iib'a sa' hu li yookat chi rilb'al, ut taqla rik'ineb' li wuqub' chi Iklees: aran Éfeso, Esmirna, Pérgamo, Tiatira, Sardes, Filadelfia ut Laodicea”.

San Mateo 28:4

K'ajo'eb' xxiw laj k'aak'alenel muqleb'aal naq ke'ril a'an: neke'siksotk aj chik ut chanchan kamenaq ke'kanaak.

Daniel 10:12

Toja' naq li winq kixye we: «Matxiwak, a Daniel. Chalen chaq sa' xtiklajik xayal aaq'e chi xtawb'al ru li moy u a'in ut xakub'si aawib' chiru laaYos. Jo'kan naq x'ab'iik laatij ut xinchalk laa'in chi xyeeb'al aawe li xsumehom li Qaawa'.

Éxodo 20:20

Kichaq'ok laj Moisés ut kixye reheb' li tenamit: “Mexxiwak! Li Yos xk'ulunk chi xyalb'al eerix. A'an naraj naq junelik teek'e eech'ool chi roxloq'inkil, re naq mexmaakob'k”.

Éxodo 14:13

Kichaq'ok laj Moisés ut kixye reheb' li tenamit: “Mexxiwak, kawaq eech'ool ut teeril li kolb'a ib' tixk'e eere li Qaawa' sa' li kutan a'in. Xb'aan naq eb' laj Ejiipt li yookex chi rilb'al anaqwan, maajun wa chik teerileb' ru.

Génesis 15:1

Naq ak xk'ulmank chixjunil a'in, ki'aatinaak laj Abrán xb'aan li Qaawa' sa' moy u chi jo'ka'in: “Matxiwak, Abrán: laa'in laj kolol aawe. Q'axal nimaq laaq'ajkamunkil”, chan li Yos.

San Juan 21:20

Kixsutq'isi rib' laj Pedro ut kiril naq yo xtaaqenkil xb'aan li xtzolom li Jesus raaro xb'aan, a' li kix'anab' rib' chire xch'ool sa' li wa'ak ewu naq kixpatz' re: “Qaawa', ani li taaq'axtesinq aawe?”.

San Juan 13:23

Jun reheb' li xtzolom, a' li q'axal raaro xb'aan li Jesus, wank chi xk'atq sa' meex.

Habacuc 3:16

Naq xwab'i a'in, k'ajo' naq xxiwak xsa' linsa'; xb'aan li xyaab' aakux ink'a' chik ninruuk chi aatinak, ut x'ok jun raxkehob' sa' chixjunil linb'aqel: neke'parpotk eb' li woq sa' linb'eenik. Ab'an k'ojk'o linch'ool royb'eninkil li xkutankil li rahilal taachalq sa' xb'eeneb' li neke'rahob'tesink qe.

Éxodo 3:6

Kixye ajwi': “Laa'in li xYos laayuwa'; laa'in li xYos laj Abrahán, laj Isahak ut laj Jakob”. Toja' naq laj Moisés kixmuq li ru xb'aan naq kixxiwa rilb'al li Yos.

San Mateo 14:27

Ab'anan li Jesus tikto kiraatinaheb' ut kixye: —Kawaq eech'ool: laa'inin! Mexxiwak.

San Mateo 28:5

Toja' naq li ánjel ki'ok chi raatinankileb' li ixq ut kixye reheb': —Mexxiwak. Ninnaw naq yookex chi xsik'b'al li Jesus, a' li kik'ehe'k chiru krus.

Apocalipsis 1:4

Laa'in laj Jwan nintz'iib'ak rik'ineb' li wuqub' chi Iklees li wankeb' Asia. Usilal ut tuqtuukilal chiwanq taxaq eerik'in sa' xk'ab'a' li wank, li ak wan chaq ut chaalel, sa' xk'ab'a' li wuqub' chi Musiq'ej li wankeb' chiru li xnimajwal k'ojarib'aal

Salmos 139:5

Wankat chiwix ut chiwu, ut nakak'e laawuq' sa' inb'een chintenq'ankil.

Lamentaciones 3:57

Xinyaab'a laak'ab'a', ut xatjilok chink'atq: “Matxiwak!”, chankat we.