Apocalipsis 1:15 - Q'eqchi Bible

¹⁵ eb' li roq kama'eb' li chaab'il q'anch'iich' chaab'ilob'resinb'il sa' xam, ut li xyaab' xkux jo' xyaab' li k'iila ha'.

Li Santil hu

¹⁵ Li rok nalemtzꞌun chanchan li cha̱bil chꞌi̱chꞌ bronce ut cakjorin chanchan li kꞌan chꞌi̱chꞌ nak cuan saꞌ xam. Nak naa̱tinac chanchan xya̱b lix cau ok li palau.

Apocalipsis 1:15 ပူးပေါင်းရင်းမြစ်များ

Ezequiel 43:2

ut kiwil naq li xloq'al li xYos laj Israel yo chaq chi chalk sa' xjayal releb'l saq'e: nach'oxoxnak li xyaab' jo' li b'ut'iha', ut li ruuchich'och' kisaqeno'k ru xb'aan li xloq'al.

Daniel 10:6

Li xjunxaqalil nalemtz'unk jo' jun tertookil pek; li xnaq' ru kama' wi' li raq'kaaq; li xsa' eb' li ru kama'eb' wi' li raq'xam; eb' li roq ut eb' li ruq' chanchaneb' li q'anch'iich' ut li xyaab' xkux kama' wi' rab'inkileb' li k'iila poyanam.

Apocalipsis 14:2

Ut kiwab'i jun xyaab' kuxej sa' choxa, jo' xyaab' k'iila ha', jo' naq namoqk jun li kawil kaaq; li xyaab' kuxej kiwab'i chanchan xyaab' xkuxeb' laj aarp naq yo li aarpik.

Apocalipsis 19:6

Ut kiwab'i jo' xyaab' xkux xiikileb' li poyanam, chanchan xyaab' k'iila ha' ut xyaab' kawil kaaq, yookeb' chi xyeeb'al: “Aleluya! Li Qaawa', li qaNimajwal Yos x'ok chi awab'ejink.

Apocalipsis 2:18

“Tz'iib'an rik'in li x'ánjel li Iklees li wank Tiatira: «A'in naxye li Ralal li Yos, li wank xsa' li ru kama' raq'xam ut li roq chanchan chaab'il q'anch'iich'.

Salmos 93:4

A'ut jwal nim laawankil, at Qaawa', chiru li xyaab' li k'iila nima' ut li xkaw oq li palaw; jwal nim laawankil sa' choxa, at Qaawa'.

Ezequiel 1:7

Juntiikaj li xtzelekeb' ut xalxo li roqeb', kama' li roqeb' li wakax, ut nalemtz'unk jo' li q'anch'iich' ch'ajob'resinb'il chi us.

Ezequiel 40:3

Li Qaawa' kinxk'am aran, ut kiwil jun li winq nalemtz'unk jo' li q'anch'iich'. Xaqxo sa' li okeb'aal ut wank jun k'aam liino sa' ruq' ut jun b'isleb' che'.

Isaías 17:13

Ab'anan naq li Yos tixq'useb' chi kaw, eelel te'xik chi najt ut te'aanilasiiq jo' naq na'apuuk li mul xb'aan li iq' toj sa'eb' li tzuultaq'a, chanchanaqeb' xmuqyax li kaqsut-iq'.

Ezequiel 1:24

Toja' naq kiwab'i naq neke'xik'ank, chanchan wi' xyaab' li b'ut'iha', kama' wi' li xyaab' xkux li Nimajwal Yos. Naq neke'b'eek, xiwajel li xyaab'eb', kama' xyaab' jun nimla yalok; naq neke'xaqliik, neke'xkub'si li xxik'eb'.

Apocalipsis 10:1

Kiwil ajwi' jun chik li ánjel kaw rib', yo chaq chi kub'eek sa' choxa, sutsu sa' choql, wank li kaqlaaq' chi xb'een xjolom; li xnaq' ru kama' li saq'e ut eb' li ra' chanchaneb' oqech yo xxamlel.