Amós 9:8 - Q'eqchi Bible

⁸ “Laa'in li Qaawa' junelik wank li wilob'aal sa' xb'een li awab'ejihom a'in. Jo'kan naq tinsacheb' ru laj maak a'in sa' ruuchich'och'; ab'an ink'a' tinsach chi junajwa eb' li ralal xk'ajol laj Jakob -chan li Qaawa' Yos-.

Li Santil hu

⁸ La̱in yo̱quin chirilbal li ma̱usilal li yo̱queb chixba̱nunquil lin tenamit. La̱in tinsach ruheb saꞌ li ruchichꞌochꞌ. Abanan incꞌaꞌ tinsacheb chixjunileb li ralal xcꞌajol laj Jacob.

Amós 9:8 ပူးပေါင်းရင်းမြစ်များ

Jeremías 30:11

Laa'in, li Qaawa', ninye li waatin naq wankin aawik'in chakolb'al ut tinsach ruheb' chixjunil li tenamit katincha'cha'i wi'. Ab'an ink'a' tinsach aawu laa'at chi junajwa, us ta tatinq'us ut tatintij jo' chanru aak'ulub': ka'ajwi' nawaj naq taatoj rix laamaak sa' xyaalal”.

Amós 9:4

Wi te'xik chi preexil sa' najtil tenamit xb'aaneb' li xik' neke'ilok reheb', tintaqla xkamsinkileb' rik'in q'esnal ch'iich'; ut junelik wanq li wilob'aal chi rilb'aleb' re xsachb'aleb', maawa' re rusilankileb'”.

Jeremías 44:27

K'ehomaq reetal naq yooqin rilb'aleb' re xtaqlankil li rahilal sa' xb'eeneb' ut maawa' re rusilankileb'. Chixjunileb' laj Judá li wankeb' sa' xteepal Ejiipt te'sache'q ru xb'aan li raaxiik' ut li we'ej, toj reetal naq maajun chik tkanaaq.

Jeremías 5:10

Okanqex sa' li tenamit ut sachomaq, ab'an moko teesach ta chi junajwa. Ka'ajwi' li ink'a' chaab'ileb' xch'ool teerisi, xb'aan naq moko weheb' ta.

Joel 2:32

Ab'anan chixjunileb' li te'yaab'anq re xk'ab'a' li Qaawa', te'kole'q, xb'aan naq sa' li tzuul Sión ut Jerusalén taawanq li kolb'a ib', jo' kixye li Qaawa'. Jo'k'ihaleb' li sik'b'ileb' ru xb'aan li Qaawa' te'kole'q.

Oseas 1:6

Lix Gómer kikanaak wi' chik sa' yu'am ut kiyo'laak jun xch'ina ixqa'al. Ut li Qaawa' kixye re laj Oseas: “«Ink'a' uxtaananb'il ru» taak'e cho'q xk'ab'a', xb'aan naq ink'a' chik twuxtaana ru eb' laj Israel, ut xeb'intz'eq chirix inch'ool.

Proverbios 15:3

Li Qaawa' wank yalaq b'ar ut narileb' li chaab'il ut li ink'a' useb' xch'ool.

Proverbios 5:21

Li Qaawa' naril li xna'leb' li junjunq ut naxk'e reetal li xb'aanuhom.

1 Reyes 13:34

Li yib' aj b'aanuhom a'in kik'amok re laj Jerobohán chi maakob'k jo' ajwi' eb' li ralal xk'ajol. A'an ajwi' xyaalal naq kisache'k li xjunkab'al chi junajwa sa' xb'een li ruuchich'och'.

Deuteronomio 6:15

xb'aan naq li Qaawa' laaYos, li wank aawik'in, a'an jun Yos aj sowen. Wi taab'aanu chi jo'kan, taachalq li xjosq'il li Qaawa' laaYos sa' aab'een ut tatxsach chi junajwa.

Deuteronomio 4:31

ink'a' texxkanab' eejunes chi moko texxsach chi junajwa, xb'aan naq li Qaawa' leeYos a'an jun Yos aj uxtaan, ut ink'a' taasachq sa' xch'ool li Sumwank kixk'ojob' rik'ineb' leena' leeyuwa'.

Génesis 7:4

Sa' wuqub' li kutan chik tintaqla li hab' sa' xb'een li ruuchich'och' chiru ka'k'aal q'oqyink, ut talajinsacheb' sa' ruuchich'och' chixjunil linyoob'tesihom”, chan li Qaawa'.

Génesis 6:7

“Tinsach ruheb' sa' xb'een li ruuchich'och' chixjunileb' li winq xinyoob'tesi: li winq jo' ajwi' li ketomq, eb' li xul neke'xjukuki rib' sa' ch'och' ut eb' li neke'rupupik chiru choxa. Nayot'e'k linch'ool naq xeb'inyoob'tesi”, chan li Yos.

Jeremías 46:28

At Jakob, aj k'anjelat chiwu, matxiwak -chan li Qaawa'-, xb'aan naq wankin aawik'in chakolb'al ut tinsach ruheb' chixjunil li tenamit katincha'cha'i wi'. Ab'an ink'a' tinsach aawu laa'at chi junajwa, us ta tatinq'us ut tatintij jo' chanru aak'ulub': ka'ajwi' nawaj naq taatoj rix laamaak sa' xyaalal”.

Amós 3:12

Jo'ka'in kixye li Qaawa': “Jo' naq laj ilol ketomq naxmaq' wiib'aq ra' malaj junaq xxik li karneer sa' re li kaqkoj, jo'kan ajwi' naq te'kole'q eb' laj Israel li wankeb' Samaria; ab'anan ka'ajwi' li roq xch'aateb' te'xk'am malaj junaq chaab'il isb'”.

Amós 7:17

A'ut xyehom li Qaawa': «Laawixaqil taayumb'eetaq sa' li tenamit, eb' laawalal aak'ajol te'kamsiiq chi q'esnal ch'iich' ut laach'och' taajachimanq chi b'uulinb'il. Laa'at ajwi' toxatkamq sa' xyanqeb' li ink'a' neke'xpaab' li Qaawa', ut eb' laj Israel te'k'ame'q chi b'ak'b'o, najt rik'in li xna'ajeb'»”.

Amós 9:10

Chi q'esnal ch'iich' te'kamje'q chixjunileb' laj maak sa' lintenamit, eb' li neke'yehok: «Maak'a' rahilal tqak'ul; chi moko junaq raaxiik' taatawoq qe», chankeb'”.

Oseas 1:4

Ut li Qaawa' kixye re laj Oseas: “K'e cho'q xk'ab'a' «Jisrehel», xb'aan naq chi seeb' tink'eheb' laj Jehú chi xtojb'al li xmaakeb' chirix li kamsink ki'uxmank aran Jisrehel. Twaj naq taa'oso'q li x'awab'ejihom laj Israel.