Amós 9:4 - Q'eqchi Bible

⁴ Wi te'xik chi preexil sa' najtil tenamit xb'aaneb' li xik' neke'ilok reheb', tintaqla xkamsinkileb' rik'in q'esnal ch'iich'; ut junelik wanq li wilob'aal chi rilb'aleb' re xsachb'aleb', maawa' re rusilankileb'”.

Li Santil hu

⁴ Ut cui ta teꞌchapekꞌ ut teꞌcꞌamekꞌ xbaneb li xicꞌ nequeꞌiloc reheb, tintakla xcamsinquileb riqꞌuin chꞌi̱chꞌ. La̱in tebinsach ut incꞌaꞌ tincoleb, chan li Ka̱cuaꞌ.

Amós 9:4 ပူးပေါင်းရင်းမြစ်များ

Levítico 26:33

Texincha'cha'i laa'ex sa' xyanqeb' li tenamit ut texwaanilasi rik'in q'esnal ch'iich'. Leena'aj taasutq'iiq cho'q chaqich'och', ut eb' leetenamit tinkanab'eb' cho'q po'lem.

Jeremías 44:11

«Jo'kan naq laa'in li Qaawa', li xYos laj Israel, ninye chi jo'ka'in: K'ehomaq reetal, tintaqla chaq li rahilal sa' eeb'een, re xsachb'al ru chixjunil Judá.

Jeremías 21:10

Xb'aan naq xink'uub' xrahob'tesinkil li tenamit a'in ut ink'a' chik nawaj rusilankil. Tinq'axtesi sa' ruq' li awab'ej re Babilonia, ut a'an taak'atoq re -chan li Qaawa'-.

Ezequiel 5:12

Jun rox jachaleb' laapoyanam, a Jerusalén, te'kamq xb'aan li raxkamk ut li we'ej; li jun rox jachal chik te'kamsiiq chi ch'iich' chasutam xb'aaneb' li xik' neke'ilok aawe, ut li rox jachal chik tincha'cha'iheb' junsut junrub'el choxa. Ut laa'in twaanilasiheb' chi ch'iich'.

Levítico 17:10

“Laa'in tinjosq'o'q rik'in chixjunileb' laj Israel malaj aj ab'l tenamit li wanqeb' sa' eeyanq wi te'tzekanq kik' a' yaal chanru. Laa'in te'wisi sa' xyanqeb' li rech tenamitul.

Ezequiel 5:2

Jun jachal laawismal taak'at sa' xyi li tenamit naq taaraqe'q xsutb'al rix Jerusalén. Li jun jachal chik taaxok ut taaseti chi ch'iich' chi junqre li tenamit; ut li rox jachal taakut sa' iq'. Toja' naq laa'in twaanilasiheb' chi ch'iich' eb' li poyanam.

Jeremías 39:16

“Ohat ut ye re laj Ebedmélek, aj Etiopía: «Jo'ka'in xye li Nimajwal Yos, xYos laj Israel: Ok we chi xb'aanunkil li xinye chirix li tenamit a'in, re xrahob'tesinkil ut maawa' re rusilankil ru. Ut laa'at taawil rik'ineb' laawu sa' li kutan a'an.

Jeremías 24:6

Twileb' chi chaab'il, tink'ameb' chaq wi' chik sa' li xch'och'eb' ut tink'eheb' chi wakliik re naq ink'a' chik te'juk'e'q li xwankil; te'k'ojlaaq wi' chik sa' li xtenamiteb' ut ink'a' chik twisiheb' chisa'.

2 Crónicas 16:9

Xb'aan naq li Qaawa' naxb'eeni chixjunil li ruuchich'och' re xkawub'resinkil xch'ooleb' li yo'ooneb' rik'in. Aamemil xab'aanu wi' a'in. Jo'kan naq chalen anaqwan junelik wanqat sa' raaxiik'”.

Jeremías 12:12

Sa' xb'eeneb' chixjunil li t'ojoch aj tzuul xe'chalje'k chaq eb' laj elq' xb'aan naq laa'in, li Qaawa', wank jun inq'esnal ch'iich' li tinsach wi' chixjunil li na'ajej toj sa' xmaril, ut maajun taakole'q.

Amós 9:8

“Laa'in li Qaawa' junelik wank li wilob'aal sa' xb'een li awab'ejihom a'in. Jo'kan naq tinsacheb' ru laj maak a'in sa' ruuchich'och'; ab'an ink'a' tinsach chi junajwa eb' li ralal xk'ajol laj Jakob -chan li Qaawa' Yos-.

Zacarías 8:10

Xb'aan naq chiruheb' li kutan a'an maak'a' chaq li tojleb' cho'q reheb' li winq chi moko reheb' li xul neke'iiqank; maak'a' ajwi' li tuqtuukilal sa' xyanqeb' li poyanam xb'aaneb' li xik' neke'ilok reheb', ut laa'in ajwi' xinb'aanunk naq maak'a' li sahilal chirib'ileb' rib' li tenamit.

Génesis 44:21

Toja' naq laa'at xaye qe: «K'amomaq chaq re naq twil ru».

Éxodo 14:24

Ab'an naq hik'e'k re, li Qaawa' ki'ilok toj sa' li xam ut sa' li choql, ut kixsach xwankileb' laj Ejiipt.

Salmos 34:17

Ab'an xik' narileb' laj b'aanuhom maa'usilal re naq maak'a'aq chik xpatz'b'aleb' sa' ruuchich'och'.

Jeremías 39:12

“K'am li propeet ut taawil chi us; maab'aanu junaq rahilal re, chab'aanu b'an li k'aru tixye aawe a'an”.