Amós 8:9 - Q'eqchi Bible

⁹ “Sa' li kutan a'an -chan li Qaawa' Yos- tink'e chi aak'ab'o'k ru li kutan ut taachalq li q'oqyink sa' wa'leb'.

Li Santil hu

⁹ Saꞌ li cutan aꞌan, usta cuaꞌleb re li cutan, li sakꞌe ta̱oc ut ta̱kꞌojyi̱nokꞌ ru li cutan inban la̱in. La̱in tinsukꞌisi li cutan chokꞌ kꞌojyi̱n, chan li Ka̱cuaꞌ.

Amós 8:9 ပူးပေါင်းရင်းမြစ်များ

San Marcos 15:33

Sa' wa'leb', ki'aak'ab'o'k sa' xb'een chixjunil li ruuchich'och' toj sa' oxib' honal.

San Mateo 27:45

Chalen wa'leb' toj sa' oxib' honal ki'aak'ab'o'k sa' xb'een chixjunil li ruuchich'och'.

San Lucas 23:44

Ak wa'leb' tana naq kimoy ru li saq'e ut ki'aak'ab'o'k sa' xb'een chixjunil li ruuchich'och' toj sa' oxib' honal.

Jeremías 15:9

Q'axal ra xk'ul li na'b'ej li wank wuqub' li ralal, k'ajo' naq xmayok li xch'ool! Xkanaak sa' xutaanal ut xsache'k li xwankil; xq'oqyino'k ru li saq'e naq toj kutan. Ut eb' li te'kole'q sa' xyanqeb', laa'in tinq'axtesiheb' chi kamk chiruheb' li xik' neke'ilok reheb'”, chan li Qaawa' Yos.

San Mateo 24:29

“Akaq xk'ulmank li nimla rahilal a'an, li saq'e taaq'oqyino'q ru chi junpaat, li po ink'a' chik taasaqeno'q ru, eb' li chahim sa' choxa te't'anje'q chaq ut li xwankilal li choxa taachiq'chiq'iiq sa' xna'aj.

Miqueas 3:6

“Ink'a' chik tex'iloq moy u chiru li q'oqyink, chi moko sa' li aak'ab' teeye li k'aru chaalel”, chan li Qaawa'.

Amós 5:8

Li Qaawa', a'an li kiyiib'ank reheb' li k'iila chahim, Pléyades ut Oryón li xk'ab'a'eb', ut aak'ab' naxkanab' wi' li kutan. A'an naxjunaji li xha'el li palaw ut naxpaji chaq sa' xb'een li ruuchich'och'. A'an li nasachok xwankil eb' li kaweb' rib' ut naxjuk' li kawub'resinb'il tenamit. Li xk'ab'a' a'an Qaawa'.

Isaías 13:10

Eb' li chahim chiru choxa ink'a' chik te'saqeno'q ru, li saq'e taaq'oqyino'q ru chi junpaat ut li po ink'a' chik tixkutanob'resi li ruuchich'och'.

Li xHu LAJ JOB 5:14

Chi kutan neke'ok sa' aak'ab', tuqtu wa'leb' yal neke'xmaayu li xb'eheb' kama' wi' wankeb' sa' q'oqyink.

Amós 4:13

Xb'aan naq a' li Qaawa' nak'uub'ank reheb' li tzuul, ut a'an nayoob'ank re li iq'. A'an naxk'ut chiru li winq ut li ixq li k'aru wank sa' xch'ool, ut naxsutq'isi li saqenk cho'q aak'ab'. A'an naxb'eeni eb' li tzuul sa' chixjunil li ruuchich'och': li Qaawa', li Nimajwal Yos naxk'ab'a'in.

Apocalipsis 8:12

Toja' naq li xka ánjel kixyaab'asi li xtronpeet, ut kikete'k li rox jachal li saq'e, li rox jachal li po ut li rox jachal chixjunileb' li chahim: ki'aak'ab'o'k li rox jachal chixjunil a'an, ut li rox jachal li kutan ink'a' kisaqeno'k ru; jo'kan ajwi' li q'oqyink.

Apocalipsis 6:12

Naq li Karneer kixte li xwaq tz'apleb', kiwil, ut kiwank jun nimla hiik; li saq'e kiq'eqo'k jo' jun li t'ikr mutzuk ru, li po kikanaak chixjunil chanchan kik'

Jeremías 13:16

Loq'onihomaq ru li Qaawa' leeYos, naq toj maji' naq'oqyino'k ut nekextichk'oq sa'eb' li aak'ab'il tzuul. Laa'ex nekeroyb'eni li kutan saqenk, ab'an li Qaawa' tixjal ru cho'q aak'ab' ut cho'q q'oqyinkil choql.

Ezequiel 32:7

Ut naq akaq xatinkamsi, tink'e chi q'oqyino'k ru li choxa ut eb' li chahim ink'a' chik te'k'utunq. Tintz'ap ru li saq'e ut ink'a' chik taasaqeno'q ru li po.

Zacarías 14:7

Junaq ajwi' ru li kutan a'an, b'arwi' maak'a'aq kutan chi moko q'oqyink, xb'aan naq kutansaqenkaq ru chixjunil. Ut a'an ka'ajwi' li Qaawa' nanawok re.