Amós 8:7 - Q'eqchi Bible

⁷ Li Qaawa', li naxnimob'resi wi' rib' laj Israel, kixye sa' jurament: “Maajoq'e taasachq sa' inch'ool chixjunil leeb'aanuhom”.

Li Santil hu

⁷ Li Ka̱cuaꞌ li qui-osobtesin re laj Jacob quixba̱nu li juramento saꞌ xcꞌabaꞌ ajcuiꞌ aꞌan ut quixye: —Ma̱ jaruj ta̱sachk saꞌ inchꞌo̱l chixjunil lix yehom xba̱nuhomeb li tenamit aꞌin.

Amós 8:7 ပူးပေါင်းရင်းမြစ်များ

Amós 6:8

Li Qaawa' kixye li raatin; li Nimajwal Yos kixye chi jo'ka'in: “Xik' nawil li xq'etq'etileb' li ralal xk'ajol laj Jakob; nintz'eqtaanaheb' li xchaq'alil ru ochoch; ut tinq'axtesi chixjunil li tenamit sa' ruq'eb' li xik' neke'ilok reheb'”.

Oseas 9:9

Q'axal xnumtaak leemaa'usilal, jo' keb'aanu chaq aran Kibehá. A'ut li Qaawa' junelik wank sa' xch'ool leemaa'usilal, ut texk'e chi xtojb'al rix leemaak.

Oseas 8:13

Nawulak chiruheb' li mayejak: mayejaqeb' ut xtzekaaqeb' li tib' mayejanb'il! Ab'an laa'in li Qaawa' ink'a' sa inch'ool rik'ineb': jultik we li maa'usilal xe'xb'aanu, ut tinrahob'tesiheb' xb'aaneb' li maak xe'xb'aanu rik'in xtaqlankileb' wi' chik Ejiipt.

Oseas 7:2

Ink'a' neke'xk'oxla naq jultik we li xmaakeb'. Ut anaqwan tz'aptz'ookeb' sa' li maak, junelik wank chiwu li xmaa'usilaleb'.

Salmos 10:11

Naxye sa' xch'ool: “Li Yos ink'a' chik nak'oxlak, ink'a' na'ilok, maajaruj tixnaw a'in”, chan.

Jeremías 31:34

Ink'a' chik aajel ru naq junaq tixtij li ras riitz'in malaj li rech'alal rik'in xyeeb'al: «Chanawaq ru li Qaawa'». Xb'aan naq chixjunileb' te'nawoq wu, jo' kok' jo' ninq. Laa'in tinkuy li xmaakeb' ut ink'a' chik tjultiko'q we li xmaa'usilaleb'”, chan li Qaawa'.

Jeremías 17:1

“Li xmaak laj Judá tz'iib'anb'il rik'in ch'iich', aw'o chi us sa' li xch'ool kaaxtinb'il rik'in ru'uj li lemtz'ilpek, ut let'exinb'ilatq sa' xxuk eb' li x'artal.

Isaías 43:25

Ab'an laa'in xinkuy chixjunil laamaak ut ink'a' chik xink'e sa' inch'ool laamaa'usilal, xb'aan naq Yosin.

Salmos 47:4

Xq'axtesiheb' sa' quq' chixjunileb' li poyanam, ut xk'eheb' rub'el qoq chixjunileb' li tenamit.

San Lucas 2:32

a'an saqenk re xkutanob'resinkileb' li junch'ol chik, ut xnimal xloq'al laatenamit Israel”.

Salmos 68:34

A'an nak'amok b'e sa' choql, sa' li najteril choxa. Ab'ihomaq chanru naxjap chaq re chi kaw xyaab' xkux.

Éxodo 17:16

ut kixye: “Li reetalil li Qaawa' sa' uq'ej. Li Qaawa' taayaloq rik'in laj Amalek junq'e junq'e kutan”.

Jeremías 44:21

“Ma ink'a' tab'i' naxnaw li Qaawa' malaj naxk'e reetal naq laa'ex jo'wi' eb' leena' leeyuwa', eb' li awab'ej, eb' li xjolomileb' li tenamit ut chixjunileb' li wankeb' sa' li ruuchich'och', xexyeechi'ink k'ajpom chiruheb' li jalanil yos sa'eb' li tenamit re Judá ut sa'atqeb' li b'e re Jerusalén?

Amós 4:2

Ab'an li Qaawa' xye xjurament sa' xk'ab'a' li xsantilal: “Taawulaq xq'ehil naq tolexsaapuuq chi lokoch ch'iich' ut eb' leeralal eek'ajol te'chapmanq rik'in luchb'aq sa' reheb'.

Li xHu LAJ JOB 24:23

Naxkanab'eb' chi wank chi maak'a'eb' xk'a'uxl, ab'an yo xk'eeb'al reetal li k'aru neke'xb'aanu.

Salmos 47:5

A'an xsik'ok ru li na'ajej li tixk'e cho'q qe: a' li kixnima wi' rib' laj Jakob li q'axal raaro xb'aan.

Isaías 22:14

Toja' naq li Qaawa', li Nimajwal Yos, xye we: “Li maak a'in ink'a' taakuymanq toj reetal toxexkamq”, chan li Nimajwal Yos.